زيارة لتوكيل هيونداى العبور (كارتك) حاجة فوق الوصف

السلام عليكم
بعد قراءتى لموضوع الأستاذ شريف و بعد العذاب اللى شفته فى توكيل ابو رواش و قليوب قلت لنفسى أروح أجرب مركز كارتك اللى فى العبور و اللى شجعنى لزيارته كلام الأستاذ شريف عليه عموما أنا رحت يوم الخميس اللى فات عشان أعمل صيانة 10000 الاف و كمان عشان كان عندى مشكلة فى الفتيس و مشكلة غربلة فى عربيتى و لما وصلت قابلت مهندس الأستقبال م/بهاء وهو بصراحة شخص محترم للغاية و يقوم بواجبة نحو العميل بشكل ممتاز و فى الأول سألنى عن المطلوب و قلتله عايز اعمل صيانة و حكيتله على المشاكل و بعدها طلب منى أنه يجرب العربية و فعلا طلع معايا و جربها و بعدها رجعنا و دخلت العربية الورشة و روحت أنا قعدت فى اللأستراحة و ما أدراكم حاجة جميلة جدا أستراحة ممتازة و قعدت و اتفرجت على عربيتى و هما شاغلين فيها و كان مهندس الورشة م/أحمد بيتابع الشغل بنفسه وبعد حوالى ساعة و نصف من العمل المتواصل لقيت م/أحمد خد العربية و خد معاه الفنى وراح يجربها بنفسه و بعد شوية رجع و عمل (Check) على العربية و مفيش دقتيين و كنت مخلص و رحت أدفع الفاتورة و لقيت غلط صغير فيها و بصراحة و على طول قام م/بهاء مصلحاهلى و دفعت و خدت العربية و مشيت بس لقيت عيب الفتيس زى ما هو وكانوا خلصوا شغل فرحت راجع لهم تانى يوم الجمعة الصبح و بداء النقاش حول المشكلة و دخلت العربية الورشة تانى و بداء الشغل فيها و لما خلصت رحت جربتها و لقيت أنى عاوز أوطى الدبرياج شوية و رحت راجع و قيلهم علية و د خلت الورشة تانى و بعد ما خلصت خدتها أجربها و كانت لسه عايزة شوية ضبط تانى و بعد ما ضبطوها بقت بصراحة زى الفل و ما حملونيش أى مصاريف أضافية و خلال اليوم التقيت مع مدير المركز م/شريف و هو شخص غاية فى الأحترام و أكثر شىء يهمه هو راحة العميل و بصراحة أنا أنصح أى شخص أنه يجرب المركز ده عشان هو يستاهل و ربنا يوفقنا و يوفقكم لما فيه الخير و لو عندكوا أى أستفسار أنا فى الخدمة و أخيرا شكر خاص للأخ شريف و الأخ بايو على مجهودهم الرائع

و أسمحو لى أن أشكر مدير مركز كارتك و المهندسين و كل العاملين بهذا المركز على حسن أستقبالهم و على دقتهم فى العمل

م/محمد مصطفى

اى خدمه يا باشا :wink:

بعد السلام عليكم

انا مهندس بهاء ....... !! ( مهندس الاستقبال بشركة كار تك ) .[size=12]يسعدنى ويشرفنى الانضمام الى هذا المنتدى الفوق رائع .... واسأل اللة أن يوفقكم ........
بداية أحب أوجه سلامى و شكرى للشاب اللذيذ شريف المصرى اللى فاجئنى بالكلام الجميل ده و التفاصيل المملة ديه
ههههههههه بس فى حاجه انت نسيتها ان انا نضفتلك فلتر التكييف كادوه ههههههه وبايو يشهد عليك ...
و بايو باشا مقدرش أنساه فهو أول واحد أشوفه خدوم بالشكل ده ... فأول معرفتى ب NILEMOTORS كانت من خلاله
لقيتة فى يوم جايلى السنتر وبيسأل عن المكان و الامكانيات بتاعتنا وهل احنا معتمدين ام لا و شوية تفاصيل كده .....
المهم ان انا بعد لما جاوبته استاذنت منه اصور السفتى بتاع عربيته (طقم الحمايه النيكل) بالموبيل علشان كنت بجمع صور
لاشكال مختلفه من هذا الطقم .... المهم فوجئت به يسألنى عن الايميل بتاعى علشان يبعتلى الصور كامله .... شكرته وانا
حاسس انه بيثبتنى ... وتانى يوم لقيت الصور وصلت وسعتها مكنتش اعرف غير اسم هانى وبعد كده عرفت موضوع بايو..
و بعد كده عرفنى على المصرى وابتدا بايو وشريف يكلمونى عن نايل موتورز وبصراحة في الاول حسيت انهم بيبالغو عن
الموقع شويه (بيشتغلونى يعنى...) ولكن اكتشفت انهم كانو متواضعين ( اى خدمه عدو الجمايل ... ) .ولكن بعيدا عن الهزار فعلا فكره ممتازة و جديدة فى مصر ...!![/size] :lol: :lol: :lol: المفاجئة اللى انا محضرها ل (NILEMOTORS)

ان م/ شريف عبد الخالق رئيس مجلس الادارة

قاللى ان ( NILE MOTORS) فقط لهم خـــصــــم ( 0 1 % ) على المصنعيات .

وانتظروا منا مفاجئات اخرى ........... ( S K O D A ) واخرى ........ ( ؟ ؟ ؟ ؟ )

ألف شكر

الى المهندس بهاء......أنا زعلان منك :( :( عشان انت أفتكرت الأخ العزيز شريف و الأخ العزيز هانى و نسيتنى مع أنى اول عميل من المنتدى يجيلك بعد كلامهم ....ههههههه و عشان نستنى أنا مش هبعنلك العربية التالتة اللى اتفقنا عليها :wink: :wink: ...ههههههه

طبعا أنا بهزر معاك و متشكرين يا جميل على الخصم و مستنى منك الأستيكر بتاعى

محمد مصطفى

طيب يا جماعه الى معندوش عربيه فى الوقت الحالى ممكن يا خد الخصم ده فلوس .

ههههههههههههههههههههههههه ههههههههههههههه


الف شكر على المجهود لكل من ساهم فيه .
السلطان ابو النجا الاول

اقتباس:

---

المشاركة الأصلية كتبت بواسطة Eng: BAHAA Cartec

بعد السلام عليكم

انا مهندس بهاء ....... !! ( مهندس الاستقبال بشركة كار تك ) .[size=12[color=black]]يسعدنى ويشرفنى الانضمام الى هذا المنتدى الفوق رائع .... واسأل اللة أن يوفقكم ........

وانتظروا منا مفاجئات اخرى ........... ( S K O D A ) واخرى ........ ( ؟ ؟ ؟ ؟ )[/size]

---

والله يا باشمهندس "بهاء" أنتم مكان محترم فعلا وأنت راجل بتحب شغلك جدا وواضح من أسلوب معاملتك مع العملاء أما بقى المهندس "شريف" فكلمات الشكر والتقدير قليله عليه فعلا

ومنتظرين المفاجئات يا هندسه

وشكرا على الخصم وإن شاء الله هايكون في كارنيهات عضويه لاعضائنا عشان تعرفوهم

انا بصراحة قولت ان شريف لما جالكوا واتزنق في الفلوس عرض عليكوا يعملكوا دعاية هنا في مقابل تخفيض ثمن التيل والطنابير :lol:

بس الواضح من كلام الناس عن مستوي الخدمة وسلاسة التعامل والتاكيد علي سياسة ارضاء العميل بكل الطرق فكده انتوا بجد ناس محترمة نفتخر بوجودكم سوق السيارات المصري وفي منتدانا طبعا

