مش عايز حد يستغرب

طبعا هتستغربوا من طلبي يا جماعة بس بجد عايز مشورة عااااااااااجلة.مش مهم عندي السعر ولكن المهم عندي عايز عربية اكون مستمتع بيها بمعني انها عربية بتكون ثااااااااابته -عفشتها تستحمل مصر-فيها اوبشنز لذيذة-وشكلها شيك.سواء كانت سيدان او هاتشباك مش دي النقطة.مش مهم عندي بلد تصنيعها المهم العربية نفسها كويسه ولا لأ.السعر مش مهم عندي بمعني اني ممكن اشتري جين 2 وممكن اشتري الفلوينس.واحد ممكن يقولي ده انت جاي من الشرق للغرب اقولك اه دي دماغي ممكن الجين تو تديني اللي هتديهولي الفلوينس يبقي استفيد من فرق السعر.اتمني اكون وصلتلكم اللي في دماغي وعلي فكرة انا من هواة اللي ممكن امسك العربية اصرف عليها قد تمنها لو فاضية اخليها حكاية لو هي ايه.وانا مستقر في دماغي علي العربيات دي:جين2-لانسر شارك-فلوينس-هيونداي فيلوستر.طبعا هتستغربوا وتقولوا ايه الهبل ده بس دي دماغي وعايز مشورة بجد عشان استقر.انا عايز العربية كعربية بمعني موتور-عفشة- ثبات-فرامل-شكل .اتمني مكونش طولت عليكم بس برجاء المشورة عن تجربة مع البعد عن فلسفة المنشا وقطع الغيار والانتشار وسعر اعادة بيع لأن ده مش بيفرق معايا خالص. ولكم جزيل الشكر.:36_1_37[1]:

أنا أول واحد يحب يقولك أنة مستغرب .... :oh:
بس أنا دايمآ بنصح أى حد أنة يشترى عربية لية وللسوق ....
وأكيد حضرتك عارف أن الهيونداى من العربيات المحبوبة جدآ فى السوق المصرى ....

لو كدة يبقى هات البروتون طبعا

حضرتك حيرتني
قولنا علي إهتماماتك و طريقة إستخدامك للعربيه و هل عايزها عائليه و لا شخصيه
الكماليات التي تتمناها (علشان متضيفش حاجه علي العربيه )
عدد سنين الإستخدام المتوقعة
و هكذا
و لو فعلا الحاجات دي حضرتك مش مرتبها في تفكيرك يبقي من الآن لازم ترتبها علشان تلاقي العربيه المناسبه

:angelnot:

اقتباس:

---

المشاركة الأصلية كتبت بواسطة Ghosts

أنا أول واحد يحب يقولك أنة مستغرب .... :oh:
بس أنا دايمآ بنصح أى حد أنة يشترى عربية لية وللسوق ....
وأكيد حضرتك عارف أن الهيونداى من العربيات المحبوبة جدآ فى السوق المصرى ....

---

شكرا يا باشا علي ردك بس برضة متستغربش لأن بجد في عربيات ممكن تكون مظلومة عشان محدش من الناس اتكلم عليها كتير وتديك اداء غير طبيعي ورائع فعلا بس المشكلة الكل بيلعب علي المضمون عشان بيخاف من المغامرة وطبعا احترم وجهة نظرك مع العلم الهيونداي لحد موديل السوناتا عربية جميلة بس المشكلة انها سنتين تلاتة تلاقي العربية عجزت او بمعني اخر اتبهدلت مش عربية شديدة بس عامة هي حمالة اسية.

اقتباس:

---

المشاركة الأصلية كتبت بواسطة elmkaneeki

لو كدة يبقى هات البروتون طبعا

---

تمام يا باشا هي لحد دلوقتي في دماغي بنسبة40%.

اقتباس:

---

المشاركة الأصلية كتبت بواسطة hossam99

حضرتك حيرتني
قولنا علي إهتماماتك و طريقة إستخدامك للعربيه و هل عايزها عائليه و لا شخصيه
الكماليات التي تتمناها (علشان متضيفش حاجه علي العربيه )
عدد سنين الإستخدام المتوقعة
و هكذا
و لو فعلا الحاجات دي حضرتك مش مرتبها في تفكيرك يبقي من الآن لازم ترتبها علشان تلاقي العربيه المناسبه

