هل زيادة عدد صمامات ماتور العربية دليل على الافضلية ، يعني ممكن نقول ان 16V احسن من 12V ، و لا ده مش شرط دايما .
عرض للطباعة
هل زيادة عدد صمامات ماتور العربية دليل على الافضلية ، يعني ممكن نقول ان 16V احسن من 12V ، و لا ده مش شرط دايما .
هو اللي أنا أعرفه أنه كلما زاد عدد الصمامات في المحرك كلما زادت كفائته .. يس مش عايز أقول لك على الأسباب اللي أنا أعرفها علشان مكنش بفتي و يا ريت حد خبرة يقول الأسباب ..
و دة كل اللي أنا أعرفه ..
:):)
زياده عدد الصمامات بتزيد من كفاءه المحرك لأنها بتخلي نسبه الخليط من الوقود و البنزين اقرب الى النسبه المثاليه.. و بتزود كفائه دورة الاحتراق و خروج العادم من المحرك.
حضرتك قصدك أحسن في الإختلاط و إندماج الهواء و الوقود مع بعض لأن كلما زاد الخلط و الإندماج و التناغم بينهم بيكون الإحتراق أحسن دة غير إن كمية الهواء الداخلة أكثر و في حالة شوط العادم ما بيعملش خنق..
يعني موتور 1600 8 و 16 صمام 4 سليندر
الأول معناه وجود صمام للخليط ( الهواء و الوقود في حالو أنه مش حقن مباشر ) و صمام واحد تاني للعادم أما الآخر فبيكون صمامين للخليط ( الهواء و الوقود في حالو أنه مش حقن مباشر ) و صمامين للعادم , فتخيل أن كمية الوقود واحدة بس لما يكون صمامين لدخول الهواء بيكون أحسن دة غير إن إختلاط الوقود بيكون أحسن بكتير و في حالة العدم خروج العادم من صمامين أحسن من خروجه من صام واحد فمبيعملش خنق ..
يا رب يكون كلامي دة صح و أتمنى أكون أفدتكم و مبكنش بفتي ..
:):)
زيادة عدد الصمامات فى المحرك له عدة مزايا كما له سلبيات
الميزة الأولى هى فتح مساحة اكبر لتنفس الهواء وبالتالى ملئ السلندرات بكمية اكبر من الهواء، فيما معناه امكانية حقن وقود اكتر ، لأن الوقود يحتاج لهواء يحترق فيه، ولا معنى لحقن كمية اكبر من الوقود بدون هواء كافى لحرقه والإستفادة بطاقته ،وهذا يزيد القدرة الحصانية للمحرك لنفس السعة اللترية، حيث ان قدرة المحرك مرتبطة بكمية الهواء التى يستطيع المحرك ان يسحبها فى كل شوط، لذا نجد ان محرك 1300 سى سى ب 8 صبابات قدرته مثلا 70 حصان فى حين ان نفس االمحرك ب 16 صباب يمكن ان تصل قدرته الى 85 حصان
الميزة الثانية هى تقليل الضغط السلبى vacuum الناشئ عن خنق الهواء اثناء دخوله الى المحرك وكذلك الجهد المبذول لطرد العادم نظرا لاتساع مساحة الدخول والخروج مما يوف فى القدرة الحصانية المهدرة لتحريك اجزاء المحرك وهذا بدوره له تأثير على القدرة الصافية للمحرك
الميزة الثالثة هى امكانية عمل tuning او ضبط دقيق لأداء المحرك بضبط فرق التوقيت بين مواعيد فتح وغلق كل من صمامى الوقود وصمامى العادم لكل مكبس اما بتشكيل عمود الكامة بطريقة معينة تسمح بأن يفتح احد الصبابين قبل الآخر، او باستخدام تكنولوجيا تغيير توقيت الصبابات المستمرة continuous variable valve timing CVVT وكلا الأسلوبين يعطى نعومة وقوة لأداء المحرك
