لو سمحتو تحوبشة 4 سنين امانة في ايديكوا

**mohamedaghali** · 02-09-2011 03:04 PM

المشاركة الأصلية كتبت بواسطة masterzmind

معلش ياباشا انا اختلف معاك لو عربية bmw ولو جنط 18 مش هتحس زى السيراتو دة نتيجة نظام اللتعليق بتاع العربية والمساعد القصير الى فى العربية مش مشكلة جنط بس.. السيراتو نظام التعليق الخلفي torsion beam ،نظام تعليق غير مستقل يعني العجلتين الخلفيين متصلين بعض و دة نظام أرخص و أقل راحة و في العربية السيدان لو في نقرة أو مطب و عجلة خلفية إترفعت التانية تترفع معها فممكن العربية تعوم....... بس عشان مظلمش العربية العربية فى options حلوة اوى هى مشكلتها العفشة فقط لا غير تكيف ماشاء الله تسارع وموتور حاجة جميلة شكل جميل اوى وفى نظرى احسن من الانترا 1000000 مرة انا بحس ان الانترا مبعججة من الجنب كدة مش لمة بعضها .

مش مختلف معاك ان تعليق السيراتو اقل من تعليق البى ام فى نظامه وبالتالى التكلفه وده واضح فى فرق السعر انا بتكلم عن النشوفيه فى العفشه ودى موجوده فى اى عربيه فيها كاوتش لو بروفايل حتى البى ام الفكره ان الناس بتقارنها بعربيات مفيهاش جنوط او فيها جنط صغير وده مينفعش

**masterzmind** · 02-09-2011 04:19 PM

مش مختلف معاك ان تعليق السيراتو اقل من تعليق البى ام فى نظامه وبالتالى التكلفه وده واضح فى فرق السعر انا بتكلم عن النشوفيه فى العفشه ودى موجوده فى اى عربيه فيها كاوتش لو بروفايل حتى البى ام الفكره ان الناس بتقارنها بعربيات مفيهاش جنوط او فيها جنط صغير وده مينفعش

خد بالك انا معايا 120 الف ومحتار بين السيراتو و هوندا سيفيك مستعملة المشكلة فى السيراتو حوار العفشة دى وانا خايف منه وصحبى معاة العربية وبيقولى عربية 100 100 بس العفشة هتموتنى وانا مرة قعد ورة طول الطريق بطنطط بصراحة كان لازم يشوفو حل لحوارالعفشة دة فى 2012 ولا و2011

**meiirmeiir21** · 02-09-2011 05:08 PM

كارينز و مش هتندم ...نفس الوكيل ...نفس الفئة السعرية ...أوبشنز أقل شوية...أوسع...العفشة فرق شاسع لأن التعليق الخلفي مالتي لينك وده هوا اللي الشباب كانوا بيقولوا عليه في ال بي أم دبليو ...الشاسيه أعرض و العربية أثقل كوزن و ده مخلي ثباتها أحسن بكثير ...عائلية مش شبابية

**MOUSTAFA_SAAD** · 02-09-2011 05:39 PM

المشاركة الأصلية كتبت بواسطة masterzmind

الانتشار مش معناة الاعتمادية................ العربية options=price العربية فيها كماليات كتيرة بسعر كويس يبقى هتنجح ولكن مش معناة كدة انها كويسة ..... الفيرنا منتشرة هل كدة انها كويسة .....الفولفو عربية مش بشوفها اصلا يبقىكدة عربية وحشة فى مصر هنا الناس بتفكر بمفهوم غريب.... صحيح الف سلامة عليك عنيك اتحسنت دلوقتى

متفق معاك فى الكلام
احنا بلد العربيات الكويسه فيها مش بتنجح
بس ده برده ميمنعشى ان السيراتو صفقه ناجحه وكذلك الفيرنا صفقه ناجحه
ليها مميزات وعيوب واذا كانت العربيه مش اوى يبقى رخص قطع الغيار وسعر اعادة البيع بيعوض باقى المشاكل وهكذا

الله يسلمك والله لسه الزغلله موجوده وربنا يسهل انا مستنى مع الوقت اشوف ايه اللى حيحصل

