لسه فاكر البدايـــــــــــــــة ؟؟

**Yones** · 05-09-2011 01:01 AM

المشاركة الأصلية كتبت بواسطة omar_fekry

ياااه فكرتنى بايام

انا ابتديت اتعلم السواقه من و انا فى اولى اعدادى ... و كنت اول حاجه احط رجلى عليها عربيه 128 .. العربيه كانت تحفه فابريكه بره و جوه و اكصدامتها و حاجتها كلها اللى نازله معاها من المصنع من سنه 74 ووالدى كان بيحبها اوى لانها كانت بتاعه جدى و كانت اول يد و محافظ عليها اوى لدرجه انه كان مأجرلها مخصوص جراج راكنها فيه و بيركن عربيته هو بره ... و فى من الاياام ايام م كانت حدايق الاهرام مفيش فيها غير عمارتين ولا تلانه بس و انا كنت فى الفتره دى عمال بزن انى عايز اتعلم السواقه ... فقالى تعالى جرب و بما انى كنت و مازلت دماغى فى العربيات من و انا صغير فكنت شبه متعلم السواقه من لعب العربيات بس كنت عمرى م جربت .. ... طيب اعمل ايه يا حاج قالى دوس دبريااش للاخر و انا هنقلك الاول و بعدين سنه سنه و الكلام اللى كلنا عارفينه .... بعد ربع ساعه العربيه اتحركت و بدات افرح و اعمل الدريكسيون زى الافلام القديمه يمين و شمال و بعدين قولت انقل للتانى بقى .. بس للاسف العربيه دى و معرفش الباقى كمان ولا لا .. دواساتها مش كلها زى بعضها يعنى البنزين خفيييييييف و الدبرياش تقيييييييل ف يا دوب نقلت على التانى و انا طبعا بتخانق مع الدبرياش علشان ادوس عليه ورجلى ريحت على البنزين و بقت العربيه بتجرى فى وسط الشارع و محدش عارف يوقفها :) ... و بابا موور العربيه و طفاها و هى بتجرى بس حصلت حاجه غريبه لمست بنزين تانى راحت العربيه دايره تانى :)) فيييييين بقى لما وقفت :)

هههههههههه كل العربيات عائلة الفيات فيها نفس المشكلة دى مش عارف ليه بس الحمد لله ان الشارع كان فاضى بس والله بتفكرنى ياعمر برضه ببابا وحبه لل 127 اللى لسه محتفظ بيها لغايت دلوقتى بس ياجماعة مكانش ليكم محطات تانية مابين اول عربية والعربية الحالية؟

**Yones** · 05-09-2011 01:13 AM

المشاركة الأصلية كتبت بواسطة tarekzein

هههههه

لأ طبعا كنت عاملها لهم مفاجأه

بس بجد كانت متعه مابعدها متعه

بس مفاجأة لذيذة بجد طيب انت كانت حاسس بايه انك اول مرة تسوق العربية كده وكمان تسافر بيها مكنتش قلقان مثلا ولا ايه لانظام؟

**OmaR_FekrY** · 05-09-2011 04:46 AM

المشاركة الأصلية كتبت بواسطة yones

هههههههههه كل العربيات عائلة الفيات فيها نفس المشكلة دى مش عارف ليه بس الحمد لله ان الشارع كان فاضى بس والله بتفكرنى ياعمر برضه ببابا وحبه لل 127 اللى لسه محتفظ بيها لغايت دلوقتى بس ياجماعة مكانش ليكم محطات تانية مابين اول عربية والعربية الحالية؟

المحطات كتييييييييييير :) هونداااات كتييييييييير و شيروكى 94 و صنى و مرسيدس و اوكتافيا و لحد م ربنا بعتلى اكوردتى حبيبه قلبى :) تعتبر اول عربيه ليه بجد بعد المرسيدس