---

يا سيدي الفاضل الاربع عربيات اللي بقارن بينهم ينفعوا استخدام عائلى يمكن الفيلوستر شوية يعني بس هي كبيرة من جوه وتلاتة باب.والاوبشن الاربعة فيهم نفس احتياجاتي من الاوبشن العمليين يعني. والعربية ان شاء الله ممكن اقعد بيها 5 سنين لحد مفكر اغيربس برضه حضرتك موصلتش للي انا عايز اقوله يمكن انا مش عارف اشرح كويس.بس انا مش عايز ادفع فلوس زيادة في عربيه في حين ان في ارخص منها هيديني نفس مستوي الكفاءة والرفاهية.ومن تجربة كده في عربيات كتير مفيش عربية بتخسر كتير في البيع باستثناء الالماني ولواشتريته مستعمل يبقي عديت من مطب سعر البيع بعد كده . وحياتك في الاخر كله بيخسر بس الخسارة العادية يعني .وبصراحة المقياس في البيع بيبقي بحالة العربية اية؟؟؟ .يعني في لادا موديل 86 ب40000 وفي استرا موديل 2000 ب40000 الف .اتمني تكون وجهة نظري وصلت

اقتباس:

---

المشاركة الأصلية كتبت بواسطة fsbosy

يا سيدي الفاضل الاربع عربيات اللي بقارن بينهم ينفعوا استخدام عائلى يمكن الفيلوستر شوية يعني بس هي كبيرة من جوه وتلاتة باب.والاوبشن الاربعة فيهم نفس احتياجاتي من الاوبشن العمليين يعني. والعربية ان شاء الله ممكن اقعد بيها 5 سنين لحد مفكر اغيربس برضه حضرتك موصلتش للي انا عايز اقوله يمكن انا مش عارف اشرح كويس.بس انا مش عايز ادفع فلوس زيادة في عربيه في حين ان في ارخص منها هيديني نفس مستوي الكفاءة والرفاهية.ومن تجربة كده في عربيات كتير مفيش عربية بتخسر كتير في البيع باستثناء الالماني ولواشتريته مستعمل يبقي عديت من مطب سعر البيع بعد كده . وحياتك في الاخر كله بيخسر بس الخسارة العادية يعني .وبصراحة المقياس في البيع بيبقي بحالة العربية اية؟؟؟ .يعني في لادا موديل 86 ب40000 وفي استرا موديل 2000 ب40000 الف .اتمني تكون وجهة نظري وصلت

---

لو كدا يبقى الجين تو لان فيها تقريبا كل الكماليات و الثبات و عوامل الامان و الشكل الرياضي و الوسع الداخلي و قوة الموتور و اقلهم في السعر

اقتباس:

---

المشاركة الأصلية كتبت بواسطة fsbosy

تمام يا باشا هي لحد دلوقتي في دماغي بنسبة40%.

---

أية رأيك يا fsbosy ....
نفكر أنا وأنت مع بعض عشان أنا محتار زيك بالظبط ....
ونفسى أغير عربيتى بس أحوال البلد مخليانى مستنى شوية لحد ما الأوضاع تستقر ....
المهم أنا كنت مغرم بحاجة أسمها الجين 2 لكن شياكة موديلات الهيونداى الجديدة خليتنى أعيد حساباتى تانى ....
دة غير الناس اللى أعرفهم بيزنوا عليا أنى أجيب يابانى أو كورى مع أنى شايف أن الجين 2 أمتن من الهيونداى ....
والفرامل أحسن لكن اللى مخلينى أفكر فى ال RB الشياكة , سعر أعادة البيع و توافر قطع الغيار ....
أنا بقالى مدة طويلة متابع أخبار الجينا فى قسم بروتون لاقيت كلام مشجع وكلام بصراحة ....
قفلنى منها وخصوصآ الكلام المكتوب فى قسم الشكاوى قفلنى قافلة منيلة بنيلة ....
واللى يقولك أنا فى حاجة باظت عندى ومش لاقيها فى السوق خالص ....
و واحد تانى يقول المالتى فانكشن مش شغال وقالوا لى هيغيروة ....
لكن مش موجود فى التوكيل وبقالى كام شهر مستنى يجى ....
ومابيجيش واللى يقول الكراسى بتصوصو والدريكسيون ....
بيطلع أصوات غريبة مش عايزة تروح خااااااالص ....
وحاجات من دى كتييييييييييييييييييير أوى ....
وأنا مبحبش وجع الدماغ دة خالص ....
هو أنا جايب زيرو لية ؟؟؟؟

اقتباس:

---

المشاركة الأصلية كتبت بواسطة Ghosts

أية رأيك يا fsbosy ....
نفكر أنا وأنت مع بعض عشان أنا محتار زيك بالظبط ....
ونفسى أغير عربيتى بس أحوال البلد مخليانى مستنى شوية لحد ما الأوضاع تستقر ....
المهم أنا كنت مغرم بحاجة أسمها الجين 2 لكن شياكة موديلات الهيونداى الجديدة خليتنى أعيد حساباتى تانى ....
دة غير الناس اللى أعرفهم بيزنوا عليا أنى أجيب يابانى أو كورى مع أنى شايف أن الجين 2 أمتن من الهيونداى ....
والفرامل أحسن لكن اللى مخلينى أفكر فى ال RB الشياكة , سعر أعادة البيع و توافر قطع الغيار ....
أنا بقالى مدة طويلة متابع أخبار الجينا فى قسم بروتون لاقيت كلام مشجع وكلام بصراحة ....
قفلنى منها وخصوصآ الكلام المكتوب فى قسم الشكاوى قفلنى قافلة منيلة بنيلة ....
واللى يقولك أنا فى حاجة باظت عندى ومش لاقيها فى السوق خالص ....
و واحد تانى يقول المالتى فانكشن مش شغال وقالوا لى هيغيروة ....
لكن مش موجود فى التوكيل وبقالى كام شهر مستنى يجى ....
ومابيجيش واللى يقول الكراسى بتصوصو والدريكسيون ....
بيطلع أصوات غريبة مش عايزة تروح خااااااالص ....
وحاجات من دى كتييييييييييييييييييير أوى ....
وأنا مبحبش وجع الدماغ دة خالص ....
هو أنا جايب زيرو لية ؟؟؟؟

---

شوف يا باشا احنا عندنا عادة ايه هي بقي؟؟؟ ان كل واحد عنده حاجته احسن حاجه؛يعني لو انا معايا موبايل اريكسون 1018 فاكره ده اللي هو قبل ما ينزلوا الموبايلات ده لحد دلوقتي هقعد اشكر فيه واخليه احسن حاجه في الدنيا.القصة يا باشا ان عندنا في مصر انت مش بتجيب عربية كل يوم والفلوس بتحرق عشان كده مبدأ الريسك غير وارد بالمرة ومش بنسميه احنا ريسك احنا بنسميه هبل.وفرصةالتجربة بالتبعية بتكون ضئيلة جدا وخبرتنا واراءنا بناخدها بالسمع مش بالتجربة.وحتي لوواحد صاحبك عنده العربيه وركبتها معتقدش تقدر تقييمها.يعني انت مثلا معجب ب اكسنت rb هل تعلم انها كوبي من الاكسنت العادية باختلاف الشكل ولا تنكر ان اعجابك بها ظاهري ؛يعني انا هنا اللي خلاني اقول الاربع عربيات اللي بقارن ما بينهم وقد يفسرها البعض انها مقارنة من واحد عمره ماشاف عربيات ولكن ان بحكم تواجدي في السعودية ركبت معظم العربيات المشهورة من اكورد لسيفيك لكورولا لماليبو لنيسان لكروز لافيو لاكسنت وانا معايا بومة في مصر وانتهت حاليا للومينا 99 3800 سي سي باستثناء الموتور كل العربيات ما عدا الافيو والاكسنت تقريبا اداء واحد بالنسبة لسعة موتورها وركبت الجين تو سنة كاملة فوق الرائعة.فسئلت نفسي سؤال هل في مصر اشتري عربية زي الاكورد مثلا مع ان السيفيك تديك نفس الاداء تقريبا مع فرق 250000 جنية؟؟؟!!!طب لية ده يبقي سفه.ومن هنا جاءت مقارنتي هلي فرق الفلوس اللي ممكن ادفعه هيديني بقمته اداء؟؟ لقيت الجواب عمليا لأ.طيب حضرتك اعجبت بال rb طب قارنها بالجين تو مش هتاخد اي درجة باستثناء ان شكلها كويس مع ان الجين تو في نظري احسن.

اقتباس:

---

المشاركة الأصلية كتبت بواسطة fsbosy

طيب حضرتك اعجبت بال rb طب قارنها بالجين تو مش هتاخد اي درجة باستثناء ان شكلها كويس مع ان الجين تو في نظري احسن.

---

قارنتها كتير بالجين 2 ....
لقيت أن الأتنين فيهم سلبيات و أيجابيات ....
يبقى اللى يفرق أو اللى يميز ال rb قلة الأعطال , الأنتشار و توافر قطع الغيار ....
أنتشار العربيات الكورى واليابانى فى مصر مش طبيعى يعنى أنا بلاقى فى شارعنا الهيونداى والميتسوبيشى ....
مركونين ورا بعض دة غير الكيا و الشيفرولية طبعآ فين وفين لما بلاقى عربية أوروبى زى فيات أو رينو ....
الجين 2 توكيلها معرفش يسوقها ويوفر لها قطع غيارها فبالتالى التفكير فيها يعتبر مخاطرة ....
ياريت تقرا قسم الشكاوى فى بروتون ....
وقولى رأيك ....

