قطه بتدمع

**madaxman** · 03-09-2011 05:22 AM

السلام عليكم
انا معرفش هل في حد موجود هنا دكتور بيطري ولا لا بس انا لسه جايب قط شيرازي عمره حوالي شهر بيدمع ع طول وتحت عينيه في لون اصفر كدا يا تري دا ايه ؟؟؟؟

**Dr.M.Mowafy** · 03-09-2011 01:23 PM

اهلا بحضرتك ومنورنا
بالنسبه للون الاصفر الي تحت عنيه ده ده عادي لان مكنشي بيتنضف وكده
فالشعر بتاعو اتصبغ وبمرور الوقت هتلاقي اللون الاصفر راح ورجع اللون الاصلي بتاعه فمفيش اي قلق
بس انت اهتم بنظافته يعني مثلا تجيب مناديل معطره او مناديل ازاله الميك اب وتمسح جسمها كلوا وتنضف عنيها وكده وكمان منطقه الشرج لان القطط وهي صغيره مبتعرفشي تنضف المكان ده قوي فانت نضفهولها بالمنديل وكده
بالنسبه بقي للدموع هل القطه بتعطس ولا لأ
العموم ممكن تحطلها قطره كلورامفينيكول او اي حاجه مطهره للعيون ولو هي عندها برد جيب كوونجيستال شراب وفي سرنجه خد سنتي او اتنين سم وادهولها في بوقها وهاتلاقي الدموع راحت ان شاء الله في خلال ايام قليله بامر الله
ومبروك عليك القطه وربنا يحفظهالك يااارب

محمد : طالب بكليه الطب البشري الفرقه السادسه

**madaxman** · 03-09-2011 02:20 PM

المشاركة الأصلية كتبت بواسطة dr.m.mowafy

اهلا بحضرتك ومنورنا
بالنسبه للون الاصفر الي تحت عنيه ده ده عادي لان مكنشي بيتنضف وكده
فالشعر بتاعو اتصبغ وبمرور الوقت هتلاقي اللون الاصفر راح ورجع اللون الاصلي بتاعه فمفيش اي قلق
بس انت اهتم بنظافته يعني مثلا تجيب مناديل معطره او مناديل ازاله الميك اب وتمسح جسمها كلوا وتنضف عنيها وكده وكمان منطقه الشرج لان القطط وهي صغيره مبتعرفشي تنضف المكان ده قوي فانت نضفهولها بالمنديل وكده
بالنسبه بقي للدموع هل القطه بتعطس ولا لأ
العموم ممكن تحطلها قطره كلورامفينيكول او اي حاجه مطهره للعيون ولو هي عندها برد جيب كوونجيستال شراب وفي سرنجه خد سنتي او اتنين سم وادهولها في بوقها وهاتلاقي الدموع راحت ان شاء الله في خلال ايام قليله بامر الله
ومبروك عليك القطه وربنا يحفظهالك يااارب

محمد : طالب بكليه الطب البشري الفرقه السادسه

الف شكر علي ردك والمعلومات دي بس هيا بتعطس كتير فعلا مره واحده الاقيها قعد تعطس كذا مرا ورا بعض

**Dr.M.Mowafy** · 05-09-2011 06:05 PM

لا يا حبيب يولا يهمك ده كده عندها برد والقطط لما بيبقي عندها برد
بتلاقي عنيها بتدمع شويه وكمان في افرازات من عنيها
فانت اعمل زي ما قولتلك ونضف عنيها كويس ومنخيرها
واديها كونجيستال لمده 3 ايام
وان شاء الله قطتك ترجع تبقي زي الفل واحسن كمان
ربنا يباركلك فيها ياااارب

**Vet.Mera** · 06-09-2011 02:11 PM

المشاركة الأصلية كتبت بواسطة madaxman

السلام عليكم
انا معرفش هل في حد موجود هنا دكتور بيطري ولا لا بس انا لسه جايب قط شيرازي عمره حوالي شهر بيدمع ع طول وتحت عينيه في لون اصفر كدا يا تري دا ايه ؟؟؟؟