اما سلبيات المحرك متعدد الصبابات فهى
1- ارتفاع الصوت نتيجة لكثرة الأجزاء الميكانيكية وقوة الحريق
2- ارتفاع استهلاك الوقود بسبب استيعاب المحرك لكمية اكبر من الهواء (وهو ما يقابله قدرة حصانية اعلى)
3- زيادة عدد الأجزاء المتحركة وهو ما يقابله تكاليف اكبر للصيانة واعادة الناء (العمرة)
يبقى ان انوه ان الميزة الأساسية لتعدد الصبابات هى رفع القدرة النوعية (عدد الأحصنة لكل كيلوجرام من وزن المحرك او عدد الأحصنة مقسوما على السعة اللترية للمحرك)
وليس رفع الكفاءة ، حيث ان الكفاءة يمكن تعريفها ببساطة على انها عدد الأميال المقطوعة لكل لتر بنزين يستهلكه المحرك لو ثبتنا كل العوامل الآخرى مثل وزن السيارة ومعامل مقاومة الهواء ونعومة وانحدار الطريق واتجاه الريح،
بلغة ابسط فإن زيادة الصبابات يزيد من القدرة الحصانية للمحرك لنفس السعة اللترية وهو ما يعرف بالقدرة النوعية، لكن لا يحسن استهلاك المحرك للوقود وهو ما يعرف بالكفاءة
الله ينور يا ابو السباع
كلام مظبوط 100 %
ولا اروع
الله ينور يا ابو السباع
اضافة صغيرة جداً
بيمكن التغلب على استهلاك الوقود الاعلى فى المحرك كثير الصمامات بدعم لنظام حقن الكترونى متطور مع عمل توقيت لفتح وقفل الصمامات المستخدمة على حسب نمط قيادة السيارة و ظروف السير من خلال سرعات بطيئة و معتدلة و سريعة بالاضافة الى نقل الغيارات
Allah 3leek ya sabaawy pasha,senior
bemo,ire
سيدي يا سيدي على ابو السباع لما يمخمخ. الله ينور عليك يا خالد.
تسلم ايدك يا استاذ خالد على المعلومات القيمة
جاري الطباعة
ماهو ده مذكور برضه في الموضوع
اقتباس:
الميزة الثالثة هى امكانية عمل tuning او ضبط دقيق لأداء المحرك بضبط فرق التوقيت بين مواعيد فتح وغلق كل من صمامى الوقود وصمامى العادم لكل مكبس اما بتشكيل عمود الكامة بطريقة معينة تسمح بأن يفتح احد الصبابين قبل الآخر، او باستخدام تكنولوجيا تغيير توقيت الصبابات المستمرة continuous variable valve timing CVVT وكلا الأسلوبين يعطى نعومة وقوة لأداء المحرك
ايه الشرح الجميل ده فعلا شرح ينظم افكار الواحد و يرتبها الله ينور:)
شكرا لشرح سبعاوى الجميل بس فى سئوال ما هو بالتقريب متوسط معدل زيادة استهلاك
البنزين بين عربية 8 صباب كسيارات الفولكس و الاوكتافيا مثلا و عربية 16 صباب
فى نفس ظروف الطريق و القيادة ووزن السيارة ..الخ و ايهما نختار: سلاسة و قوة الاداء
ام الاقتصاد فى البنزين و هى مسألة بقت مهمة جدا حاليا و مستقبلا ؟؟
اضافة بسيطة:
تتميز المحركات اللى فيها 16 صمام بانها بتدى قدرة عالية لكن العزم بتاعها بيظهر على لفات اعلى نسبيا مقارنة بموتور من نفس السعة ب 8 صمامات فقط