علي الترتيب من حيث الأوبشن و المستقبل و أسعار قطع الغيار و قوة الموتور و خلافه
فيلوستر
لانسر ex
فلوينس
جين تو

للعلم جميع موديلات هيونداي معمره بصورة لا يتوقعها أحد و لن يشعر بها إلا من أقتناها و في موضوع في قسم هيونداي لأعضاء تعدت عربياتهم حاجز 250 ألف كيلومتر بدون ظهور مشله واحده و الأعضاء بيمتلكو فيرنا
و 250 ألف كيلومتر لو تم توزيعهم توزيع عادل علي السنين هايعملو أكثر من 10 سنوات (10 سنوات بدون مشكله و قطع غيار متوفره )
و في أقل فئه من فئات هيونداي

من وجه نظرى طالما الموضوع وصل لفلوينس يبقى فلوينس
العربية دى تحتلف تماما عن كل ما جاء فى المقارنة من ناحية الاوبشنز - الجودة - الامان
فيها 6 ايرباك وفتحة سقف وزينون و 6 فتحتات تكيف و 6 سماعات تقريبا وكمبيوتر ومش عارف اية وكلوا 6 6 6
دا بس اللى لحقت اشوف فيها

اقتباس:

---

المشاركة الأصلية كتبت بواسطة ayman1204

من وجه نظرى طالما الموضوع وصل لفلوينس يبقى فلوينس
العربية دى تحتلف تماما عن كل ما جاء فى المقارنة من ناحية الاوبشنز - الجودة - الامان
فيها 6 ايرباك وفتحة سقف وزينون و 6 فتحتات تكيف و 6 سماعات تقريبا وكمبيوتر ومش عارف اية وكلوا 6 6 6
دا بس اللى لحقت اشوف فيها

---

هو طبعآ الفلوانس عربية ممتازة بكل المقايس ....
لكن للأسف مظلومة فى السوق المصرى هى وكل العربيات الأوروبى ....

الفليوانس مش مظلومة نهائى ومبيعاتها فل الفل انا لوحدى اعرف 5 على الاقل معاهم فليوانس والله

طيب أنت دلوقتى أهتمامك الأساسى بعربية ثابتة و فراملها حلوة و شكلها شيك.

و مش فارق معاك تشترى مستعمل و لا جديد

و ممكن تصرف على العربية اللى أنت هتشتريها شوية مصاريف زيادة علشان تزود حاجات أنت عاوزها تكون مش موجودة.

لو الكلام ده صح يبقى أنت قدامك حلين
1- تشترى بى أم أو ألفا روميو ( على سبيل المثال) مستعمل و تعيش مع الزيادات اللى أنت عاوزها.
2- تشترى زيرو.

أنت عاوز تمشى فى أى حل فيهم علشان نعرف نتكلم ؟

لو هتمشى مع الزيرو هرشحلك الأتى.
1- فليوانس
2- أمبريزا
3- أوبل أسترا
4- ميجان 3

و دول مش بالترتيب......كل منهم ليها مميزات و عيوب.

شوف بس أى حل أنت حابب تمشى فيه أكتر و نتكلم عليه.

اقتباس:

---

المشاركة الأصلية كتبت بواسطة elmkaneeki

الفليوانس مش مظلومة نهائى ومبيعاتها فل الفل انا لوحدى اعرف 5 على الاقل معاهم فليوانس والله

---

أنا بتكلم على سعر أعادة البيع ....

اقتباس:

---

المشاركة الأصلية كتبت بواسطة ghosts

أنا بتكلم على سعر أعادة البيع ....

---

عندك حق تماما فى النقطة دى بس دة اكيد له اسباب

ازاي بس تدخل الفلونس مع دول ... الفلوانس طبعا وانت مغمض و لو عايز تعرف عتها اكتر تعالى قسم رينو و شوف الناس بتقول عليها ايه

اقتباس:

---

المشاركة الأصلية كتبت بواسطة ahmed a.maksoud

طيب أنت دلوقتى أهتمامك الأساسى بعربية ثابتة و فراملها حلوة و شكلها شيك.

و مش فارق معاك تشترى مستعمل و لا جديد

و ممكن تصرف على العربية اللى أنت هتشتريها شوية مصاريف زيادة علشان تزود حاجات أنت عاوزها تكون مش موجودة.

لو الكلام ده صح يبقى أنت قدامك حلين
1- تشترى بى أم أو ألفا روميو ( على سبيل المثال) مستعمل و تعيش مع الزيادات اللى أنت عاوزها.
2- تشترى زيرو.

أنت عاوز تمشى فى أى حل فيهم علشان نعرف نتكلم ؟

لو هتمشى مع الزيرو هرشحلك الأتى.
1- فليوانس
2- أمبريزا
3- أوبل أسترا
4- ميجان 3

و دول مش بالترتيب......كل منهم ليها مميزات و عيوب.