السلام عليكم انا دكتورة بيطرية و احب اقولك ان في قطط شيرازي بتدمع دموع غزيرة و ده بسبب الحساسية مش البرد و لا حاجة و خصوصا القطط البيكي فيس و انت بمنتهى البساطة ممكن تنضف بس عينيها كويس بمناديل مبللة و اتاكد ان مفيهاش براغيث عشان اللون الأصفر ده غالبا بيكون بسبب افرازات البراغيث و لو هي نظيفة و مفيهاش يبقى بس بمجرد ما تديها قطرة مضادة للحساسية الموضوع هيقل لكن ما اوعدكش ان الموضوع هيختفي لان دي حساسية و في الغالب مزمنة و بالنسبة لأدوية البرد انا افضل انك ماتديش القطة ابدا ادوية برد ممكن بس تديها حاجة ترفع مناعتها زي Decal B12 ده دواء شراب للأطفال و بما ان القط عمره شهر اديله 1 سم بسرنجة (من غير السن طبعا) يوم بعد يوم و ان شاء الله تبقى زي الفل و لو في اي حاجة انا تحت امرك في اي وقت

**madaxman** · 07-09-2011 12:39 PM

المشاركة الأصلية كتبت بواسطة Vet.Mera

السلام عليكم انا دكتورة بيطرية و احب اقولك ان في قطط شيرازي بتدمع دموع غزيرة و ده بسبب الحساسية مش البرد و لا حاجة و خصوصا القطط البيكي فيس و انت بمنتهى البساطة ممكن تنضف بس عينيها كويس بمناديل مبللة و اتاكد ان مفيهاش براغيث عشان اللون الأصفر ده غالبا بيكون بسبب افرازات البراغيث و لو هي نظيفة و مفيهاش يبقى بس بمجرد ما تديها قطرة مضادة للحساسية الموضوع هيقل لكن ما اوعدكش ان الموضوع هيختفي لان دي حساسية و في الغالب مزمنة و بالنسبة لأدوية البرد انا افضل انك ماتديش القطة ابدا ادوية برد ممكن بس تديها حاجة ترفع مناعتها زي Decal B12 ده دواء شراب للأطفال و بما ان القط عمره شهر اديله 1 سم بسرنجة (من غير السن طبعا) يوم بعد يوم و ان شاء الله تبقى زي الفل و لو في اي حاجة انا تحت امرك في اي وقت

متشكر جدا
هيا دلوقتي الدموع قلت شويه بس اللي تحت عينيها دا خف شويه يعني لمده يومين ورجع تاني وهيا بطلت عطس خلاص الحمدلله بس باقي اللي تحت عينيها دا انا بس خايف اروح بيها لحد يديني حاجه غلط تضر بيها

**htkamal** · 07-09-2011 02:52 PM

باشامهندس الموقع دة مختص بعلاج القطط وحتلاقى معلومات طتيرة تخص رعايه القطط الشيرازى
ArabVet

**Vet.Mera** · 07-09-2011 05:13 PM

المشاركة الأصلية كتبت بواسطة madaxman

متشكر جدا
هيا دلوقتي الدموع قلت شويه بس اللي تحت عينيها دا خف شويه يعني لمده يومين ورجع تاني وهيا بطلت عطس خلاص الحمدلله بس باقي اللي تحت عينيها دا انا بس خايف اروح بيها لحد يديني حاجه غلط تضر بيها :n_no[1]:

الموضوع بسيط جدا مش صعب ابدا المهم بس انك تهتم بنضافة عينيها و صدقني الموضوع ده حساسية مزمنة و دي شفتها في حالات كتير و بستجيب للقطرات المضادة للحساسية بس عيبها انها غالبا مش بتروح خالص هي بتروح فترة و بترجع تاني خصوصا في فترات تغيير الفصول و ان شاء الله هتبقى كويسة و الف سلامة على القطة