صباحكم فل يا رجالة هيونداي :)
انا زميل ليكم من كيا ومعايا سيراتو 2010 -
بخصوص مشكلة الفرامل للالنترا انا مجربتاهش رغم ان ليا صديقي جابها وقالي نفس المشكلة - بس من رايي ان العربية جيدة جدا ويعاب عليها في السعر فقط - منه لله غبور
ال اي بي اس طبعا مفيد اكتر في العربية وامان - واكيد بيقلل احساسك بالزحف بالذات لو في تراب او سوائل علي الارض او الاسفلت ناعم
انا شايف ان المشكلة دي ممكن يكون حلها بنسبة 50% بتركيب كاوتش انظف لكن مش حيحل المشكلة تماما اكيد
شوارعنا الاسفلت بتاعها زبالة اصلا - وكمان توفير الوكيل حيودينا في داهية
الغريبة ان القانون الجديد لاستيراد السيارات بيشترط وجود حد ادني للامان ومنة الاير باج وال اي بي اس - ودة انا قريتة في الجرائد قبل الثورة
معرفش بقي طبق ولا لا
اولا واخيرا - اهم حاجة السواقة العاقلة وربنا يستر طريقنا
معلومة اخيرة انا عربيتي اي بي اس + اي بي دي - وجربت عربية صديقي سيراتو بدون الحاجات دي
ورغم ان الفرامل في السرعات العادية تقريبا واحدة لكن علي السرعات العالية وظروف الطريق بجد كان في اختلاف واضح رغم ان العربيتين واحد مع فارق الكماليات