هيونداى اكسنت 1300 سي سي فابريقه دواخل وخوارج بالكامل - ممتازة

الـمـــاركـــــــــــة :هيونداى
الـفـئـــــــــــــــــة : اكسنت
الـمــــوديـــــــــل : 1998
الـســــــعـــــــــر : 42000
سعــــة المحــرك :1300
الدهان الخارجى: فابريكة بمعنى الكلمة
الدهان الداخلى : فابريكة
الـعــــــــــــــــداد : 109500
الـغـيــــــــــــــــار : مانوال
الـتـكـــيـيـــــــف : تلاجة
بــــــــــــــــــــاور : لا
مرايات كهربائية :لا
زجاج كهربائــي : 4 ابواب
جنــــوط سبــور : لا
كــاســـــــيــــت : سي دي بايونير
جـهـــاز إنـــــذار : موجود
سـنـتــرلــــــوك : موجود مع 2 ريموت
فـتـحــة سقــف : لا
عـمــر البطاريه : شهرين جافة تركي بالضمان
عــمـر الكاوتش : جيد
انتهـاء الرخصـه : 17 / 10 / 2011
اســـم المــالك : احمد
رقــم التليفــون : 0141708021

ياريت صور ليها

بسم الله الرحمن الرحيم
السعر مش عالى شوية
و عموما بالتوفيق فى البيع

لو تمشي على 34 اخدها منك بعد المعاينه وشرط الحاله كما ذكرت

حضرتك كاتب فى العنوان طلب تسعير وحضرتك كاتب السعر
السعر عاالى

السعر عالى أوى
و والله مافيش حد بيبخسك حقك

متابع

انا على ما اعرف ان العربية دى مهما كانت حالتها مبتزيدش عن 38000 والا كان اللى يجيبها يجيب النترا 94-96
موفق فى البيع

انا هاقول اللي يرضي ربنا
العربية لو فابريقة كلها من برة ومش عايزة تترش
وصالونها حلوة والعربية 1300 كمان مش 1500
بما يرضي الله العربية تسوالها 39 40 ب41 لو العربية جدييييييدة قوي قوي

بالتوفيق في البيع .. العربيه حلوه من حيث إنها فابريكه و كيلومتر قليل

اللي انا قلتة دة عدلها لاني بايع اكسيل 1500 فابريقة بالكااااااااااااااامل
كانت عربية ماشاء الله عليها الناس في السوق كانوا مفكرين ان العربية دة كروسليييييييييية وبايعها ب36

اقتباس:

---

المشاركة الأصلية كتبت بواسطة drclick

لو تمشي على 34 اخدها منك بعد المعاينه وشرط الحاله كما ذكرت

---

عفوا
السعر اللى حضرتك بتتكلم عليه ده
لا ينطبق على حالة عربيتى
انا رحت السوق وعارف سعر الفابريكة كام
وسعر العربية اللى راشة بره كام
والعربية اللى راشة بره وجوه كام
والنصب اللى بيحصل من التجار اللى في السوق وعمايلهم على الناس
والـ 34 اللى حضرتك محددهم سعر لعربيتى
دول ما يجيبوش سعر اكسيل 96 فاضيه بدون كماليات
وده جوا السوق دا اذا كانت فابريكة دواخل وراشة بره
انا عربيتى استخدام بيتى
وعدادها 109500 كم
وان شاء الله سأصورها وارفع صورها

اقتباس:

---

المشاركة الأصلية كتبت بواسطة mr_sameh

ياريت صور ليها

---

قريبا
ان شاء الله

اقتباس:

---

المشاركة الأصلية كتبت بواسطة tarekmomo

حضرتك كاتب فى العنوان طلب تسعير وحضرتك كاتب السعر
السعر عاالى

---

انا مش كاتب طلب تسعير ولا حاجه
انا عارف سعر عربيتى
ومش محتاج اسعرها
ولو السعر عالى على حضرتك
دا اذا كنت بتشتري ومش داخل اعلانى بس
عشان هواية بعض الاعضاء انهم يفطسوا اسعار بيع العربيات
لمجرد التواجد في المنتدى
جرب تنزل السوق
واتفرج عالعربيات اللى مغيره نص
واللى مغيره ربع
واللي مغيره شنطه
وبرضه صحابها بيقولو انها فابريكة
ودول عشان على راسهم بطحة
بيطلبوا 35 او 34 وممكن كمان ينزلو معاك لحد 30
انما عربيتى الحمد لله
فابريكة زي مابيقول الكتاب
وكمالياتها كتيره واحسن مافيها انها كاربراتير
يعنى طول ماهي ماشيه
بتوفر لصاحبها فلوس في البنزين الـ 80 بدل من الـ 90
اللى بتستهلكه فئة الـ 1500 سي سي واللى سعرها برضه
اقل كتير من سعر عربيتى حتى لو كانت اعلى في الموديل
وفابريكة برضه زي مابيقول الكتاب

اقتباس:

---

المشاركة الأصلية كتبت بواسطة magyver

انا هاقول اللي يرضي ربنا
العربية لو فابريقة كلها من برة ومش عايزة تترش
وصالونها حلوة والعربية 1300 كمان مش 1500
بما يرضي الله العربية تسوالها 39 40 ب41 لو العربية جدييييييدة قوي قوي

---

العربية فعلا مش عاوزه تترش
بس دا مش معناه ان مافيهاش خرابيش من بره
وصالونها حالته جيده وطبعا دا صالون الفابريكة برضه
واكيد تعتبر جديده بالنسبة لموديل 98

اقتباس:

---

المشاركة الأصلية كتبت بواسطة ahmedfouad88

انا على ما اعرف ان العربية دى مهما كانت حالتها مبتزيدش عن 38000 والا كان اللى يجيبها يجيب النترا 94-96
موفق فى البيع

---

معرفة حضرتك
اكيد ممكن تختلف عن معرفة غيرك
والا مكانش في احد الاخوة الاعضاء
قال انها ممكن توصل 41 الف
العربية دي في الزقازيق - الشرقية
وبيحبوها الشرقاوية وبيطلبوها جدا
ولها اسعار خاصه في البيع والشراء
بزيادة عن السوق شويه بس بشرط الحالة
لأن 90% من العربيات اللى في السوق مكسر
وصحابهم بيغنوا على الزباين اللى بتشتري
وخصوصا التجار وعمايلهم

اقتباس:

---

المشاركة الأصلية كتبت بواسطة magyver

اللي انا قلتة دة عدلها لاني بايع اكسيل 1500 فابريقة بالكااااااااااااااامل
كانت عربية ماشاء الله عليها الناس في السوق كانوا مفكرين ان العربية دة كروسليييييييييية وبايعها ب36

---

جزاك الله خيرا
حضرتك مابعدتش عن سعري كتير
مع تأكيدى على صدق التفاصيل المكتوبه في الاعلان
الدور والباقي عاللى بيعرض 34 الف

اقتباس:

---

المشاركة الأصلية كتبت بواسطة lorans_el3rab

جزاك الله خيرا
حضرتك مابعدتش عن سعري كتير
مع تأكيدى على صدق التفاصيل المكتوبه في الاعلان
الدور والباقي عاللى بيعرض 34 الف

---

وهتزعل نفسك وتتعصب و ليه ...انا بكلمك من واقع اتعرضت عليا واحده نفس مواصفات عربيتك وزيد عليها انها 99 وكمان 1500 وحالتها حلوه وكانت ب 36 وبيتى كمان مش سوق والكلام ده من قبل رمضان بشهرين ومكنتش جاهز ساعتها عشان اخلص فيها .
عموما انا لما عرضت المبلغ عرضته وانا جاد جدا فى الشراء وكنت احب انك تاخد وتدى فى الكلام ولما اتصل بيك تقولى اخرها 41 الف !!!
وانصحك بلاش العصبيه مع الناس عشان اولا مش حلوه وثانيا عشان صحتك .
وياسيدى ربنا يبارك للى هياخدها منك بالسعر ده .
بالتوفيق
احمد حمدى
مهندس بترول

