ايه الحل لحماية الاطفال فى مرحلة الحبو؟
يا جماعة أنا عايز حل لحماية طفلى فى فترة الحبو الفترة دى بتبقى خطر جدا والاطفال بيلقطوا أى حاجة من الارض ويحطوها فى بقهم وفيه حاجات الاهل ما بيشوفهاش اصلا من شدة صغرها .
على سبيل المثال بنتى الكبيرة لما كانت فى الفترة دى طلعنا من بقها مسمار مش عارف جبته منين ومرة تانية لقت حتة زجاج على الارض ولسه ناوية تستكشفها لحقناها بسرعة والحمد لله
وأنا من ساعة ما ربنا رزقنى بطفلى التانى وأنا مرعوب من مروره بالفترة دى لغاية من فترة كدا شوفت بالصدفة حلقة كرتون بنتى بتتفرج عليها وفيها مجموعة اطفال فى مرحلة الحبو محطوطين فى حاجة كده شبة السياج معمول مخصوص للاطفال فى المرحلة دى علشان يلعبو براحتهم فى نطاق السياج ده وتحطلهم لعبهم وكل حاجاتهم اللى تشغلهم وتنمى قدراتهم ..... عجبتنى الفكرة وكنت عايز اعرف حد عنده فكرة دى بتتباع فى مصر ولا ممكن تتعمل عمولة وهل فيه حلول تانية للموضوع ده؟