تسلم لنا يا باشمهندس علي الخصم بس صدقني الخدمة الممتازة والاسلوب الراقي في التعامل مع العميل هو افضل هدية انتوا بتقدموها للناس

بالمناسبة انتوا بتصينوا الكيا برايد ولا لاء :idea:

[size=7] اعـــــــتــــــــــذار[/size]

للمهندس / محمد مصطفى : ياباشا لاعاش ولا كان اللى ينساك ...... :oops: :oops: :oops:
ده كفايه ذوقك انت والاستاذ / محمود ..... وعلى العموم حقك عليا يا جميل :lol: :lol: :lol: [size=8]اجـــــــابـــــــــه [/size]

اجابه عن سؤال ابو نورا : عن صيانه كـــيــا ..... ؟؟

ان مركز خدمه كارتك هو مركز خدمه لجميع انواع السيارات ... حيث يوجد هانجر خاص بخدمة
هيونداى وله فريق عمل خاص به ......
ويوجد هانجر اخر لغير الهيونداى وله ايضا فريق خاص به ...
ومن ثم فانه فى حاله عدم توفر قطعه غيار ... !! فان فريق المشتريات لكارتك يتولى المهمه .... ويقوم بتوفير قطع الغيار الاصليه .... وفى حاله احضار العميل لقطع الغيار فليس هناك مانع غير ان يكون العميل هو المسؤل
عن هذه القطع .....

( انا اسف على عدم المتابعه المستمره وذالك لضيق الوقت )

بهاء باشا شكرا علي الرد وان شاء الله صيانة ال15 الف عندكوا وياريت تقولنا جوب الصيانة بيبقي فيه ايه ولو تعملنا جدول بالصيانات كلها مع الفلات ريت
يعني مثلا صيانة ال10.000 كم
يتم تغيير كذا وكذا وكذا والفلات ريت بتاعة كل عملية ولو الوقت كمان وهكذا وشكرا مقدما 8)

طب ممكن اسأل سؤال بس من غير زعل او حاجة :

هو ليه شريف و مظمحمد مصطفى مخلصش الشغل بتاعهم من اول مرة و راحوا و جم كذا مرة؟

انا فعلا معجب بالمركز, و الكلام اللى بيتقال عليه مبشر لعملاء الهيونداى

لكن اليس من المفروض تدارك موضوع ان الواحد ممكن يمشى يلاقى حاجات مخلصتش او متظبتتش فى عربيته من اول مرة؟

و ردى عليك يا استاذ معاذ ان العربيه من الأشياء اللى لازم تجربها بكذا طريقه حتى تكتشف عيب معين ...... يعنى انا اول مره جربت العربيه على السرعه المتوسطه ( 80 كيلو / الساعه ) و بعديها بفتره الساعه 11 بالليل مشيت على 140 فلاقيت عيب ما فأضطريت انى اروح تانى يوم و كان جمعه و كان قسم الزوايا و الترصيص اجازه فعملت حاجات تانيه برده كنت افتكرتها على نفس الجوب بتاع يوم الخميس و بعدين رحت السبت بعد ما ظبط الزوايا و رصصت ...... يبقى فيه عيوب لازم بتشوفلها اكتر من حل الأول لغايه ما تلاقى العيب نفسه و اكيد انت كصاحب عربيه ممكن ما تيقاش فاضى طول اليوم و تيجى تكمل تانى يوم او ان العيب ما بيظهرش من اول تجربه ..................فأنا اعتقد ان الغلط مش من عندهم و مش بدافع عن كارتك بس ده طبيعى حتى لو عند اى ميكانيكى بره ممكن تروحله مرتين و تلاته و اكتر علشان نفس العيب , مش كده ؟؟؟

اقتباس:

---

وبعد حوالى ساعة و نصف من العمل المتواصل لقيت م/أحمد خد العربية و خد معاه الفنى وراح يجربها بنفسه و بعد شوية رجع و عمل (Check) على العربية و مفيش دقتيين و كنت مخلص و رحت أدفع الفاتورة و لقيت غلط صغير فيها و بصراحة و على طول قام م/بهاء مصلحاهلى و دفعت و خدت العربية و مشيت بس لقيت عيب الفتيس زى ما هو

---

طب ده معناه ان الفتيس متعملش و لا ايه؟

على فكرة انا مش قاصد اغلس او حاجة, بس بحاول الفت نظر بتوع كارتك للموضوع, بما ان المهندس بهاء موجود معانا
فيا ريت يتداركوا الموضوع ده, علشان فعلا زيادة الefficiency بتاعتهم هى هتبقى من اهم الحاجات اللى تجذب عملاء لهم

اقتباس:

---

على فكرة انا مش قاصد اغلس او حاجة

---

اوعى تقول كده يا استاذ معاذ انت من الناس المحترمه اللى نتشرف بمعرفتها و لك ارائك القيمه و المفيده .
و بالنسبه لموضوع

اقتباس:

---

طب ده معناه ان الفتيس متعملش و لا ايه؟

---

انا برده هارد عليك بعد اذنك , دلوقتى انت مثلا فيه حاجه متعود عليها فى عربيتك مش اى حد يفهمها , قصدى انك مثلا لما تركب عربيه حد ممكن تلاقى الدبرياج واطى و بالنسبه لك ده عيب و بالنسبه لصاحب العربيه ده ميزه و هو اتعود عليها كده ...... فالموضوع ده بيبقى نسبه و تناسب فممكن يكونوا عملوا الفتيس بأسلوبهم همه بس انت عايز الفتيس بأسلوبك انت ........... مش عارف قدرت تفهمنى ولا لأ ؟؟!!!
a7'ook
Sherif

اقتباس:

---

اوعى تقول كده يا استاذ معاذ انت من الناس المحترمه اللى نتشرف بمعرفتها و لك ارائك القيمه و المفيده .

---

الله يخليك يا شريف باشا, دى شهادة اعتز بها

اقتباس:

---

مش عارف قدرت تفهمنى ولا لأ ؟؟!!!

---

انا فاهم قصدك ايه

بس صاحب العربية قال

اقتباس:

---

خدت العربية و مشيت بس لقيت عيب الفتيس زى ما هو

---

ده معناه ان مفيش تغيير حصل, او هو ممكن يكون خانه التعبير
صح؟

يا جماعه انا بجد بشكر كل شخص عمل المنتدى ده وكل عضو فيه بيشارك انا تقريبا مليش غير اسبوع مشترك ولا افقه شئ فى العربيات بس اتعلمت فى المنتدى ده حاجات كتيره .. وانا على فكره من اسيوط وناوى اجيب الفرنا 2007 وان شاء الله هعمل صيانتها عند المهندس بهاء كارتك عشان انا اعجبت بشخصيته من غير ما اشوفه ويا رب الصيانه تكون من اول مره عشان انا لو رجعت اسيوط مش هعرف اجى تانى :wink: بس انا عاوز اعرف هيه الصيانه بتاعت 1000 اللى فى كارتك دى بكام ولا من غير فلوس وشكرا يا جماعه بجدددددددددد

http://www.nilemotors.net/Forum/view...850&highlight=

السلام عليكم

الف شكر يا استاذ معاذ على هذة المداخلات المفيده لنا ونشكركم على حرصكم على ( كارتك )
ولكن انا كان نفسى ان اللى يرد ولا شريف ولا انا كنت عاوز م / محمد مصطفى هوه اللى يتكلم بنفسه ..
لكني اعتقد انه اكيد مشغول شويه ...