بحمد الله
تم تصوير السيارة اليوم السبت
الموافق 3 / 9 / 2011
يعنى كأنك بتشاهد السيارة على الطبيعة
http://u.damasgate.com/files/t0k5v1cjpk96ukjnb3il.jpg

http://u.damasgate.com/files/6ab9pvs3huxp7qabkf8k.jpg

http://u.damasgate.com/files/khhacc95bcati6dc2zud.jpg

http://u.damasgate.com/files/oj9wfzsejg7n99glbf8t.jpg

http://u.damasgate.com/files/j8igq3vmworobxx7bave.jpg

http://u.damasgate.com/files/7zra5eiljpr36ld6ej87.jpg

http://u.damasgate.com/files/e152l1498hb6wez4aewv.jpg

http://u.damasgate.com/files/w5h8ax2h6v8gwtm1fqav.jpg

http://u.damasgate.com/files/wybgq8rb5dwn55cidkom.jpg

http://u.damasgate.com/files/3v82s1hd3bvjd4dml4ue.jpg

http://u.damasgate.com/files/st9f4pa24g5qfdc7l7kz.jpg

http://u.damasgate.com/files/hvi0x5iloweyk8cvjutk.jpg

http://u.damasgate.com/files/dr55bvurqgmuyheds77z.jpg

http://u.damasgate.com/files/y3lgejli8nupecgzb8gr.jpg

http://u.damasgate.com/files/i4dix21he62dr5qo70zh.jpg

http://u.damasgate.com/files/gbdnwxxu3dcpe3nbqe6s.jpg

http://u.damasgate.com/files/j7bjj1s02gjuyliuwlfk.jpg

http://u.damasgate.com/files/0u9kiw8s0akfa8q766rp.jpg

http://u.damasgate.com/files/s9jax0qjqqyy8h5dis1y.jpg

http://u.damasgate.com/files/u0n2bdmxvd7y6zl2oj6s.jpg

http://u.damasgate.com/files/lz1014fr1bajxxjo3one.jpg

http://u.damasgate.com/files/y4yqfpvch3t67v5ubtab.jpg

http://u.damasgate.com/files/6arkrrx7atbaqza9z93f.jpg

http://u.damasgate.com/files/erc6c1apz2vmz3rvbeoe.jpg

http://u.damasgate.com/files/0m4aijcsl65rt5s5qlqo.jpg

http://u.damasgate.com/files/ozzgaa72e6l5rila452y.jpg

http://u.damasgate.com/files/mykfoj1hnnslsvojzq0r.jpg

النااس اللي بتقوول 34 دوول اكيد بيهزروواااا فعلالالا
ولاحظوا انا بقووول العربية تسااوي كدة ليية علشان لو العربية دوااااااااااخلها جديدة قوي يعني من الاخر عربية مافيهاااش غلطة
لان 99.9 من الاكسينت اللي في مصر الشنب بيكوون رااشش
ومحدش يسالني لييييييييييييية
والعربية فعلا زي ماصاحب العربية قاال ان مافيهاش قلم بوية ولا برة ولا جوة فعلا تستاهل التمن دة

اقتباس:

---

لان 99.9 من الاكسينت اللي في مصر الشنب بيكوون رااشش

---

عشان ضعيفه اقل خبطه بتسمع
بس العربيه حالتها كويسه ما شاء الله
ربنا يحسنلك بيعها
انا معايا اختها على فكره

اقتباس:

---

المشاركة الأصلية كتبت بواسطة magyver

النااس اللي بتقوول 34 دوول اكيد بيهزروواااا فعلالالا
ولاحظوا انا بقووول العربية تسااوي كدة ليية علشان لو العربية دوااااااااااخلها جديدة قوي يعني من الاخر عربية مافيهاااش غلطة
لان 99.9 من الاكسينت اللي في مصر الشنب بيكوون رااشش
ومحدش يسالني لييييييييييييية
والعربية فعلا زي ماصاحب العربية قاال ان مافيهاش قلم بوية ولا برة ولا جوة فعلا تستاهل التمن دة

---

تسلم ياغالى
اهو ده كلام الناس الفاهمة
كل سنة وانت طيب

up up up

العربية لو زيرو اخرها 35000 الف........دى موديل 98.....