مثال على كدة مواتير الاوبل الاسترا و الكورسا... الاتنين 1600 بس الاسترا 16 صمام و الكورسا 8 فقط... الاتنين بيعملوا نفس الععوم تقريبا (الاسترا اعلى بحاجة بسيطة جدا) لكن الاهم هو ان العزم الاقصى للكورسا بيطلع عند 3400 RPM فى حين ان الاسترا بيظهر عزمها الاقصى عند 4000RPM
دة يخلى الكورسا تبان بتسحب احسن لان العزم الاقصى بيبان بدرى بدون قرص على الموتور مقارنة بالاسترا و بالتالى الكورسا تبقى انسب للقيادة داخل المدينة
MMamdouh
هو فى جزء صح و جزء مش صح
الجزء الصح ان المواتير ال16 صباب بتبقى 2 كامة لان صعب جدا جدا من ناحية التصميم انك تشغل ال16 صباب بكامة واحدة... و استعمال كامتين بيسمح بان يبقى فيه ميل للصبابات و تشكيل غرفة حريق على شكل نصف كرة و دة الشكل الانسب لتحقيق افضل موجة احتراق منتظمة
الجزء اللى مش صح هو تشغيل الكامات... الكامات شغالة طول الوقت بغض النظر عن عدد الصمامات فى الموتور... اللى انت تقصدة دة زى الVTECH و ال VVT و ال MIVEC اللى فيه بيتغير مدة فتح الصباب حسب لفات الموتور و العربيات دى بتبفتح صباباتها فتحة صغيرة على لفات قليلة و لما اللفات تعدى حد معين الفتحة بتزيد عشان تساعد ان البساتم تسحب اكبر قدر ممكن من مخلوط الهواء و البنزين و رفع كفائة المحرك
الفكرة دى بتساعد على ان الموتور يبقى عزمة كويس على لفات قليلة (ميزة المحركات ال8 صباب) و توليد قدرة عالية على لفات عالية (ميزة المحركات ال16 صباب)
الميزة الاكتر ان المواتير دى مش شرط تبقى ذات سعة عالية عشان تولد عزم حلو... عند مثلا اليارس 1300 سى سى فقط بس بتجرى حلو لانها بتستفيد من نظام الVVT و طبعا مش محتاج اتكلم عن المواتير الVTECH
http://answers.yahoo.com/question/in...5104327AAqqgmd
VTECH
VVT
VTECH vs MIVEC vs MIVEC
MMamdouh
السلام عليكم
انا عربيتي كليو 1200 16 صباب وكامة واحدة وشوفت عربيات كتيرة أوي بكامة واحدة ومعادية ال1600 سي سي و16 صباب .....انا شوفت امبريزا في الحرفيين موتورها مكتوب عليه SOHC 2.0 16V وهذه الكلمة تعني Single Over Head Cam
دي صورة بتوضح شكل الكامة والصبابات الي في عربيتي
عمرو عمارة
كلام جميل .. طيب بناء عليه ايه فعلا انسب عربية للقيادة داخل المدينة City car
طبعا اقصد مدينة زحمة زى القاهرة و الوقوف كتير و الدبرياج والفرامل شغالة على
طول .. تمشى متر و تقف متر ايه انسب عربية يا خبراء افضل موتور يستحمل الكلام
ده بدون اجهاد و اعطال ؟؟
المداخلة اللى فاتت كانت من وحى كلام محمد ممدوح اللى ضرب مثل بالاوبل كورسا
بس العربية ده التوكيل فى مصر بطل يجبها مع انها عربية منتشرة بره خصوصا
انجلترا .. ساعات التوكيلات بتحسبها غلط و فى عربيات بتيجى مالهاش لازمة و
متناسبش شوارع المحروسة ..