لذالك انا هاحكيلك اللى حصل باختصار يا أ / معاذ ( على فكره اسمك جميل اوى ) .....
المهندس محمد مصطفى من الناس اللى مابتحبش تركب وخلاص فهو حساس جدا
جالى م / محمد وكان بيشتكى من كذا مشكلة منهم الفتيس به عضه فى الغيار الثالث .
ولاكلام ده كان يوم الخميس اخر النهار واستلم السيارة عند انتهاء وقت العمل الرسمى
حيث ان مواعيدنا من ( 9 ص : 5 م ) طوال ايام الاسبوع .
المهم لقيت م / محمد جايلى اليوم التالى وهو يوم الجمعه صباحا و معاه ابن خالته أ / محمود
وهو ايضا معاه فيرنا نفس اللون ..... وكان عاوز يعمل الصيانة الاولى لعربية أ /محمود
وبرضه كام مشكله كده فى سيارة أ / محمود و قاللى انا عندى الفتيس لسه فيه عضه
المهم ان احنا وطينا الدبرياج شويه و السياره عجبة م / محمد لقيت أ / محمود بيقوللى ان
م / محمد كان واخد على طول على الفتيس الاوتوماتيك و فضلو يجربو السيارتين هما الاثنين
لحد لما بقو زي بعض والمهم ان هما نفس اللون ....

ارجو ان اكون اوضحت لك الصورة يا أ / معاذ .

اما الستاذ شريف فله منى عتاب بسيط وده من عشمى طبعا ( ايه يا عم مفيش اهلا .... ولا سهلا ..... ولا منور عندنا
ولا بيتك ومطرحك .... ولا صباح .... ولا مسا .... ولا كلمه كويسه .......
متشكرين يا عم على التحيه وعلى العموم هاتجيلى هاتجيلى :lol: :lol: :lol:

يا باش مهندس بهاء انت مش محتاج صباح و لا مسا .... ده بيتك و احنا اللى نقولك متشكرين على وقتك ده بالرغم من مسئولياتك و شغلك الكتير .......و انا مش عايز اسلم عليك كتير على الهوا لحسن الأعضاء يفتكروا انى شريك فى المركز وللا حاجه مع المهندس شريف ههههههههههه او اكون انا المهندس شريف شخصيا و متخفى علشان اجر الأعضاء عضو عضو لحد كارتك ههههههههههههه بس عموما المحبه فى القلب يا باشا و اتشرف بصداقتك خارج مجال صيانه السيارات ايضا , ده انت حبيبى من ايام الجيزه يا راجل ههههههه
a7'ook
Sherif

م/بهاء

جزاك الله كل خير على كلامك الجميل, سعة صدرك و ردك على استفسارى

فعلا كلام م/محمد مصطفى لم يوضح اللى حصل ده كفاية, فيخلى الواحد يظن ان لم يتم عمل اللازم مع السيارة

رد حضرتك على الموضوع يدل على شخصية محترفة جديرة بالاحترام بجد, و يا ريت يبقى فى مراكز لخدمة المختلفة اشخاص مخلصين فى عملهم زى حضرتك

و فعلا اهتمامكم براحة العميل و رضاه عن مستوى الخدمة, هو ان شاء الله مفتاحكم للنجاح و التميز فى مجال يفتقر حاليا لمثل هذه الاساسيات فى التعامل

انا كان عندى اقتراح كمان لحضرتك, ان الادارة تعمل موضوع مثبت هنا فى رووم الهيونداى, بحيث يسيب الاعضاء اللى زاروا مركزكم انطباعتهم, بالاضافة ان اعضاء الموقع كافة يقولك على اقتراحتهم اللى اكيد بعض منها يفيدكم فى تطوير الخدمة, و التوسع ان شاء (يعنى يبقى عندكم نبض الشارع :lol: )

