الموضوع: بخصوص الـ m12

كل سنة وانت طيب وعيد سعيد عليك

1. الاختيار بين الام 11 وال 12 يرجع ليك من حيث الاستايل والشكل لان العربية هى هى بالظبط باختلاف النمط السيدان والهاتش باك

2. انا معايا ام 11 عربية جميلة جربتها لحد سرعة 160 كم منتهى الثبات وتسارع جيد جدا وليس ممتاز مقارنة بالفيرنا مثلا ومن ناحية قطع الغيار للاسف مش كلها متوفرة فى التوكيل والتوكيل بطىء جدا وعقيم فى موضوع قطع الغيار بشكل مخيف واعتقد قطع الغيار للبريليانس اغلى كمان من الاسبرنزا ولكن من ناحية التوافر معنديش فكرة انما ممكن حد من الاخوة فى قسم البريليانس يفيدك اكتر .. لكن الام 11 فى مجملها عربية محترمة وشيك مقارنة بسعرها.

3. اشك فى توافر البريليانس حاليا فى السوق لان انا لفيت عليها كتير فى شهر 4 اللى فات قبل ما اشترى الام 11 وكنت ناوى اجيب المانيوال ولكن مكنش ليا نصيب كانت خلصت من البلد خالص وعلى حسب كلام الوكيل قالوا مفيش معلومات هتنزل امتى؟ الله اعلم ممكن تكون موجود منها فى بعض المعارض لكن مش بيطلعوها الا بالعافية وبسعر عالى ولكن عامة انا كنت معجب بالعربية جدا وحاببها على الاقل ان تقفيلها وخاماتها الداخلية افضل من الاسبرنزا وعلى الاقل هى بتيجى كاملة من الصين مفيش ايد بتتحط فيها فى مصر .. لكن ليا صديق فى الشغل اخوه شغال فنى فى المجموعة البافارية فى مصنع البى ام من فترة طويلة ولما سألته عن البريليانس أساء ليها هى ولعربية اللى اسمها ماهيندرا لكن انا مناقشتوش فى الاسباب لان خلاص كنت اشتريت الام 11 ومش هستفيد حاجة لما اعرف عيوبها.

4. اعتقد لازم تحس بفرق بين النيسان اليابانى ومثيلاتها الصينى .. انا مجربتش التيدا فمقدرش اقولك هتحس بفرق اد ايه الله اعلم

حاول تسأل اكتر وجمع معلومات عن المميزات والعيوب وفى الاخر استخير ربنا وقرر وان شاء الله توصل للقرار الصائب

تحياتى

الف شكر على الرد ...

انا مش متأكد .. بس اظن فيه فروق اكتر من كده .. خصوصا اني قريت ان السرعة القصوى للـ m11 هي 165 كيلو !! دا بجد دا ولا ايه ؟

عموما في انتظار ردود اكتر ..

مقدرش افيدك فى حكاية السرعة بس اللى قدرت اجيبه على طريق اسكندرية الزراعى 160 كم واظن انت مش محتاج اكتر من كده ياراجل!!

اكيد الردود هتفيدك اكتر

تحياتى

انا معايا ام 11 جيبت بيها 190 مرة واحده على الطريق الصحراوي وجيبت بيها 180 كتير على الصحراوي والعلمين وثبات فوق الممتاز باخد غرز على الواسع بدون اي مشاكل
مميزاتها : شياكة من جوا ومن برا
ثبات رائع
اوبشنز جميلة
العيوب : العفشة صوتها عالي في المطبات
بالنسبة للبرليانس فوكيلها افضل اكيد من ابو الفتوح لكن كأداء مقدرش افيدك

ونسيت اقلك ان الام 11 موديل 2012 هي نفسهاالام 12 بس السيدان منها

وأكيد حتس بفرق بين التيدا وبين العربيات دي مش عشان يباني ونما كمان فرق السعر كبير كمان دي فئة اخرى من العربيات فرق اكثر من 30 الف ويمكن اكتر

انا شايف الناس كلها بترد من ناحية الـ m11 محدش جاب سيرة الـ m12 او البريلينس .. ولو اني شايف ان شكل الـ m1 اقل واحدة فيهم " الشكل الخارجي يعني " الاتنين التانيين شكلهم شيك جدا . . بس يظهر من الكلام انها عربية ممتازة فعلا ..

جبت بالتيدا قبل كده 205 على طريق نويبع وكانت ثابته زي الفل .. خبطت يومها طير لبس في الازاز و من الخضة سبت الدريكسيون ونزلت تحت وطلعت وهي لسه ثابته :d

التيدا تحفة بكل المقايس .... بتغير ليه لو مفيهاش رزالة ؟؟؟ حرم عليك يا راجل دي التيدا ماتتسبش

هي فعلا اجمل عربية سوقتها في حياتي كم ماحية الأداء .. بس بعيد عندكم يا رب وانا واقف في كمين جت عربية جمبو خلت اربعه ملاكي يحضنو بعض :'(