شوف بس أى حل أنت حابب تمشى فيه أكتر و نتكلم عليه.

---

شوف يا باشا انا عايز اشتري زيرو واحترم جميع السيارات المذكورة وخاصة الاسترا ولكن برضه هل الفئه السعرية هتديني حاجة مهمة جدا في العربية مش ممكن الاقيها في الاقل سعر يعني مثلا لو قلت استرا وهي تقريبا ب180000 تستاهل فرق ال 25000 عن الفيلوستر مثلا بمعني هل يوجد فرق اداء يساوي الفلوس دي او مثلا فرق ال40000 عن الشارك هل ده يساوي ولا انا بدفع الفرق ده عشان بلد المنشا فقط دون ادني امكانيات جوهرية عن نظيرتها من اصحاب بلد منشا كوري او ياباني. وليه مش الجين تو اللي هي نصف تمنها تقريبا وكلهم عمليا نفس الاداء تقريبا ولو فرق هيكون فرق لا يساوي السعر!!!!!وملحوظة لحضرتك انا مش عندي وجهة نظر وعايز توافقني عليها بس انا بفكر معاك ومع الاخوة في المنتدي بصوت عالي .انا عايز يكون كلامنا علي العربيات بكفاءة العربية الفعلية بغض النظر عن اسمها وبلدها المهم هل هي عربية كويسة ولا لأ.

واضح ان كل الناس بتتكلم عن إيجابيات و ده كويس بس ما ننساش شوية سلبيات من وجهة نظري

1- الفلوانس و هي بديلة الميجان سيدان صناعة تركي ( لو غلط حد يصححلي المعلومة ) و ده السبب في ان سعر اعادة البيع سيء لأن عن تجربة في ميجان 2006 مستعملة مشاكلها الألكترونية كتير بسبب التقفيل التركي لأنها مليانة كماليات ألكترونية عمرها الأفتراضي !؟؟ يعني العربية كانت بتهنج معايا !!

2- اللانسر الشارك عربية تحفة و ثبات ممتاز و من وجهة نظري مناسبة لشوارعنا و جودة خامات عالية و كنت أرشحهالك لكن عرفت معلومة أن فتيسها الأتوماتيك cvt ( حد يصححلي المعلومة ) و ده بيدي أداء تحفة لكن وجدت علي النت ناس كتير بتشكي منه سواء في أوروبا أو السعودية و علي عربيات أكبر زي نيسان المورانو و الألتيما و واحد معاه شارك في المنتدي كان وضع ملاحظة أنه أثناء القيادة بسرعة عالية لفترة كمبيوتر العربية أظهرله علامة حرارة عالية مما أضطره للتوقف و أعادة الأنطلاق بعد دقائق ( دي مشكلة الcvt ) و ده كان نفس العيب اللي أشتكي منه الأخوة الأوروبيين و السعوديين بخلاف شوية مشاكل ميكانيكية بالفتيس تظهر بعد فترة

3- الجين تو عربية جميلة جدا للجري و الثبات كنت ناوي عليها زمان بس وقفني قلة جودة خامات صالون العربية و تصميم الصالون الجميل شكلا فقط و من الملاحظات ضيق المساحة المخصصة للأرجل في الأمام الكونسول بتاع الفتيس رفيع بس تحته البومبيه واخد من مكان الرجل و معمول بموكيت الأرضية فمش باين بس ضايقني لما جربت أسوقها

4 - الفيلوستر عربية شكلها تحفة و المنتديات الأوروبية بتشيد بها و بنوعية خاماتها و جودتها و فكرة الباب التالت جديدة و عملية العربية بس لسة جديدة مانتشرتش و معرفش أخبار عمر عفشتها أيه و أعتقد الحاجة الوحيدة اللي ممكن تضايقك فيها أن الكاوتش بتاعها لو بروفيل اللي بالتاكيد و عن تجربة في الجيتا لا يتفق مع الطرق المصرية

5 - أرشحلك المازدا 3 عربية ياباني تتقارن بالجيتا في الثبات و جودة خامات عالية و معمرة و مشاكلها شبة منعدمة و ده عن تجربة مازدا 3 2008 مع صاحبي من الزيرو و عامل بها أتر من 100 ألف
و عن تجربة فعلية في الثبات علي الصحراوي و علي متوسط سرعة 180 ل 200 ثبات جاااامد و الجين تو كانت بتحاول تجيبنا لحد سرعة معينة و الملفات تجبره يهدي هو و النترا 2009 و كان صاحبي بيهدي بس عشان يتسلي معاهم علي الطريق
ثبات المازدا 3 زي ثبات الجيتا و عن تجربة طبعا الجيتا 2008 برضه بتاعة أخويا و العربيات دي متتقارنش غير بالأعلي منها

