الموضوع: الضقيرة

المشاركة الأصلية كتبت بواسطة aboamr

الضفيره بتتغير لو كانت عامله مشاكل فى العربيه وبيظهر بوضوح فى ارتفاع معدل استهلاك البنزين بصوره غيرطبيعيه وكذلك فى تغييرلون البوجيهات للاسود بصوره واضحه وفى الحاله دى التوكيل بيستبدل الضفيره من غير واسطه او تكاليف طالما العربيه فى الضمان

زى ما وضح كدا بالظبط ابو عمر

ومش عشان ليك واسطة او معرفة حيغيروها .. لان لازم يكون الضفيرة القديمة فيها مشكلة .. عشان بياخد القديمة ويسلمها للمصنع .. ولو كان القديمة مفهاش مشكلة .. يبقا حيتسوح ويروح فى مصيبة اللى غيرها ومكنش فيها حاجة

وبعدين لازم يكون العربية كلها مغربلة فى الكهرباء وفى مشاكل كتير والخلل اللى فىالضفيرة ماثر على حاجات تانية فى العربية
يعنى مش كل واحد حيكون عنده استهلاك بنزبن عالى ومفيش حاجة فى العربية يبقا حيغير ضفيرة على طول

واغلب الناس اللى بتتكلم عندها هاجس تغير الضفيرة ده مش صح

لازم عشان اعرف استهلاك البنزين واشيل الوسوسة واعرف اذا كان مظبوط والله يبقا اتبع الاتى :

- اكون الاول عارف قراءة حساس ال tps ومتظبط فى مركز الخدمة بين 48 او 45 .. المهم ولا يزيد ولا يقل عن الارقام دى

- لازم اكون مظبط ضغط الكاوتش زى ما قال المصنع

- انظف فلتر الهواء بالهواء فى البنزينة وانا بانف الكاوتش بتاع العربية بالمرة .. وسهل فك فلتر الهواء جدا

- واطلع على طريق سفر طوالى .. مفهوش زحمة نهائى .. وبعدين افول العربية قبل ما اطلع واظبط الكاوتش

- وبعد كدا امشى لمسافة 200 كيلو ..وبعد ما ارجع من المشوار ال200 كيلو افول تانى .. واشوف العربية اخدت كام لتر تانى .. وهو ده حيكون معدل استهلاكى

ملحوظة مهمة

يستحسن الاتى عشان احسب بدقة اكتر

* مكنش لسه معملتش صيانة الالف واحكم على اداء العربية .. لان العربية لسه مدخلتش صيانة

* مكنش داخل على صيانة 20 الف وبردوا واحكم على اداء العربية .. عشان فى صيانة ال20 بغير بوجيهات وفلتر هواء وممكن زيت

* اكون مظبط ضغط مقاس الكاوتش واتاكد منه كويس انه مظبوط زى ما المصنع قال

* ميكنش فى معايا حمولة فى العربية واسرة .. وكمان ميكنش ماشى عكس اتجاه الريح ..

* سرعتى متزدش عن 90 كيلو .. ايو 90 كيلو ولازم استحمل السرعة الضعيفة دى عشان استهلاك البنزين بيتحدد بيها مش ب100 او اكتر ..

*منقلش على 3000 او 4000 اربى ام .. يعنى على 2500 كويس

بس كدا

ياترى حد بيعمل كل اللى قولت عليه ده بحذافيره .. ولالا
اشك
ولو حد بيعمل بيعمل جزء منه وبس
وفى الاخر .. نجرى وراء كلمة واحدة .. العربية فيها مشكلة فيها مشكلة
وشكلها كدا الضفيرة
وهى فى الاخر ضفيرة رجلنا مش ضفيرة العربية
هههههههههههههههه
تحياتى