الموضوع: توصيل الكلاكس مع سارينة الانذار بطريقه سهله

السلام عليكم ورحمة الله وبركاته

كل سنه وانتم طيبين بمناسبه عيد الفطر المبارك

ده شرح بسيط لتوصيل الكلاكس مع الانذار لان طبعا صوت السارينه بيبقى واطى خصوصا فى الايام دى اللى انتشرت فيها سرقه العربيات

والطريقه دى ممكن اى حد يعملها(مش محتاجه خبره ولا حاجه )

اللوازم بقى

بجنيه ترامل( او كلبسات اللى هى زى الفيشه )

عوازل بلاستيك للترامل (علشان تبقى متغطيه ومتلمسش بعض) بجنيه برضه

كتاوت كلاكس ودى حوالى 30 امبير اى نوع ويستحسن تايوانى لو موجود فى حدود 8 جنيه

2 متر سلك 2 مللى شعر اسود

2 متر سلك شعر احمر 2 مللى

1 مللى سلك اى لون وطوله حسب بعد سارينة الانذار عن مكان تركيب الكتاوت

شريط لحام اسود

فيوز اللى عامله زى الفيشه (زى بتاعه الشاهين وتكون 10 امبير بالكتير )

نبدأ بقى على بركة الله

1- الاول نعرف السلك الموجب للكلاكس من السلك السالب

وده نعرف لو الكلاكس داخل له سلكه واحده تبقى هى دى الموجب بدون نقاش

لو داخله سلكتين نشوف اللى لونها اسود تبقى الارضى واى لون تانى تبقى هى دى الكهرباء وهى دى المطلوبه

2- نيجى لسارينة الانذار برضه نفس الحكايه نشوف الاسود تبقى ارضى وملناش دعوه بيها

3- واى لون تانى وغالبه بيبقى احمر هى دى المطلوبه

4- نركب الترامل فى السلك علشان نركبه فى الكتاوت زى الصوره دى كده بالظبط

[URL=http://imageshack.us/photo/my-images/109/unledbru.jpg/][IMG=http://img109.imageshack.us/img109/626/unledbru.jpg][/IMG][/URL]

Uploaded with [URL=http://imageshack.us]ImageShack.us[/URL]

5- نركب ترامل برضه علشان نركب فيها الفيوز وبعد التركيب نلف عليها شريط لحام كويس اوى

6- بس كده بقى كله تمام (طبعا تثبت الكتاوت فى مكان كويس وتحول تمشى الضفيره فى مكان مخفى علشان المنظر العام للحوض بتاع العربيه ومبروك

المشاركة الأصلية كتبت بواسطة momo44

الله ينور
شكراااااااا
بس كده انت بتلغلى السارينة خالص
ولا الاتنين بيشتغلو مع بعض
؟؟؟؟

لا طبعا بيشتغلوا مع بعض