ماشاء الله . تسلم ايدك يا أحمد باشا ع الموضوع المهم فعلا ....... أفادكم الله يا زعيم :)
عرض للطباعة
ماشاء الله . تسلم ايدك يا أحمد باشا ع الموضوع المهم فعلا ....... أفادكم الله يا زعيم :)
مش عارف ليه السيانريو دة جه فى دماغى...
واحد من اصحابنا الفهلوية اللى بيحبوا يعدوا وسط العربيات نزل من الرصيف و حب يعدي بين عربيتين بينهم 3 متر... و الباشا مخدش بالة ان العربيتين قاطرين بعض فا اتكعبل فى السلبة ووقع قدام العربية المقطورة
العربية المقطورة مش دايرة و بالتالى السرفو مش شغال و اللى راكبها معرفش يفرمل قبل الزبون الفهلوى.... الباقى انتوا عارفينة
يا ريت محدش يعمل فهلوى و يعدى وسط العربيات
MMamdouh
ماشاء الله موضوع جميل يا احمد باشا ... بس اوعى تقولى انك كنت عاوز توديه المحطه اللى فى طلخا :):)
سيدي الفاضل بالطبع هو تحميل على معدات الطاقة و ألات الجر و خلافه
ولكن مين قال ان سيارات الركوب (غير مجهزة) ؟؟؟؟؟
اي عربية فيها قاطرة بتركب من ورا أو من قدام للغرض ده (سواء علشان تشد أو تتشد)
و عموما اللي بنتكلم عنه ده ممكن يحصل مرة في السنة و للضرورة كاجراء طارئ فقط و لمسافات ليست بالطويلة طبعا
فلو تم هذا بدون أخطاء سيكون تأثيره على سلامة مكونات السيارة معدوم تقريبا
محدش يعرف الكرولا تتقطر منين من قدام غير قنطرة الموتور
لان الريو كان فيها مكان في وش الاكصدام يتفتح وتدخل شنكل فيه
والياريس كدة كمان
الكرولا لاء
لازم تتشد من القنطرة ؟؟؟!!!!
فكرتني بواقعة طريفة حصلت معايا في الانسر
كنت فكيت ال-ECU علشان أعدل فيه ولما ركبته تاني فصلت العربية ومرضيتش تنطق قلت أخدها على عادل وجدي نحاول نكتشف العيب فين وكان بليل ومفيش ولا عربية من إلي بتشيل دول قمت مكلم واحد صاحبي علشان يجرني
اشتريت الوصلة دي إلي بتتباع في إلبنزينة وياريتني استخدمت حبل أحسن
الوصلة وهوا شددني إتقطعت وطبعاً من قوه الشد ردت تاني في إكصدام عربيتي إلي هوا كلو شبك من قدام وتقريباً مفتوح ومافيهوش بلاستيك وراحت داخلة زي الطلقة مدمرة الشبك ومابعده وما ادراك ما بعده بدل مكنت رايح أظبط ال-ECU دخلت في قصص ومتاهات تانية وكلوا بحسابه يا معلم
Thanks
Eng.Sherif Shaker
شكرا ياباشا
موضوع مفيد بجد الف شكر
الف شكر يا باشا علي الموضوع المهم جدا
اما بالنسبة للأخ الفاضل فادي..
طبعا نقدر جدا اهتمامك و حرصك علينا و علي سسياراتنا..
يبقي ممكن الاخ الفاضل صاحب الموضوع ينوه علي النقطة دي..
و كمان يفضل بقي ان الواحد فينا لا قدر الله لو حصل كده يدور علي عربية نقل او 4*4
افضل من الملاكي.. لكن لو ملقاش.. ربنا يكون في عونه بقي و ما باليد حيلة..
ليس معنى وجود مكانا للجر أن سيارتك مجهزة لذلك, و عموما هذا المكان يستخدم فى جر المراكب الخاصة الصغيرة و العربات الخفيفة(و حتى هذا لا ينصح به), و ليس لجر سيارة وزنها 1000 كيلو, بس برضو خد بالك فى الجر احنا مش خايفين على المحرك, المحرك هيستحمل, احنا بنخاف أكتر على اسطوانة الدبرياج, لأنك بهذه الطريقة "بتعصرها" بين عزم المحرك و مقاومة المقطورة, و هى ليست مجهزة لذلك.