**Ahmod** · 05-09-2011 07:34 AM

والله الواحد بيشوف مواضيع جميلة اوي في قسم الهوندا مش بيلاقيها في اي قسم تاني

اكن قسم الهوندا ده منتدى تاني لوحده ! ربنا يباركلكو فيه

انا اول عربية اتعلمت عليها السواقة كانت عربية واحد زميلي مازدا قديمة طبعا الدركسيون كان تقيل جدا والدبرياش اتقل

سوقتها مرة واحدة بس وبعد كدة كرهتها وكرهت السواقة لاني فعلا كنت بلف الدركسيون بالعافية اكني بحارب مع الدركسيون

بعد كدة بدأت اتعلم على الياريس اللى معايا حاليا الكلام ده من حوالي خمس سنين كنت في اولى كلية تقريبا اول ماجبنا العربية

اكتر موقف كل مافتكره بقعد اضحك على نفسي كنت مع والدي بيعملني السواقة وبعدين رحنا مكان فاضي وقعدت الف بالعربية شوية كدة ولانها اتوماتيك فالموضوع كان سهل جدا وهي عربية ناعمة وخفيفة فكنت مبسوط جدا

بعد كام مرة قالي تعالى بقى امشيك في شارع عمومي وانا طالع بالعربية من الشارع الجانبي لفيت الدركسيون فمش عارف العربية هتمشي ازاي رحت مطلع راسي من الشباك عشان ابص على العجل اشوف بيحود ازاي عشان اعرف العربية هتمشي في انهي اتجاه

طبعا والدي اول ماشاف القصة دي قالي بس بس انزل يا حبيبي انت لسه بدري عليك

الواحد لما يبص لنفسه دلوقتي وكل الجري والدريفتات والغرز يقول الله يرحم ايام زمان !

**Yones** · 06-09-2011 12:39 AM

المشاركة الأصلية كتبت بواسطة OmaR_FekrY

المحطات كتييييييييييير :) هونداااات كتييييييييير و شيروكى 94 و صنى و مرسيدس و اوكتافيا و لحد م ربنا بعتلى اكوردتى حبيبه قلبى :) تعتبر اول عربيه ليه بجد بعد المرسيدس

ماشاء الله بس اكيد الاكورد طبعا محطة مختلفة وليها مذاق مختلف

**Yones** · 06-09-2011 12:46 AM

المشاركة الأصلية كتبت بواسطة ahmod

والله الواحد بيشوف مواضيع جميلة اوي في قسم الهوندا مش بيلاقيها في اي قسم تاني

اكن قسم الهوندا ده منتدى تاني لوحده ! ربنا يباركلكو فيه

انا اول عربية اتعلمت عليها السواقة كانت عربية واحد زميلي مازدا قديمة طبعا الدركسيون كان تقيل جدا والدبرياش اتقل

سوقتها مرة واحدة بس وبعد كدة كرهتها وكرهت السواقة لاني فعلا كنت بلف الدركسيون بالعافية اكني بحارب مع الدركسيون

بعد كدة بدأت اتعلم على الياريس اللى معايا حاليا الكلام ده من حوالي خمس سنين كنت في اولى كلية تقريبا اول ماجبنا العربية

اكتر موقف كل مافتكره بقعد اضحك على نفسي كنت مع والدي بيعملني السواقة وبعدين رحنا مكان فاضي وقعدت الف بالعربية شوية كدة ولانها اتوماتيك فالموضوع كان سهل جدا وهي عربية ناعمة وخفيفة فكنت مبسوط جدا

بعد كام مرة قالي تعالى بقى امشيك في شارع عمومي وانا طالع بالعربية من الشارع الجانبي لفيت الدركسيون فمش عارف العربية هتمشي ازاي رحت مطلع راسي من الشباك عشان ابص على العجل اشوف بيحود ازاي عشان اعرف العربية هتمشي في انهي اتجاه

طبعا والدي اول ماشاف القصة دي قالي بس بس انزل يا حبيبي انت لسه بدري عليك

الواحد لما يبص لنفسه دلوقتي وكل الجري والدريفتات والغرز يقول الله يرحم ايام زمان !

