الموضوع: ايه الحل لحماية الاطفال فى مرحلة الحبو؟

ودى صور للسياج اللى باقولكم عليه




ولو حد عنده تجارب مفيدة لحماية الاطفال فى المرحلة دى ياريت يفيدنا بيها

وجزاكم الله خيرا

المشاركة الأصلية كتبت بواسطة نور القمر

فعلا والله بنتي بتلاقي الحاجات اللي المكنسة مش بتجيبها مججناني بجد

مش بس كده فيه كمان فيش ومشتركات الكهرباء اللى بيبقوا عايزين يلعبوا فيها علشان كده عجبتنى فكرة تحديد منطقة ليهم يعيشوا حياتهم فيها من غير قلق خصوصا ان اللى بيبقى عنده طفلين أو اكتر بيبقى مش عارف يلاحق على مين ولا مين

فين الخبرات اللى متعودين عليها فى الاجتماعى ؟

المشاركة الأصلية كتبت بواسطة احمد المصرى

متابع باهتمام لانى عندى نفس المشكله ومش عارف احلها اذاى

بالبحث لقيت نوعين من الحماية

الأولى وهى فكرة السياج اللى باقولكم عليها ولقيت الشكل التالى







الحاجة التانية وهى عبارة عن حاجز بيتحط على باب غرفة يعنى لو انت عامل غرفة مجهزة لطفلك يلعب فيها ممكن تحط عليها الحاجز ده علشان ما يعديش



الكلام ده طبعا بيتباع برا لسه حادور لو المنتجات دى ممكن الواحد يلاقيها فى مصر ولا لأ

دلوقتى أنا مش عارف ادور على المنتجات دى فى مصر عن طريق الانترنت لازم الواحد ينزل بنفسه على محلات الاطفال المشهورة ويسأل فيها وأنا متوقع انها لو وجدت مش حايقل سعرها عن ال 700 جنيه ان لم يكن اكتر .... فعلشان كده انا بفكر اعمل الموضوع عمولة وقدامى حاجة من ثلاثة يا اما اعمل السياج ده بلاستيك أو خشب أو حديد

أنا بس محتاج مساعدة الناس فى الفكرة دى يعنى لو تعرفوا سكة نجار كويس ممكن يعملها اسألوه أو بتاع بلاستيك وبالنسبة ليا فعندى صديق والده فاتح مصنع حديد فيرفروجيه حاحاول اسأله ان كانوا يقدروا يعملوها عمولة ونقارن التكلفة بين كل خامة والارخص نجيبها واعتقد ان فيه ناس كتير مهتمة يعنى اللى حايقدر يعملها ممكن يعملنا خصم لو قدرنا نجمع عدد كويس من الناس

كل اللى اتمناه من الناس بعض التفاعل علشان نقدر نطلع بحاجة تفيدنا كلنا