سحب العربية بقى سيء بعد صيانة ال80

**Eng.Osama.Afifi** · 03-09-2011 08:34 AM

أنا عندي إحساس إن سحب العربية سيئ جدا

والمصيبة إن السحب بقى سيئ من ساعة ما عملت صيانة ال80000 في التوكيل ( غيرت طقم سيور وكاتينة وبوجيهات وفلتر هوا وفلتر بنزين وزيت فيتيس وزيت ماتور وفلتر زيت ..... وكمان غيرت ماية الراديتير )

المفروض إن العربية تبقى تمام وأحسن من الأول ... يعني أنا مكنتش بعاني من أي مشكلة تلحظ قبل الصيانة ... المشكلة إني حاسس بفرق ملحوظ جدا في السحب وصوت الماتور بيعلى

مع العلم إن العربية أوتوماتيك وكانت بتجيب على الصحراوي 195 ( أيام مكانت جديدة )

وأنا عملت الصيانة في التوكيل ... الرواس ... والكلام ده كان قبل رمضان

إيه إللي ممكن يكون مشكلة ؟

أفيدوني أفادكم الله

سؤال تاني معلش : هوا فلتر البنزين بتاع ميتسوبيشي الأصلي ( أبو 650 جنيه ده ) ... بيجي في كرتونة كدة مش مكتوب عليها حاجة ؟ لأني شوفت الراجل بيركبوه فقلتله هوا مش مكتوب عليه ميتسوبيشي ( قطع غيار أصلية ) زي الباقي ليه .... قالي هوا بيجي كدة ... لو حد كان غيره يطمني على شان شاكك فيه

**Eng.Osama.Afifi** · 03-09-2011 08:38 AM

نسيت أقول حاجة
إن بعض الأحيان وأنا مشغل التكييف والعربية تكون واقفة ... وأجي أطلع بالعربية بسمع صوت زي تكتكة كدة في الماتور ( زي الإسبليتير ) وبتروح على طول بعد لما العربية تتحرك والآر بي إم يعلى

**prisoner** · 03-09-2011 12:50 PM

هو فى احتمالين وحل الاحتمال الاول ان علشان السيور جديدة فالعربية محكمة ولسة على ما تطبع ترجع احسن من الاول والاحتمال الثانى ان فيه حاجة غلط فى ظبطة الموتور والحل انك تشوف مكان موثوق فيه غير التوكيل تكشف بيه وتراجع على الشغل اللى اتعمل وده جائز جدا لان الناس فى التوكيل فنيين عاديين مش جايين من اليابان فاحتمال للغلط وارد وبالاخص ان احنا مصريين

**Ramytoyota** · 03-09-2011 12:56 PM

سؤال تاني معلش : هوا فلتر البنزين بتاع ميتسوبيشي الأصلي ( أبو 650 جنيه ده ) ... بيجي في كرتونة كدة مش مكتوب عليها حاجة ؟ لأني شوفت الراجل بيركبوه فقلتله هوا مش مكتوب عليه ميتسوبيشي ( قطع غيار أصلية ) زي الباقي ليه .... قالي هوا بيجي كدة ... لو حد كان غيره يطمني على شان شاكك فيه[/quote]

انا جبت الفلتر من التوكيل و كان نفس القصة برضو (اطمئن)

**Ramytoyota** · 03-09-2011 01:00 PM

المشاركة الأصلية كتبت بواسطة prisoner

الاحتمال الاول ان علشان السيور جديدة فالعربية محكمة ولسة على ما تطبع ترجع احسن من الاول

مع كامل احترامى لراى حضرتك السيور ملهاش علاقة بسحب العربية سواء كانت جديدة او قديمة او محكمة او غير محكمة

شكرا لسعة صدرك

**prisoner** · 03-09-2011 04:08 PM

المشاركة الأصلية كتبت بواسطة ramytoyota

مع كامل احترامى لراى حضرتك السيور ملهاش علاقة بسحب العربية سواء كانت جديدة او قديمة او محكمة او غير محكمة

شكرا لسعة صدرك

تمام الله ينور عليك اكيد اللى انا كاتبه مش شرط يكون الصح بس اعتقاد مش اكتر ان السيور وهية جديدة بتكون ناشفة شوية ده قصدى تقبلوا مرورى