بجد ربنا يخليك والله كلك ذوق ودى شهادة كبيرة قوى وغالية نعتز بيها جدا ومنورنا والله فى منتدى الهوندا ونتشرف بمشاركاتك معانا بجد دايما

وبجد لذيذة قوى بس انا بعمل الحركة دى ساعات وانا بركن عشان اتاكد ان العجل مظبوط مش مايل هههههههههههههههه بس بداية جامدة والحمد لله انك قلبك بقى جامد فى الدريفتات والغرز دلوقتى

قصدك على المازدا دى 323؟؟ بس مكنتش اعرف ان الدركسيون بتاعها ناشف كده
بس على فكرة فعلا لما تتعلم على حاجة سواقتها صعبة بتخليك ميهمكش اى حاجة وبتكسبك مهارة جامدة

**Yones** · 06-09-2011 12:51 AM

المشاركة الأصلية كتبت بواسطة tarekzein

بالعكس

كنت مستمتع جدا

وفرحان بالنتيجه بتاعتى

لأن التييييييييت اللى كان بيعلمنى كان مصر أنى لسه بدرى عليا جدا

بس ده ميمنعش من بعض مواقف كوميديه كده

يعنى مثلا كنت بدح مشوار طويل سايق

ولما أروح كنت بركن فى شارع رئيسى

أكلم حد من أصحابى وأقوله تعالى أركن لى العربيه

يقولى يابنى ماأنت راكنها لوحدك إمبارح

أقوله ماليش مزاج أركنها النهارده

هاتيجى وألا أخبطهالك (كأنها عربيته هوه )

وعشان عارف أنى بهزر كان ييجى يركنها على طول

لحد مابقيت تمام

ههههههههههههه اركنلى شكرا
والله معاك حق الركن فعلا بيبقى صعب قوى فى البداية وخصوصا فى الاماكن الضيقة ده حتى فيه ناس بتعرف تسوق برضه مبتعرفش تركن كويس بس الايام بتعلم وبتظبط الواحد

**OmaR_FekrY** · 06-09-2011 02:16 AM

المشاركة الأصلية كتبت بواسطة yones

ههههههههههههه اركنلى شكرا
والله معاك حق الركن فعلا بيبقى صعب قوى فى البداية وخصوصا فى الاماكن الضيقة ده حتى فيه ناس بتعرف تسوق برضه مبتعرفش تركن كويس بس الايام بتعلم وبتظبط الواحد

لا بالعكس بقى انا اول حاجه اتعلمتها الركن قبل م اعرف امشى فى الشوارع :))

**Ahmod** · 06-09-2011 03:34 AM

المشاركة الأصلية كتبت بواسطة Yones

بجد ربنا يخليك والله كلك ذوق ودى شهادة كبيرة قوى وغالية نعتز بيها جدا ومنورنا والله فى منتدى الهوندا ونتشرف بمشاركاتك معانا بجد دايما

وبجد لذيذة قوى بس انا بعمل الحركة دى ساعات وانا بركن عشان اتاكد ان العجل مظبوط مش مايل هههههههههههههههه بس بداية جامدة والحمد لله انك قلبك بقى جامد فى الدريفتات والغرز دلوقتى

قصدك على المازدا دى 323؟؟ بس مكنتش اعرف ان الدركسيون بتاعها ناشف كده
بس على فكرة فعلا لما تتعلم على حاجة سواقتها صعبة بتخليك ميهمكش اى حاجة وبتكسبك مهارة جامدة

ربنا يخليك ودي حقيقة فعلا والله قسم هوندا بحس ان فيه روح تانية خالص غير باقي اقسام المنتدى

والعربية فعلا مازدا 323 وهو يمكن الدركسيون ماكنشف للدرجة بس بمى انها اول عربية وبعد كدة اتعلمت على الياريس فحسيت بفرق فظيع بين الاتنين

وانك تطلع راسك عشان تعرف العجل مظبوط ولا لاء دي مقبولة شوية في الركنة لكن انك تطلع راسك عشان تشوف العربية هتمشي ازاي دي صعبة حبتين