34 ...بيهزر ...35 ده يبقي ايه ؟

اقتباس:

---

المشاركة الأصلية كتبت بواسطة DrClick

34 ...بيهزر ...35 ده يبقي ايه ؟

---

دا يبقى ايه

والله من كلامى مع ناس معاها اكسنت قالوا السعر ممتاز
و شهادة حق

اقتباس:

---

المشاركة الأصلية كتبت بواسطة tananybasha

والله من كلامى مع ناس معاها اكسنت قالوا السعر ممتاز
و شهادة حق

---

[overline]
كتر الف خيرك ياباشا
على شهادة الحق اللى بتقولها
هو المفروض اننا نتبع سنة رسولنا الكريم لما قال
رحم الله رجلا سمحا اذا باع سمحا اذا اشترى
مع اعتذارى اذا كان هناك خطأ بالحديث

ولكن النهارده كله بيقطع في كله
والناس بتشتري من البائع
على اساس انه مزنوق
او عنده ظروف منيله
وهي اللى بتجبره عالبيع
وهنا يبدأو يقطعوا في سعر الحاجه اللي بيبيعها
نقول ايه بقه
الامر لله من قبل ومن بعد
[/overline]

اقتباس:

---

المشاركة الأصلية كتبت بواسطة fadymedhat

العربية لو زيرو اخرها 35000 الف........دى موديل 98.....

---

وانا في السوق لقيت اسعار تانيه
وشكل تانى من العربيات
وناس ادارجيه بتبيع الزبون
قبل ماتبيع له عربيه
العربية مغيره الابواب
ويقولك رشه جنب
بس ببان الفابريكة
وتبقى راشه حوض
وعاملهاله سمكري وبوهيجي
محترفين
ويقولك حوض فابريكة
نعمل ايه
الامر لله من قبل ومن بعد

لله الأمر من قبل و من بعد

اقتباس:

---

المشاركة الأصلية كتبت بواسطة tananybasha

لله الأمر من قبل و من بعد

---

جزاكم الله خيرا

السيارة مازالت معروضة

السيارة للبيع

حضرت مغالى فى السعر اوى متنساش انها موديل 98 مش الفينات

[QUOTE=justdr;3873788964]حضرت مغالى فى السعر اوى متنساش انها موديل 98 مش الفينات[/QUO

الغالى تمنه فيه
والالف اللى هاتدفعه زياده النهارده
هايرجعلك الوفات توفير في سعر البنزين
العربية دي بتمشي ببنزين 80 يعنى ارخص من السولار
انما الموديلات الاعلى والـ 1500 سي سي كلها انجيكشن
يعنى بنزين 92 و بنزين 95
وانا وانت عارفين سعرهم ايه
وبيكلفوا الناس كام فلوس كل يوم
عشان كده هي مرغوبه
وبتمسك سعر عالى في البيع والشراء
ولو مش مصدق ادخل على اعلانها اللى انا عامله على مصراوى
وشوف العربية اتعرض فيها كام لحد النهاردة
ط§ط¹ظ„ط§ظ†ط§طھ ظ…طµط±ط§ظˆظ‰ ط§ظ„ظ…ط¨ظˆط¨ط© ط§ظ„ظ…ط¬ط§ظ†ظٹط© - ظ‡ظٹظˆظ†ط¯ط§ظ‰ ط§ظƒط³ظ†طھ 1300 ط³ظٹ ط³ظٹ ظپط§ط¨ط±ظٹظ‚ظ‡ ط¯ظˆط§ط®ظ„ ظˆط®ظˆط§ط±ط¬ ط¨ط§ظ„ظƒط§ظ…ظ„ ط¹ط±ط¨ظٹط© ظ„ظ‚ط·ط©
وابقى ارجع رد على