6 - و عنك كمان العربية السوبارو أمبريزا عربية تحفة برضه

أو يا ريت تشوف رأي الزميل اللي أقترح عربية أوروبي مستعملة زي الجيتا أعلي فئة ممكن تكون في حدود ال140 ألف جنيه بس ماتجيبش الموديل من 2010 الفتيس ال7 نقلات لأن فيه مشاكل خليك في الفتيس ال6 نقلات لحد موديل 2009 تقريبا
أو بي أم دبليو 2005 الفئة التالتة عربية طبعا مفيش كلام و برضه في حدود ال 150 ألف أو أكتر شوية بسيطة

ايه رايك فى جولف 6 - هوندا سيفيك - سكودا - بى ام كل دى عربيات ممتازه

عشان كدا انا عملت الموضوع دا عشان تنتهي الحيره في المقارنات
http://www.nilemotors.net/Nile/242578-a.html

اقتباس:

---

المشاركة الأصلية كتبت بواسطة fsbosy

شوف يا باشا انا عايز اشتري زيرو واحترم جميع السيارات المذكورة وخاصة الاسترا ولكن برضه هل الفئه السعرية هتديني حاجة مهمة جدا في العربية مش ممكن الاقيها في الاقل سعر يعني مثلا لو قلت استرا وهي تقريبا ب180000 تستاهل فرق ال 25000 عن الفيلوستر مثلا بمعني هل يوجد فرق اداء يساوي الفلوس دي او مثلا فرق ال40000 عن الشارك هل ده يساوي ولا انا بدفع الفرق ده عشان بلد المنشا فقط دون ادني امكانيات جوهرية عن نظيرتها من اصحاب بلد منشا كوري او ياباني. وليه مش الجين تو اللي هي نصف تمنها تقريبا وكلهم عمليا نفس الاداء تقريبا ولو فرق هيكون فرق لا يساوي السعر!!!!!وملحوظة لحضرتك انا مش عندي وجهة نظر وعايز توافقني عليها بس انا بفكر معاك ومع الاخوة في المنتدي بصوت عالي .انا عايز يكون كلامنا علي العربيات بكفاءة العربية الفعلية بغض النظر عن اسمها وبلدها المهم هل هي عربية كويسة ولا لأ.

---

بص يا زعيم

فرق السعر بيقابله فرق فى العربية......سواء فى جودة خامات أو تقفيل أو موتور أو فتيس أو كماليات أو ثبات أو مواصفات أمان أو أنظمة مساعدة زى ال abs , ebd الخ

يعنى هديك مثال على الميجان و الأوكتافيا a4 مثلاً
الميجان كماليات أعلى و شكل أحلى و تقفيل ممتاز و ثبات جيد جداً و تسارع أعلى من الأوكتافيا
الأوكتافيا كماليات أقل و شكل أقل و تقفيل ممتاز و ثبات ممتاز
و سعرهم ساعة لما كانوا زيرو كان متقارب جداً

لو جيت قارنت الميجان بالأوكتافيا ال a5 يبقى
الميجان نفس الكلام اللى فات
الأوكتافيا ال a5 كماليات أقل حاجة بسيطة ( زى عدد الأيرباجز على ما أذكر كان أقل من الميجان ) و شكل كويس و تقفيل ممتاز و ثبات ممتاز.

يعنى الفرق بين ال a4 و a5 فى الشكل و الكماليات.....و الفرق فى الفلوس بينهم كان حوالى 35 ألف جم
هل الفرق فى المواصفات يساوى الفرق فى الفلوس ؟
دى حاجة ترجعلك 100%............

بلد المنشأ على سبيل المثال جايز متفرقش معاك كتير بس هى تفرق فى السعر نظراً لإختلاف سعر الأيد العاملة من بلد لأخرى......و هو ليس بالضرورة هيفرق فى جودة العربية ككل....و إن كان فى معظم الأحوال بيفرق.

و خللى بالك أنك و أنت بتشترى بيبقى فيه جزء من سعر العربية عبارة عن قيمة العلامة التجارية اللى أنت بتشتريها.

اقتباس:

---

المشاركة الأصلية كتبت بواسطة ahmed a.maksoud

بلد المنشأ على سبيل المثال جايز متفرقش معاك كتير بس هى تفرق فى السعر نظراً لإختلاف سعر الأيد العاملة من بلد لأخرى......و هو ليس بالضرورة هيفرق فى جودة العربية ككل....و إن كان فى معظم الأحوال بيفرق.

