تجربتي مع التحويل الي اوكتان 80

**mohamed_rhem** · 12-05-2008 10:49 AM

اولا انا عربيتي قديمه شويه موديل 90 شاريد ديهاتسوا 1000 سي سي
بصراحه مكنتش افتكر يوم اني احط بنزين 80 لكن للضروره احكام
كنت رايح اسكندريه وفولت التانك طبعا كان علي وشك الانتهاء من ال 90
روحت وجيت من اسكندريه بالبنزين ال 80
ملاحظاتي
سحب العربيه مقلش الا في الطلعه الاولي بتحس بصفع (تسقيف) او صوت زي ما يكون كهرباء زياده لكن لو محرقتش علي الاول عادي
صوت العربيه بقي عالي شويه وبقت اخشن
بس استهلاك البنزين زي العادي
يعني بالتقريب 14 لتر في ال 230 كيلو
انا بس عايز اجيب فلتر كويس علشان ال 80 غير الفلتر الروسي التعبان
حد يقولي اجيبه من فين وبكام

**Dr_Smart** · 12-05-2008 12:57 PM

ايه علاقة ان البنزين 80 بأن الكربراتير هيحتاج تنظيف اكتر ؟

على اعتبار ان فيه اهمال في تصنيعه وتخزينه يعني ؟ ولا المشكلة في كونه اوكتان 80 ؟

**أبو عبدالله** · 12-05-2008 01:44 PM

في كونه 80 لأ، تقريبا نسبة الزيوت فيه اكتر
يعني ليس صافي
وتقريبا لازم يتعمل تعديل للعربية علشان تققدر تتماشى معاه
ولكن تفصيلا لا اعرف بالظبط ايه اللي بيحصل بالظبط
بس انا اعرف كده

**hero** · 12-05-2008 02:29 PM

كل ايلي بيتعدل هو تظبيط الكهرباء بتاعة الموتور...مش فاكر بيقدمها ولا بيأخرها ..المهم الميكانيكة الكويسين عارفين الحكاية دي...وبيعملوها وغير كدة كمان بيظبطوا الخلوص ايلي في البوجية نفسة (خلوص شمعه البوجية بالمليمتر)...

**mohamed_rhem** · 13-05-2008 02:50 PM

والله يا ابو عبدالله حملت العربيه وقرصت عليها
بس مفيش مشكله الا لو بحرق علي الاول
بس بشم رائحه حريق عادم
معرفش ده مشكله مستقله ولا لها علاقه
بس انا كده مرتاح بغض النظر عن اي تكلفه
مش ده دعم وحاطينه انا عمري ما كنت اتصور اني احط لتر 80
بس بصراحه الاستهبال اللي حاصل يخليك تبقي عايز تاخد اي حاجه من وشهم
المهم متعرفش اجيب منين فلتر بنزين كويس؟

**boty50** · 18-05-2008 01:13 PM

عزيزي

انت محتاج زيارة سريعة للميكانيكي علشان يأخر
الكهرباء شوية ودة بيكون بلف البوبينة سنه صغيرة
بعدها بتروح التسقيفة من الموتور

والتسقيف عادة بيظهر ليس بالحرق علي النمرة
وانما لو حطيت نمرة قبل ميعادها ، يعني من التاني
للثالث مثلا علي سرعة 25 وتدوس حاتلاقيها سقفت
وطبعا لو فية تكييف مع بدأ السحب تسقف

بالنسبة للفلتر فهة مش بيفرق مع رقم الأوكتين
ولكن بيرجع للمحطة اللي بتمون منها خزان ال 80
فيها متنظف ولا فيه شوائب ، وده اللي الفلتر بيشيلة

بس انت عادة خلي علامة ربع التانك عندك هي علامة
الصفر للبنزين ، وحاتحس بعد فترة انها هي هي
لما تحط 20 لتر مثلا هم نفس المدة اللي لو كان التانك
علي الربع ونفس المدة لو كان علي الصفر

ولكن الفرق الجوهري هو ان المضخة والفلتر مش
حايسحبوا اي رواسب في التانك بالطريقة دي