ههههههههههه اسيب عربية ؟؟؟؟؟؟ تعرف عني كده يا لورد ؟؟؟؟
تمام يا استاذ كريم و فيه فكرتين جاهزين للموضوع ده فعلا في دماغي
لو ينفع المساعد اللي بيفتح الشنطة يتفك و نحط جواه سوستة زي سوستة المسدس اللعبة بحيث يدي الدفع و يخلي الشنطة مفتوحمتتقفلش الا بايد خارجية
يا اما نحط ع المساعد من برة سوستة نفس المقاس و تتظبط بحيث الشنطة تتقفل بدون مشاكل و اول ما تتفتح تنط :)
و عشان كده قولت الفتح يكون يدوي احسن بحيث انها تبقي محكمة ع القفل
و فيه نفس الوقت منعا للاعطال اللي ممكن تنتج من شغل الكهربا
فك المساعد طبعا مستحيل لانة فى زيت و بلوف و مبتبرشم
تحط سوستة خارجة برضوا صعب لانك لازم تكون واسعة عشات تعدى من الراس الا لو وديت المساعد لحد بتاع سوست و لف السوستة ع العمود مباشر و هيبقى اعتقد طول السوستة 10 سم عشان لما تنظغط تبقى 5 سم و دا المسافة الموجودة بين الراس و اول المساعد تقريبا
الفكرة الصح اللى كانت عندى بس منفذتهاش لضيق الوقت هى . ف مشبك الشنطة اللى ف شاسية العربية مش الضرفة فى كاوتشة صغيرة كنت هفكها و احط مكانها مسمار بصامولة كونتر و جوة المسمار سوستة ناشفة 2 سم تقريبا و المسمار 3 سم دا لو انا متذكر المقاسات صح . دى هتكون اوقع و كمان هتكون ف مركز الضغط عشان تزق الباب و ترفعة عن الترباس . طبعا الكلام ع الماروتى
زى موعدت الاخ الفاضل Axel برفع صور الشغل اللى عملتوا بالنسبة لدخول السلك ف الابواب الخلفية :
http://img404.imageshack.us/img404/8713/abcd00144.jpg
http://img6.imageshack.us/img6/4214/abcd00066.jpg
و دى صور دخول السلك من الابواب الامامية :
http://img341.imageshack.us/img341/4631/abcd00088p.jpg
http://img148.imageshack.us/img148/3104/abcd00155.jpg
و دى صور الازرار مع ملاحظة زر ف المنتصف ملوش لزمة غير انة يكمل المكان و يملاة
http://img402.imageshack.us/img402/2420/abcd00099.jpg
و دى صورة مكان الكاسيت اللى عملتوا لتركيبة :
http://img832.imageshack.us/img832/1088/abcd00100.jpg
و دى صور لازرار الباب الخلفى و الشنطة و الكبوت اللى عملتهم :
http://img26.imageshack.us/img26/1296/abcd00111.jpg
http://img828.imageshack.us/img828/5997/abcd00122.jpg
http://img502.imageshack.us/img502/8861/abcd00166.jpg
اتمنى الشغل يكون عجبكم و تمام
مية مية يا استاذ كريم و يا ريت لو صور بقي لباقي تظبيط العربية
و عايزك تفهمني الحوار اللي عملته بتاع زراير الباب الخلفي و الشنطة و اتكلفت كام و ايه الحاجة اللي محتاجها عشان ان شاء الله ناوي برده عايز اركب نفس الحوار في الباب الخلفي عشان ينور مع فتح الباب زي اللي قدام و نفس الحوار في الشنطة عشان عايز اعمل ليها لمبة منفردة
شوف يا سيدى ازرار الباب الخلفى اشتريتها من سوزوكى سنتر ف التوفيقية اعتقد الزر كان ب 20 او 25 ج و مكان تركيب الازرار موجود ع الشاسية هتلاقى مكنها زى منا فتحت و خرمت ليها شوف ف الصورة هتطلع من الزر سلك و تطلع بيها ع قايم النص و هتلاقى السلك بتاع الزر اللى ف الباب الامامى اللى بينور اللمبة هتعمل بريدج و توصلهم ببعض .
اما موضوع الشنطة و الكبوت الازرا ر جبتها من عند حسنى الحكيم ف التوفيقية بتقولوا عاوز ازرار شنطة و كبوت ب 15 ج بس انا عاملها للانذار بس لو عاوز تعملها لمبة ممكن هتدى اللمبة كهربة مباشر و تاخد الارضى من الزر اللى هتركبة و لما تفتح هينور معاك الشنطة و ممكن برضوا توصلوا للانذار كمان مفيش مشكلة بس ف الشنطة برضوا هتخرم خرم و تاخد بالك هتخرم فين عشان راس الزر ميجيش ف داير ضلفة الشنطة هيلوح الزر و يبوظة خللى الخرم يقابل ضلفة الشنطة ف العدل . اما للكبوت نفس الكلام بس مش محتاج تخرم لان كان فى خرم موجود اصلا استخدمتة مع مراعاة تظبيط طول الزر و ممكن برضوا تعمل لمبة للموتور و توصلها للانذار بنفس طريقة الشنطة طبعا الشغل دا كلة انا اللى عاملة . اى خدمة
متشكر يا استاذ كريم ع تعبك و الشرح لأني فعلا عايز اعملها و مش عايز اروح لكهربائي يعملي حاجة عشان هي مش ناقصة فزلكة أفضل اني اعملها بنفسي
لكن انا في شغل الكهربا ببصم هههههههه كبيري اغير لمبات بوجيهات اصلح بعض الحاجات التالفة فك و تركيب ع ادي يعني لكن كهربا انسي هههههههههه
بس عايز اسأل كام سؤال
- كل باب بتوصله بانهي سلك الباب الامامي ؟ يعني اليمين ورا مع اليمين قدام و العكس , و بالنسبة الشنطة و الكبوت فين برده ؟
- لما الاسلاك كلها كده وصلت الانذار يشتغل عادي ع اي باب او شنطة و لا لازم توصيلة معينة او ظبط حساس الانذار
- هل لازم اضيف اي حاجة تانية غير الأسلاك و الزراير و لو حبيت احط لمبة للشنطة و الكبوت و وصلتهم ع نفس سلك لمبة الصالون هحتاج اي حاجة ؟؟
- و هل فيه اي تأثير سلبي ع كهربة العربية لو عملت القصة ديه و خليت لمبة الشنطة و الكبوت مع لمبة الصالون ع نفس السلك و ينوروا مع فتح اي باب او شنطة او كبوت و لو مع مرور الوقت ؟
معلش هتعبك معايا