و خللى بالك أنك و أنت بتشترى بيبقى فيه جزء من سعر العربية عبارة عن قيمة العلامة التجارية اللى أنت بتشتريها.

---

الجزء ده يا أستاذ أحمد واقعي و ملموس جدا
و السوق شاهد علي أمثلة كثير

بص
انت مش هينفعك غير انك تسوق العربيات اللي انت عايزها
محدش هيديك قرار
انت خده بنفسك

للعلم
انا لو عربيتي من ضمن العربيات اللي في دماغك كنت اتبرعت واكون اول واحد تشرفه انك تجرب عربيته
فكر تاني وانا تحت امرك
يمكن تحط الساجا في اللسته

اقتباس:

---

المشاركة الأصلية كتبت بواسطة hossam_zaky

واضح ان كل الناس بتتكلم عن إيجابيات و ده كويس بس ما ننساش شوية سلبيات من وجهة نظري

1- الفلوانس و هي بديلة الميجان سيدان صناعة تركي ( لو غلط حد يصححلي المعلومة ) و ده السبب في ان سعر اعادة البيع سيء لأن عن تجربة في ميجان 2006 مستعملة مشاكلها الألكترونية كتير بسبب التقفيل التركي لأنها مليانة كماليات ألكترونية عمرها الأفتراضي !؟؟ يعني العربية كانت بتهنج معايا !!

2- اللانسر الشارك عربية تحفة و ثبات ممتاز و من وجهة نظري مناسبة لشوارعنا و جودة خامات عالية و كنت أرشحهالك لكن عرفت معلومة أن فتيسها الأتوماتيك cvt ( حد يصححلي المعلومة ) و ده بيدي أداء تحفة لكن وجدت علي النت ناس كتير بتشكي منه سواء في أوروبا أو السعودية و علي عربيات أكبر زي نيسان المورانو و الألتيما و واحد معاه شارك في المنتدي كان وضع ملاحظة أنه أثناء القيادة بسرعة عالية لفترة كمبيوتر العربية أظهرله علامة حرارة عالية مما أضطره للتوقف و أعادة الأنطلاق بعد دقائق ( دي مشكلة الcvt ) و ده كان نفس العيب اللي أشتكي منه الأخوة الأوروبيين و السعوديين بخلاف شوية مشاكل ميكانيكية بالفتيس تظهر بعد فترة

3- الجين تو عربية جميلة جدا للجري و الثبات كنت ناوي عليها زمان بس وقفني قلة جودة خامات صالون العربية و تصميم الصالون الجميل شكلا فقط و من الملاحظات ضيق المساحة المخصصة للأرجل في الأمام الكونسول بتاع الفتيس رفيع بس تحته البومبيه واخد من مكان الرجل و معمول بموكيت الأرضية فمش باين بس ضايقني لما جربت أسوقها

4 - الفيلوستر عربية شكلها تحفة و المنتديات الأوروبية بتشيد بها و بنوعية خاماتها و جودتها و فكرة الباب التالت جديدة و عملية العربية بس لسة جديدة مانتشرتش و معرفش أخبار عمر عفشتها أيه و أعتقد الحاجة الوحيدة اللي ممكن تضايقك فيها أن الكاوتش بتاعها لو بروفيل اللي بالتاكيد و عن تجربة في الجيتا لا يتفق مع الطرق المصرية

5 - أرشحلك المازدا 3 عربية ياباني تتقارن بالجيتا في الثبات و جودة خامات عالية و معمرة و مشاكلها شبة منعدمة و ده عن تجربة مازدا 3 2008 مع صاحبي من الزيرو و عامل بها أتر من 100 ألف
و عن تجربة فعلية في الثبات علي الصحراوي و علي متوسط سرعة 180 ل 200 ثبات جاااامد و الجين تو كانت بتحاول تجيبنا لحد سرعة معينة و الملفات تجبره يهدي هو و النترا 2009 و كان صاحبي بيهدي بس عشان يتسلي معاهم علي الطريق
ثبات المازدا 3 زي ثبات الجيتا و عن تجربة طبعا الجيتا 2008 برضه بتاعة أخويا و العربيات دي متتقارنش غير بالأعلي منها

6 - و عنك كمان العربية السوبارو أمبريزا عربية تحفة برضه

أو يا ريت تشوف رأي الزميل اللي أقترح عربية أوروبي مستعملة زي الجيتا أعلي فئة ممكن تكون في حدود ال140 ألف جنيه بس ماتجيبش الموديل من 2010 الفتيس ال7 نقلات لأن فيه مشاكل خليك في الفتيس ال6 نقلات لحد موديل 2009 تقريبا
أو بي أم دبليو 2005 الفئة التالتة عربية طبعا مفيش كلام و برضه في حدود ال 150 ألف أو أكتر شوية بسيطة

