الموضوع: استفسار من اهل الخبرة

السلام عليكم ورحمة الله وبركاته

اخباركو ايه شباب نايل موتورز.اتمنى الجميع بخير بامر الله.

كان عندى استفسارين ومستنى اسمع خبراتكم.

1- الانذار :

الانذار الفابريقة للنيو اكسنت من حوالى شهر بدا يعلق بمعنى اننى اقفل الانذار العربية تصفر واشيك على كل حاجة انها مقفولة وافتح واقفل الابواب مرة للتاكيد يرجع تمام وعملها معايا مرتين وبعد كدة اتظبط لوحده.

من حوالى اسبوع علق تانى بس بطريقة مختلفة.افتح الباب ينور الفلاشر فى الشمال بس,سالت فى قسم الكهربا افادنى عضو فاضل باننى اعمل ريسيت وجربتها ونجحت الفكرة واشتغل تمام.ولكن امبارح رجعت نفس المشكلة؟

هل تنصحونى اغير الانذار ؟ولو غيرت اجيب وولف كويس ولا الاسباى ؟

ولا اخلى الكهربائى يبص عليها الاول ولو حاجة بسيطة تتصلح وخلاص.مع اننى قلقان الانذار يعلق او يفصل منى فى الظروف اللى احنا فيها.

2-تزييق :

كل ما اخد نقرة او مطب صغير مضطرا على سرعتى (تقريبا 60) بسمع صوت تزييق اودام؟ علما باننى لو ظبطت هوا الكاوتش على 30 مبسمعش التزيقة ديه ولو الضغط اقل من كدة بسمع التزيقة؟

مستنى ارائكم ومشكورين

مشكورين يا اجدع ناس.والحمد لله زى ما الاستاذ احمد قال كانت مشكلة فيوز واتغير الحمد لله وبالنسبة لضغط الكاوتش مكتوب عندى على القايم 32 ولما كنت بزوده على 32 بيدب ساعات فبنزله 30.