بالتوفيق ان شاء الله, و نتمنى لشراكتكم مع نايل موتورز تكون فاتحة خير عليكم

فعلا الاعضاء كلهم حيروحوا هناك، انا بعد ما قرأت موضوع كارتك ده هنا فى المنتدى كان فيه واحد صاحبى لسه مشترى الفيرنا وعايز يعمل صيانة ال 1000 كيلو قلت له على موضوع كارتك ده قالى طيب نروح نجرب هناك خصوصا انه قريب من مكان شغلنا وان احنا سمعنا كلام كتير عن تكويل غبور والزحمه اللى فيه. اتصلنا بالتليفون وعلى فكره تليفونات المركز اتغيرت مش هى اللى فى الاعلان اللى على المنتدي اتضاف ليها رقم فى البدايه وحجزنا ميعاد كان الساعه 1 ونص يوم الاتنين اللى فات. المكان ممتاز الصراحه والناس مقابلتها حلوه وشغلهم برضه كويسه وميزه كبيره اوى انك تبقى قاعد فى الكافتيريا وشايف عربيتك وهى ببتصلح وايه اللى بيحصل فيها بالظبط. هما خلصوا فى حوالى ساعه صيانه ال 1000. وطلعوا جربوها اكتر من مره.
وهو بصراحه مركز نظيف وهادى ومحترم جداً. بس مع الاسف انا ما اتشرفتش بمقابله م/ بهاء لأنى ماحبتش انى اقول انى من نايل موتورز واتقل عليه فخلتها كده عادى يعنى.
وللأستاذ اللى كان بيسأل عليها هى فيها تغيير زيت وفلتر وتربيط العفشه وظبط للموتور ودفعنا حوالى 92 جنيه علشان صاحبى حط زيت شل 5000.
انا حكمى على المركز انه مش فنيا طبعا لأننا ما عملناش حاجه فنيه وانا خبرتى كمان ما تسمحش انى احكم عليه من الناحيه الفنية دى حسيبها للناس اللى بتفهم اكتر منى فى العربيات، انما الحكم عليه من ناحيه الاستقبال وجو الود اللى هناك واللى تلاحظه حتى من طريقة المهندس وهو شغال فى الصاله تحت، تحس انه بيتشغل وهى حابب الشغل ودى حاجه تخليك مطمن انه مش حيقلب عربيتك ويعملها اى كلام.
على فكره فيها هناك وصله انترنت لاسلكى اللى معاه لاب توب ممكن يعيش شويه على النت لغايه الصيانه ما تخلص انا بعت شويه إيميلات من هناك. بس الكافتيريا اللى هناك متهيأ لى انها غاليه شوويه (شاى + بيبسى = 8 جنيه)

اقتباس:

---

المشاركة الأصلية كتبت بواسطة معاذ الشرباصى

انا كان عندى اقتراح كمان لحضرتك, ان الادارة تعمل موضوع مثبت هنا فى رووم الهيونداى, بحيث يسيب الاعضاء اللى زاروا مركزكم انطباعتهم, بالاضافة ان اعضاء الموقع كافة يقولك على اقتراحتهم اللى اكيد بعض منها يفيدكم فى تطوير الخدمة, و التوسع ان شاء (يعنى يبقى عندكم نبض الشارع :lol: )

بالتوفيق ان شاء الله, و نتمنى لشراكتكم مع نايل موتورز تكون فاتحة خير عليكم

---

أقتراحك جميل جدا يا دكتور معاذ

ولو أخدت بالك أني مثبت موضوع صديقنا "شريف المصري" وعن حكايته مع المركز وأضفت عليه التغطيه التي قمنا بها للمركز

وأنا أفضل أن يدخل كل عضو ويقول تجربته (سواء جيده أو سيئه) في موضوع مستقل ونتناقش فيها ومعنا المهندس "بهاء" إللي منورنا ومشرفنا وإللي معرفش يعمل لي حاجه في موضوع الأربعين جنيه بتوع أفتح الكبوت وأقفله (أنا مش عاوز أتكلم أهه يا باشمهندس "بهاء")

اقتباس:

---

المشاركة الأصلية كتبت بواسطة ايهاب عبد العزيز

على فكره فيها هناك وصله انترنت لاسلكى اللى معاه لاب توب ممكن يعيش شويه على النت لغايه الصيانه ما تخلص انا بعت شويه إيميلات من هناك.

