لما باضرب فرامل

**ahmedalramy** · 01-09-2011 03:11 PM

يا جماعه انا لما باضرب فرامل بحس بصوت زى حديد بيحك فى بعضه فى العجل اللى ورا و الموضوع ده مش على طول لكن على فترات متباعده
فهل ده تيل الفرامل عايز يتغير و لو عايز يتغير يتكلف كام
اصلى ما غيرتوش قبل كده (لادا 2105)

**pop504** · 01-09-2011 06:39 PM

فى الغالب تيل فرامل اكشف على ورا وقدام بالمرة وهو فى حدود 110 جنية

**a7madramadan** · 02-09-2011 03:09 AM

التيل خلص و انت بتاكل في ديسكات الفرامل و ممكن لا قدر الله تعمل حادثة لو الفرامل قفشت وانت في غنى عن كل ده .... و ده بافتراض ان الصوت ده من الية الفرامل مش حاجة ثانية بس هيه فالغالب كده

روح لميكانيكي على وجه السرعة والأهمية والله الموفق

**hook1st** · 05-09-2011 03:32 PM

انا كمان عندي نفس المشكلة بس اعتقد انه دا مش تيل لانه انا لسه مغير التيل
كمان لما بكون جايب الاول وطلع براحة مش بسرعة تحس انه في حاجة بتحك زي ما يكون حديد قافش علي بعضه !!!

**SAMER_ENGINES** · 14-09-2011 02:40 PM

ahmedalramy ده تيل فرامل خلفى و زى ما الزملاء قالوا اكشف عن الامامى بالمرة و لا تتهاون و الا بدل ما حتغير تيل و بس حتدخل لا قدر الله فى تيل و طنابير.

</B>hook1st موضوع انى فى حاجة قافشة ده بص على المساتر ممكن يكون فى ماستر قافش، لكن هل بتشعر انى العربية تقيلة معاك فى الحركة على الاقل فى الاول و لا لا؟

**mohamed2002** · 18-09-2011 06:06 AM

اكشف علي طقم التيل الخلقي والامامي

**ahmedalramy** · 22-09-2011 06:25 PM

المشاركة الأصلية كتبت بواسطة samer_engines

ahmedalramy ده تيل فرامل خلفى و زى ما الزملاء قالوا اكشف عن الامامى بالمرة و لا تتهاون و الا بدل ما حتغير تيل و بس حتدخل لا قدر الله فى تيل و طنابير.

</b>hook1st موضوع انى فى حاجة قافشة ده بص على المساتر ممكن يكون فى ماستر قافش، لكن هل بتشعر انى العربية تقيلة معاك فى الحركة على الاقل فى الاول و لا لا؟

الله ينور عليك يا باشا:b4_388: انا رحت للميكانيكى و لقيت فعلا فيه ماستر قافش (محجر) و الميكانيكى فكه وغسله و غيرت الجلدتين الكاوتش بتوعه و كله بقى تمام