ألف سلامة يا كريم و قدر الله ما شاء فعل, أنا لسة شايف الموضوع حالا
بص, العربية بتاعتك إتضغطت فعلا و باين فى الصورة اللى رفعتها, و دى حلها سهل جدا حسب ما سمعت, فى واحد مشهور فى الحرفيين اسمه سمير على, واحد عرفه معاه سيات ليون راحله, رفع العربية على جهاز أو حاجة زى كدة و فيه ليزر, و الكمبيوتر عنده متسجل فيه أبعاد الشاسية بالمللى بتاعة العربيات الجديدة كلها, و العربية بتاعته إتشدت من قدام و ورا بسلاسل كدة لحد ما رجعت زى الأول
و قالى عنده عربيات جامدة زى bmw 525 جديدة و كدة, و دفعله 400 جنيه تقريبا
الحمد لله ان الإيرباج مافتحش عندك علشان تغيره حوار و مكلف جدا
و عربيتك مش توتال لوس ولا حاجة ان شاء الله و أهم حاجة انك مأمن, تقول اية بقى على عربيتى و أنا مش مأمن عليها!, دة أنا احتمال أصلحها و أرجعها زى الأول ان شاء الله بس بتأكد من التفاصيل كلها الأول
أنا عايز أبقى على إتصال معاك علشان عربياتنا زى بعض و ممكن نفيد بعض و كدة
المفضلات