---

كود:

---

بس الكافتيريا اللى هناك متهيأ لى انها غاليه شوويه (شاى + بيبسى = 8 جنيه)

---

أيوه كده هو ده المطلوب المزايا والعيوب والنقض الصريح الشفاف وأحنا حقنا نقول إللي أحنا عاوزينه طالما حاسين إن المركز بقى بتاعنا ولازم كمان المركز يستجيب لنا أكتر طالما أحنا بقينا العملاء بتوعه

اقتباس:

---

ولو أخدت بالك أني مثبت موضوع صديقنا "شريف المصري" وعن حكايته مع المركز وأضفت عليه التغطيه التي قمنا بها للمركز

---

اصل انا كنت عاوز اكتب الاستفسار بتاعى فوجدت اكتر من موضوع على كارتك, علشان كده كان اقتراحى بعمل موضوع موحد

يبقى معنى, كده لو فيه استفسار يفضل يبقى فى الموضوع المثبت بتاع التغطية؟

السلام عليكم
أولا أسمحولى أرحب بالمهندس بهاء و أهلا بيك فى المنتدى و ننتظر منك المزيد من المشاركات و عشان الحق يا جماعة أنا فعلا كنت مختصر فى كلامى عن زيارتى للمركز و ده لعدم الأطالة و أنا كان كل هدفى أنى أوضح حاجة واحدة و هى أن المعاملة و الصيانة فى كارتك ممتازة و تستاهل منكم الأهتمام و خصوصا بالمقارنة بمعاملة غبور السيئة و عذرا أذا كنت أسأت التعبير
محمد مصطفى

طيب سؤال صغير يا جماعه

يعنى المركز مجهز لجميع انواع الصيانه بالنسبه العربيات الهيونداى؟؟؟؟
مش هحتاج اروح لغبور فى اى حاجه؟؟؟
الموضوع ده مهم جدا
لانى بشوف الناس بتشتكى من غبور ( شويه )
وياريت المهندس بهاء يدينا فكره عن الخدمات بشكل تفصيلى شويه ( معلش بقى هنتعبك )
وشكرا للردود مقدما

السلام عليكم

الى أ/ HiTcH أهلا بيك يا ابو زومول انت هاى تك وانا كارتك .
بداية احب اوجه انتباه حضرتك الى أول موضوع فى قسم هيونداى .
فهو يتكلم عنا تفصيليا وليس من خلالنا ولكن من خلال تجارب أعضاء
نايل موتورز ....

ولو ملاقتش اجابه عن كل استفساراتك بلاغنى وانا هارد عليك ..

المهندس بهاء بيكلمك على الموضوع ده
http://www.nilemotors.net/Forum/viewtopic.php?t=2229

منورنا بجد يا باش مهندس بهاء

الباشمهندس بهاء
شكراً على مجهوداتكم الكبيرة والملموسة بشهادة الجميع
كنت عايز أعرف من حضرتك بتعملوا الصيانات الدورية للاسبيرانزا ولا لأ؟
على فكرة أنا من سكان العبور يعني ليا عندك خصمين : خصم المنتدى وخصم الجيرة :lol:

السلام عليكم

صباح الخير يا جارى .....؟؟؟؟
يا باشا تنورنا فى أى وقت .
ولكن بأكد ان انا فى كارتك توكيل معتمد لكل من هيونداى و اسكودا
ولكن لنا قسم خاص لغير سكودا و هيونداى .
وقطع الغيار للسبيرانزا غير متوفرة عندى بالتالى : هناك خياران اما
انيحضر العميل قطع الغيار أو تبليغ قسم المشتريات لاحضار المطلوب .