اقتباس:

---

العربية دي بتمشي ببنزين 80 يعنى ارخص من السولار
انما الموديلات الاعلى والـ 1500 سي سي كلها انجيكشن
يعنى بنزين 92 و بنزين 95
وانا وانت عارفين سعرهم ايه
وبيكلفوا الناس كام فلوس كل يوم
عشان كده هي مرغوبه
وبتمسك سعر عالى في البيع والشراء

---

بصراحه السعر عالى جدا جدا يعنى فارق عن الاسعار العاديه بحوالى 4 الاف
ومش معنى انها بتاخد بنزين 80 يبقى خلاص دى حلوه واللى بتاخد بنزين 90 او 92 تبقى كخه .. يعنى بنزين 80 بيديك على قد تمنه برضه و اداءه ف العربيه مش زى ال 90 او 92 .. وجودته مش هتحافظ على الموتور زى ال 90 او ال 92 .
وبعدين اصلا بنزين 80 ده مش موجود ف كل حته ولو لقيته هتقف عليه بالطابور ده العادى بتاعه ... ده والله العظيم الطوابير بتاعت بنزين 80 بتسد شوارع ف بعض المناطق او على الاقل بتعيق حركه السيارات ف الشارع زى مثلا البنزينه اللى ف كوبرى القبه .. او اللى فى مصر والسودان
حبيت بس اقولك عشان احنا كان معانا عربيه تانيه وكنت بروح احطلها 80 وعشان تروح بنزينه فاضيه ممكن تروح الساعه 5 الصبح مثلا وتستنى فرج الله

هى العربية باين انها ما شاء الله جميلة ربنا يبارك للى هياخدها ,,,, بس انا نفسى اسال سؤال لما موديل 98 ب 42 الف امال لو 2006 بنفس الحالة تبقى على كام 70 الف ,,, التسعير فى السوق المصرى مبالغ فيه جدا ,,, ومعلش ماحدش يزعل منى كل واحد عايز يبيع ام 10 ب 20 ,,,, وربنا يبارك و يحسنلك بيعها ان شاء الله

اقتباس:

---

المشاركة الأصلية كتبت بواسطة mohammedaly

هى العربية باين انها ما شاء الله جميلة ربنا يبارك للى هياخدها ,,,, بس انا نفسى اسال سؤال لما موديل 98 ب 42 الف امال لو 2006 بنفس الحالة تبقى على كام 70 الف ,,, التسعير فى السوق المصرى مبالغ فيه جدا ,,, ومعلش ماحدش يزعل منى كل واحد عايز يبيع ام 10 ب 20 ,,,, وربنا يبارك و يحسنلك بيعها ان شاء الله

---

بارك الله فيك
بس كل واحد عارف عربيته
اشتراها بكام
وصرف عليها كام
وتسوى في النهاية كام
ودايما لازم تلاقي عربيات معينة
بتشذ عن سعر السوق
لانه ممكن تفضل شهر وشهرين وتلاتة شهور
تنزل السوق
وماتلاقيش عربية تملا عينك
ولا تطمنك ليها من اول ماتبص عليها من بره
وتشتريها من غير سمكري او بوهيجي او حتى ميكانيكى
زي ما انا اشتريتها في 10 دقايق
اتفرجت واتفقت عالسعر والصبح دفعت واستلمت
وياسلام بقه لو انت من خارج القاهره
يبقى المشوار الواحد يسوى عندك احسن من 500 جنيه
انما تشتريها راشه من بره
ممكن تفضل دايما حاسس بالشك في العربية
اللى هاتحط فيها كل فلوسك
واللى بتعتبر استثمارك ورأسمالك
على فكرة انا النهارده كنت في القاهرة بالعربيه في المعادى
ومشيت بيها اكتر من 300 كيلو
حوالى 314 كم بالتحديد
ومليت تانك العربية بنزين قبل ما اتحرك
وبعد مارجعت وكان معايا صديق في المشوار ده
وماكانش مصدق عنيه في محطة البنزين
انه بعد المشوار الطويل ده
وزحمة القاهرة وتشغيل التكييف
ان العربية تاخد 18.5 لتر بنزين بس
والله العظيم 18.5 لتر في 314 كم جري
على فكره انا مش بقولك كده عشان اقنعك بالعربية
بس صديقى اللى معايا نصحنى وبشده انى ما ابيعهاش
لان حتى العربيات الزيرو استهلاكها مش اقتصادى للدرجة
واتمنى انه اى حد من اللى كان بيشاركنا في الموضوع انه يلاقي عربية
في السوق بنفس المواصفات والمميزات
وساعتها ياريت يوريهالنا هنا ونعرف اشترى بكام

