اهالى محور صفط اللبن يقطعون المحور و الطريق الدائرى بسبب انقطاع المياه عنهم و ازدحام مروري شديد هناك..دا منقول والعبرة على صديقي الذي نقل إللي الخبر..ياريت لو حد عنده معلومات اكتر يفيدنا
عرض للطباعة
اهالى محور صفط اللبن يقطعون المحور و الطريق الدائرى بسبب انقطاع المياه عنهم و ازدحام مروري شديد هناك..دا منقول والعبرة على صديقي الذي نقل إللي الخبر..ياريت لو حد عنده معلومات اكتر يفيدنا
سمعت نفس الكلام في الراديو
الكلام حقيقي كنت معدي من ع طريق كرداسه كده لقيت ناس كتير و الدائري و محور صفط المتجه للجامعه متوقفين نهائي
فعلاً أنا كنت طلعت الدائري من مطلع الزراعي القادم من بنها ( كنت في المنصورة ) وبعد ما عديت على المحور ب 1 كم ( كنت في طريقي للوصلة الجديدة علشان أنزل نزلة كورنيش المعادي ) لقيت الطريق واقف ولقيت ناس بتعمل يو تيرن في نفس الطريق فعملت زيهم ورجعت نزلت المحور إلى ماسبيرو .....
بس على فكرة إللي بيحصل دة موش حل ولا منطقي
كل ما حد يجيله صداع أو شوية مغص يقوم يعمل إعتصام ويقطع طريق
بالذمة دة كلام ؟؟
اسوأ حاجه قطع الطريق !!
انت ماتعرفش الي ماشي في الطريق دا حالته ايه
و طبعا مش هتحل حاجه و انت قاطع الطريق
يمكن احنا الحكومه بتاعتنا زباله و مابتجيش غير بلوي الدراع
بس بردو دا مش تفكير منطقي
ايه علاقيه قطع الميه بقطع الطريق ؟؟
اهوه الاتنين قطع و خلاص
اصل انتم مش متخيلين مشكله المياه
اكيد محدش يستحمل ان المياه تقطع مع اذان الضهر و تيجي ع 12 بليل و تيجي تفتح الحنفيه الساعه 2 تلاقيها قطعت تاني لحد الصبح
يعني اليوم 24 ساعه المياه مش موجوده الا خلال 7 ساعات بحد اقصي و ف ايام اوحش من كده
و احنا ف رمضان و صيف الواحد محتاج يستحمي و عايز يطبخ و كده
تخيل انك تكون مضطر تنزل كزا مره ف اليوم و انت مش عارف تغسل وشك و جسمك ملزق
و لا تغيب من شغلك ف يوم عشان مفيش مياه تغسل وشك
الناس اه متصرقتش صح بس مشكله المياه ديه تجنن العاقل ما بالك بناس ببببسيطه زيهم
عطشان يا صابايا مع ان انا بلدي النيل
حد يصدق في القرن ال22 ان بلد النيل (مصب النيل) في حتت فيها مافيهاش مياة ؟؟؟؟؟؟؟؟؟؟
الأغرب لما تلاقي البساتين مافيهاش مياة (البساتين علي النيل اساسا قبل المعادي بمحطة)
ولا حتة زي نهاية الهرم وفيصل يادووب لسة فاكرينهم بالمياة الصالحة للشرب من حوالي 10 سنين
ولا ولا ولا
الي بيعملوه مش حل وخدوا عاطل في باطل بس اعتقد دي طريقة لتوصيل صوتهم ولا تليفزيون نافع ولا صدقي في حبك شافع ولا واحد من الناس ولا كل الناس ولا عمرو الليثي ولا حتي عمرو دياب
لكي الله يا مصر
والله المستعان
،
،
انا ساكن في كعبيش في الطوابق فيصل عند شارع الاربعيني
من سنة و كام شهر المية كانت بتيجي 4 ساعات في اليوم الواحد من 2 بالليل لحد 4 الفجر و قعدنا كده شهرين و قدمنا كل الشكاوي الممكنة
في واحد صاحب ابراج كتيرة جارنا في الشارع قاللي انا واحد مهم اداني رقم "شكاوي رئاسة الجمهورية" و قاللي انه كلمهم و قالهم ان كل سكان الابراج حوالي 20 برج في 30 شقة هيعملو مظاهرة كبيرة هم و بقية السكان اللي في المنطقة و انهم بيلمو بعضهم دلوقتي
المهم اللي ردت عليه قالتله ساعتين و المية ترجع ومش هتقعطع تاني
بس كده
بالمناسبة المية مش بتقطع من ساعتها
معلش الشيء بالشيء يذكر
البلد بقى حالها يقرف .......و الناس تقرف
كل واحد مش عاجبه حاجة يعملي مظاهرة و يقطع الطريق
=======================
أنا مقدر موضوع المياه أن لا يمكن الأستغناء عنها
و لكن قطع الطريق ده جريمة
أفرض واحد في طريقه لأمتحان
أو واحدة حامل في عربية أسعاف
أو واحد رايح يعمل عملية
أو واحد في عربية أٍسعاف و محتاج علاج ضروري و كل ثانية مهمة في أنقاذ حياته
أو او او او او .......... الخ الضروريات كتيرة
اللي عايز يعمل حاجة ......... يروح عند مبني المحافظة يتظاهر براحته و يحتج براحته من غير ما يطع طريق الناس
مفيش فايدة بلد متخلفة و شعب متخلف و أناني