فعلا انا عندي في الامبريزا 1600 16 صمام واحد كامه
بس في 2 وش سلندر
وده افتكاسات الموتور البوكسر تقريبا وانا فعلا مستغربه اوي لاني كنت معتقد ان 16 يعني لازم 2 كامه بس لقيت غير كده في السوبارو
معلومة جديدة بالنسبالى
بس لو بصينا حنلاقى عامود كامة واحد و عامودين تاكيهات... مش عارف ايه الحكمة انى اشغل وش السلندر بتلات عمدان (1 كامة و 2 تاكيهات) لما ممكن اشغلة بعامودين كامة فقط
عموما زى ما بيقولوا... كل شيخ و له طريقة و رينو ليها طريقة مختلفة شوية عن معظم الناس
MMamdouh
عندك صورة توضيحية للموتور دة؟؟ اصل انا مستغرب جدا ازاى موتور بوكسر يبقى 16 صمام بكامة واحدة... حتى الصورة اللى لقيتها فيها 4 اعمدة كامة مش واحد
http://www.autocar.co.uk/csfiles/blo...selEngine2.jpg
MMamdouh
ممدوح كلاك صح
انا بس مخدتش باللي اني بتكلم على عربيتي vvti
لان عندي استهلاك البنزين رائع وهيا 1300
ولما بجري والصمامات بتفتح الفتحة الكبيرة مانساش المنظر اني من الجري على 180 شوفت عداد البنزين قدامي بيتحرك وبينزل لتحت ولا كاني راكب عربية 2000 سي سي
بس كنت ماشي 180 بصراحة وفي وش الهوا وكانت الدنيا هوا قوي وده كان اقصي عزم للعربية وكان ال rpm على 5 تقريبا
على فكرة اللانسر وتلامذة مدرستها (هيوانداى و بروتون العربيات الصينى) 16 صباب على كامة واحدة وعمودين تاكيهات بنفس فكرة الكليو
احد ميزات التصميم ده ان وزن المحرك بيكون اخف الى حد ما من وزن المحرك ذو ال 2 كامة ووزن الأجزاء المتحركة اقل مما يوفر الى حد ما فى طاقة تشغيل المحرك، لكن بالمقابل فانه اكثر تعقيدا واجزاؤه المتحركة اكثر وهذا يعتبر نقطة ضعف تصميمية، ومع ذلك فاننا نجد ان هذا الكلام نظرى الى حد كبير لأن اداء وعمر محركات ميتسوبيشى مثلا لا يختلف كثير عن اداء وعمر المحركات اليابانية من طرازات اخرى و نفس السعة اللترية وعدد الصبابات ، مما يدل على ان فعلا وكما قال محمد ممدوح، كل شيخ وله طريقة
عندى فى ال131 .......... الموتور 1600 2 كامه..... و 8 صمامات .... 96 حصان " كان رقم معجزه سنه 79 " .
فى الواجا ........ الموتور 1600 واحد كامه 16 صمام .... 102 حصان .
ف مش شرط ان 2 كامه تبقى 16 صمام . و واحد كامه تبقى 8 او 12 صمام . فعلا كل شركه وليها تصميم وفكر مختلف
وعليكم السلام ورحمه الله وبركاته
اهلا بيك يا استاذ عمرو ....
الموتور فعلا 2 كامه علويه DOHC و8 صمامات ..... " النسخه الابارث 16 صمام " بس ده كان للسباقات بس ايامها ......بس كان نفس الموتور مع تعديل وش السلندر .
حوضحلك الموضوع اكتر :
الموتور الى عندى نسخه مصغره من موتور ال 132 ال 2000 سىسى " الى هو برده DOHC و8 صمامات ... وبقدره حصانيه 112 حصان " برده كان رقم غريب فى السبعينيات " !!!
وعندى السير كاوتش عادى ... ولسه مغيره من 3 شهور .
--------------------------------------------
صوره لموتور 131 2 كامه " اخو الى عندى "
-------------------------------------------
وديه صوره وش السلندر " 2 صمام لكل سليندر "
------------------------------------------
-------------------------------------------
صوره سير التوقيت " الكاتينه " الكاوتش
هو نفس الموتور بتاع ال 131 ... بس متركب تيربو وحبه " حبشتكنات :) "
-------------------------------------------
وش السلندر ال 16 صمام ... " 131 ابارث "
السلام عليكم
جزاكم الله خيرا.....ايوة انا كدة فهمت...انا كنت فاكر انها كامة سفلية مش علوية وبرضه فعلا كل شيخ ولي طريقته
شكرا على مجهودك يا باشا
عمرو عمارة