اقتباس:

---

المشاركة الأصلية كتبت بواسطة mxz911

بصراحه السعر عالى جدا جدا يعنى فارق عن الاسعار العاديه بحوالى 4 الاف
ومش معنى انها بتاخد بنزين 80 يبقى خلاص دى حلوه واللى بتاخد بنزين 90 او 92 تبقى كخه .. يعنى بنزين 80 بيديك على قد تمنه برضه و اداءه ف العربيه مش زى ال 90 او 92 .. وجودته مش هتحافظ على الموتور زى ال 90 او ال 92 .
وبعدين اصلا بنزين 80 ده مش موجود ف كل حته ولو لقيته هتقف عليه بالطابور ده العادى بتاعه ... ده والله العظيم الطوابير بتاعت بنزين 80 بتسد شوارع ف بعض المناطق او على الاقل بتعيق حركه السيارات ف الشارع زى مثلا البنزينه اللى ف كوبرى القبه .. او اللى فى مصر والسودان
حبيت بس اقولك عشان احنا كان معانا عربيه تانيه وكنت بروح احطلها 80 وعشان تروح بنزينه فاضيه ممكن تروح الساعه 5 الصبح مثلا وتستنى فرج الله

---

موضوع الزحمة ده موضوع مؤقت
وفى مناطق مناطق
ومحافظات محافظات
عندنا في الشرقية موجود عادي
وساعات عدم وجوده بيبقى فرصه عشان احط بنزين 90 او 92
عشان انضف الموتور من جوه
وأداء الـ 80 كويس مفيهوش فرق ملحوظ عن الـ 90
وبعدين انت ممكن تلاقي فابريكة في السوق اقل من العربية بتاعتى
بـ 4 الف انا معاك
بس عشان تركبها عاوز ترشها لأن الدهان بتاعها من بره سئ جدا
وكمان تلاقي عداد الكيلومتر عالى جدا
يعنى المكنه متبهدله ويمكن تحتاج عمره بعد ماتشتريها باسبوع ولا شهر
واكيد هاتلاقي العفشة متبهدلة
يعنى هاتلاقي نفسك محتاج تصرف اكتر من 5000 جنيه اللى عاوز توفرهم
بس هاتدفعهم هاتدفعهم بس بالتقسيط في الورش ومراكز الصيانة
يعنى بهدلة بالكوم
وفى الاخر هاتلاقي عربيتك خسرت كمان 5000 جنيه لانك رشيت العربية
ومابقتش فابريكة زي الاول
انما كما هو واضح من صور عربيتى والحمد لله
انها مش محتاجة رش خارجي وحالة الدهان جيدة
والعداد عامل 110 الف كيلو يعنى ممكن تلاقي 2007 او 2008 بنفس قراءة العداد دي
والعفشة تمام تمام والعربية اصلا مش محتاجة اى حاجه
والله الموفق والمستعان

على كل حال يا جماعة اللى بيعرض حاجة بيكون عاوز فيها اعلى سعر لاكن ربنا يوفقة فى بيعها على كل حال