**masterzmind** · 02-09-2011 06:56 PM

متفق معاك فى الكلام
احنا بلد العربيات الكويسه فيها مش بتنجح
بس ده برده ميمنعشى ان السيراتو صفقه ناجحه وكذلك الفيرنا صفقه ناجحه
ليها مميزات وعيوب واذا كانت العربيه مش اوى يبقى رخص قطع الغيار وسعر اعادة البيع بيعوض باقى المشاكل وهكذا

الله يسلمك والله لسه الزغلله موجوده وربنا يسهل انا مستنى مع الوقت اشوف ايه اللى حيحصل

ان شاء الله هتروح الزغلله دى علىطول انا اختى عملتها قعدت اسبوع كدة كل شوية بتستعمل اطرة وبعد كد دلوقتى نظرها احسن منى والله بتشوف اليوفط الى فى الطريق انا مش بشوفها

**medo111** · 02-09-2011 07:18 PM

المشاركة الأصلية كتبت بواسطة masterzmind

معلش ياباشا انا اختلف معاك لو عربية bmw ولو جنط 18 مش هتحس زى السيراتو دة نتيجة نظام اللتعليق بتاع العربية والمساعد القصير الى فى العربية مش مشكلة جنط بس.. السيراتو نظام التعليق الخلفي torsion beam ،نظام تعليق غير مستقل يعني العجلتين الخلفيين متصلين بعض و دة نظام أرخص و أقل راحة و في العربية السيدان لو في نقرة أو مطب و عجلة خلفية إترفعت التانية تترفع معها فممكن العربية تعوم....... بس عشان مظلمش العربية العربية فى options حلوة اوى هى مشكلتها العفشة فقط لا غير تكيف ماشاء الله تسارع وموتور حاجة جميلة شكل جميل اوى وفى نظرى احسن من الانترا 1000000 مرة انا بحس ان الانترا مبعججة من الجنب كدة مش لمة بعضها .

كلامك سليم 100 ال 100 الاختلاف في التورشن عن المالتي المالتي في الجنط ال17 اه هتبقي ناشفه بس العجله هتنزل وتطلع لوحدها اما التورشن العربيه بتلقيها بتدب معاك لان العجلتين بيتاثرو

**mido1512h** · 02-09-2011 08:06 PM

انا متشكر اوى لكل الردود بجد انا اول مرة اعمل موضوع في المنتدى و بقالى 4 شهور بقرأ و بقارن
المشكلة دلوقتى انى خلاص كنت هاشتري بعد العيد ال sedan sx smart وكيل
بس جاري لسا شاري koup خليجى قبل العيد و بصراحة ابتديت افكر تانى و خصوصا الفرق في السعر مش كبير ( فرق الوكيل من الخليجى )
ايه رايكوا ؟؟؟؟؟؟؟
مراكز الصيانة للخليجى ايه اخبارها ؟؟؟
تكنو وان ؟؟؟؟؟
هل في عيوب صناعة ظهرت مع حد فى الخليجى ؟؟؟؟؟؟؟؟؟؟؟؟؟؟؟؟؟؟
اخبار معرض national motors اسامة عبد النبي ايه ؟؟؟؟؟
طولت عليكوا الموضوع بجد محير
شكرااااااااااا

**mido1512h** · 02-09-2011 09:01 PM

فين الردود يا جماعة

**Medicalist** · 02-09-2011 09:33 PM

بلاش السيراتو
الانترا الجديده افضل بس عشان تحصل على اعلى كماليات بالفرامل هتعدى
فرأيى لو تقدر تزود شوية وتجيب مازدا 3 يبقى افضل والبومه الكامله السبورت مالهاش حل و تمنها فيها
مع العلم انى معايا النترا خليحى 2010 كامله الحمد لله تحفه وماشاء الله ثابته جدا لحد 190 على طريق مستوى و محترم لكن الطرق بتاعتنا اى عربيه هتتنطط عليها واستهلاك البنزين محترم عربيه ممتازه بس ماعادش ينفع تشتريها و فيه موديل جديد
انا كنت هشترى السيراتو اول ما نزلت بس سمعت مشاكل مرعبه عنها من اول العفشه و الناس الى هنا فى المنتدى اتقلبت بيها اول ما جابتها وواحد يقولك الفرامل حجرت منه ودخلت فى واحد غير الانتريور بتاعها اول ما نزلت كان سىء جداا الخامات و التقفيل والكنبه الخلفيه ضيقه