**wesam_salom** · 04-09-2011 02:12 PM

راجع على سير الكاتينه
غاليا التقسيمه مش مظبوطه

**HeMa_LanCeR** · 05-09-2011 12:14 PM

المشاركة الأصلية كتبت بواسطة ramytoyota

مع كامل احترامى لراى حضرتك السيور ملهاش علاقة بسحب العربية سواء كانت جديدة او قديمة او محكمة او غير محكمة

شكرا لسعة صدرك

سير الكاتينه لو مش محكم هيغير سحب العربيه طبعا

وكده اكيد السير مش مظبوط (الكاتينه مش علي الزنبه صح)
روح لأي ميكانيكي يبصلك عليها بس من غير ما يعمل حاجه علشان لو مش مظبوطه ترجع التوكيل تبهدلهم

**amsokar** · 08-09-2011 02:55 AM

تحياتى لسيادتك - نفس الموضوع حصل معايا ان سحب العربية قل بعد صيانه 80 الف وصوت العربية كان عالى جدا والسبب ان فلتر الهواء مكنش اصلى اشتريت فلتر اصلى ( هتلاحظ ان لون ورق الفلتر يميل الى اللون الاصفر ) وموضوع التكتكه بسبب التكييف اما ان الفريون زايد فى العربية او ناقص او نوع الفريون سىء - فى ناس بتشحن فريون وتغسل الدورة وتغير الزيت بالكمبيوتر - وانت اكيد هتلاحظ ان صوت التكتكه بيحصل معاك لو التكييف شغال اما لو فصلت التكييف مش هتسمع الصوت وده معناه انا الموتور ملوش علاقة اللى بيعمل الصوت ده هو الكباس بتاع التكييف - وحاول تقولى ايه اللى حصل معاك وشكرا

**Eng.Osama.Afifi** · 09-09-2011 01:16 AM

المشاركة الأصلية كتبت بواسطة hema_lancer

سير الكاتينه لو مش محكم هيغير سحب العربيه طبعا

وكده اكيد السير مش مظبوط (الكاتينه مش علي الزنبه صح)
روح لأي ميكانيكي يبصلك عليها بس من غير ما يعمل حاجه علشان لو مش مظبوطه ترجع التوكيل تبهدلهم

فكرة فعلا ... لازم أبص عليها عند ميكانيكي تاني :)

جزاك الله خيرا

بس هوا لا قدر الله لو كان فيه المشكلة ديه ... هل ده بيأثر على الماتور فيما بعد ؟

المشاركة الأصلية كتبت بواسطة amsokar

تحياتى لسيادتك - نفس الموضوع حصل معايا ان سحب العربية قل بعد صيانه 80 الف وصوت العربية كان عالى جدا والسبب ان فلتر الهواء مكنش اصلى اشتريت فلتر اصلى ( هتلاحظ ان لون ورق الفلتر يميل الى اللون الاصفر ) وموضوع التكتكه بسبب التكييف اما ان الفريون زايد فى العربية او ناقص او نوع الفريون سىء - فى ناس بتشحن فريون وتغسل الدورة وتغير الزيت بالكمبيوتر - وانت اكيد هتلاحظ ان صوت التكتكه بيحصل معاك لو التكييف شغال اما لو فصلت التكييف مش هتسمع الصوت وده معناه انا الموتور ملوش علاقة اللى بيعمل الصوت ده هو الكباس بتاع التكييف - وحاول تقولى ايه اللى حصل معاك وشكرا

أنا التكييف بتاعي فابريقة ... لم يمسسه إنس ولا جان ههههههه ... بتاع العربية يعني ملعبتش فيه من ساعة ما جيبتها

ربنا يكرمك ... شكرا على ردك ... أنا برضه حبقى أخلي التوكيل ( إللي أنا مش عارف هوا بيعمل شيك على إيه في الصيانة لحد دلوقتي ) يبص عليها في الصيانة إللي جاية

الموضوع: سحب العربية بقى سيء بعد صيانة ال80

LinkBack

أدوات الموضوع

عرض

سحب العربية بقى سيء بعد صيانة ال80 - انشر الموضوع فى :

-

-

-

-

-

-

-

-

المواضيع المتشابهه

العربية بعد ال80 صوتها بيعلى

صيانه ال80 الف

شراء a620 مستعملة و تقييم السيارة و تجربتي مع مركز المتحدة و صيانة ال80,000

صيانة ال80 الف

صيانة ال80 الف فى مركز السبع

الكلمات الدلالية لهذا الموضوع

المفضلات

المفضلات

ضوابط المشاركة