---

تصحيح ضغير يا باشا فتيس الشارك ال1500 اوتوماتك عادى 4 سرعات مش CVT, ثم 2000cc منها هيا بس الCVT
ونصيحة ابعد عن الجيتا بسبب فتيسها الDSG ناس كتير باض معاها وههى جوا او برا الضمان وتغير على مسافات صغيرة (اقل من 30000 كم)

هات اوكتافيا
جولف
مازدا

اقتباس:

---

المشاركة الأصلية كتبت بواسطة hossam99

علي الترتيب من حيث الأوبشن و المستقبل و أسعار قطع الغيار و قوة الموتور و خلافه
فيلوستر
لانسر ex
فلوينس
جين تو

للعلم جميع موديلات هيونداي معمره بصورة لا يتوقعها أحد و لن يشعر بها إلا من أقتناها و في موضوع في قسم هيونداي لأعضاء تعدت عربياتهم حاجز 250 ألف كيلومتر بدون ظهور مشله واحده و الأعضاء بيمتلكو فيرنا
و 250 ألف كيلومتر لو تم توزيعهم توزيع عادل علي السنين هايعملو أكثر من 10 سنوات (10 سنوات بدون مشكله و قطع غيار متوفره )
و في أقل فئه من فئات هيونداي

---

معلش ياباشا مع احترامى لكلام حضرتك

انا كل يوم لازم اشوفلى كام عربية هيونداى عطلانة

واقسم بالله انا شوفت ثلاث سيارات فيرنا واقفين عطلانين وكل واحدة المسافة بينهم لاتقل عن 200 متر , وسيارة النترا عطلانة على الدائرى موديل 2006 وطبعا نصيب الالنترا الشيب 2007-2011 موجود بقدر كافى انزل الحرفيين وانت تشوف بنفسك, حضرتك لو دورت شوية هتلاقى مشاكل الكورى لا حصر لها وسيارة هيونداى اكسنت اتباعت فور شرائها بستة اشهر فقط لانها ورق بمعنى الكلمة وسيارة سيئة للغاية واللى باعها موجود فى المنتدى وركب هوندا موديل 90 وبيقول احسن منها 100 مرة تخيل فرق السنين والكلام اللى بيتقال

فمعلش الكورى شكل ليس اكثر وسيارة تقدر تقول عليها بعد فترة الضمان ماتسألش عن حاجة

اقتباس:

---

المشاركة الأصلية كتبت بواسطة mememsaid

للعلم
انا لو عربيتي من ضمن العربيات اللي في دماغك كنت اتبرعت واكون اول واحد تشرفه انك تجرب عربيته
فكر تاني وانا تحت امرك
يمكن تحط الساجا في اللسته

---

ربنا يخليك يا باشا ويباركلك في عربيتك .وعربيتك يا باشا من العربيات العملية جدا ومن العقل قوي ان اي واحد يجيبها في حدود البادجيت بتاع 80000 ولكن السوق في مصر بيحكم علي العربية من وجهة نظر قديمة بحتة.يعني هل تعلم ان البريليانس مثلا فيها كل ماتتمناه في عربية محترمة ولكن الناس ممكن تشكر فيها لو كتبنا عليها مثلا صنع في المانيا يعني لو قلنا علي المرسيدس دي صيني مش هتلاقي حد هيعرفها من الاساس وذلك بدون ادني تقييم موضوعي.يعني انا من الناس العجبة جددددددددددددددا بالبرتون جين تو ولكن ممكن تتعقد منها مثلا عشان مش كتير ممكن يحب يشتغل فيها او تروح لميكانيكي يقولك ماليزيا كبيرها تضرب كاسيت ناشيونال مش عربية وهكذا .وتلاقي انك لوحدك بعربيتك عشان انت مقتنع بيها وهكذا

اقتباس:

---

المشاركة الأصلية كتبت بواسطة mememsaid

بص
انت مش هينفعك غير انك تسوق العربيات اللي انت عايزها
محدش هيديك قرار
انت خده بنفسك

---

رأي حكيييييييييييم

اقتباس:

---

المشاركة الأصلية كتبت بواسطة omar_fekry

ايه رايك فى جولف 6 - هوندا سيفيك - سكودا - بى ام كل دى عربيات ممتازه

---

رأي شخصي :باستثناء ال بي ام العربيات الثلاث الاخريات لا يقدمن جديد في السيارة عشان ادفع فيهم تمنهم يعني ادفع 180000 في سيفك ولا سكودا ولا جولف ليه ايه اللي هيدهوني اعلي من الفلوينس مثلا او الشارك وشكلهم كلاسيكي بحت جوه وبره