الموضوع: لسه فاكر البدايـــــــــــــــة ؟؟

المشاركة الأصلية كتبت بواسطة tarekzein

أنا هقولك على نكته

أنا طلعت رخصه خاصه وأنا مبعرفش أسوق

وقعدت 11 سنه مبعرفش أسوق

وأول عربيه إشترتها وإتباعت وأنا مسوقتهاش خاااااااااالص (أكسيل 94 )
وبعتها لواحد صاحبى صعب عليه إنها مرميه أكتر من 3 شهور
مبعملش حاجه غير أدور بس تسخن وأبطلها تانى ....هههههه

وتانى عربيه فكترا أيه 94 مانيوال 2000 سى سى

إشتريتها من السوق وبعد ما دفعت العربون

قولت لصاحبها بس هتيجى تودينى البيت

طبعا الراجل قلق منى

ياعم طب خد فلوسها كلها خليها معاك

الراجل قلق أكتر

ومرضيش يتحرك من مكانه

غير لما شاف البطاقه وبالصدفه طلع معرفه من الشغل

وطبعا مكنش مصدق للحظه الأخيره إنى مبعرفش أسوق بجد

ههههههههههه لا بس بجد شكلك كنت بس محتاج تتجرأ شوية وتجرب على فكرة ده الطبيعى جدا والله الواحد كان قبل مايتعلم سواقة ويمارسها مش عارف اللى بيسوق ده وبيجرى بسرعة قلبه شجاع ازاى بس الامور كلها بتيجى بالتدريج

المشاركة الأصلية كتبت بواسطة tarekzein

أما تعليم السواقه نفسه برضه قصه عجب

روحت مدرسه تعليم لأنى كنت عايز أجرب نفسى

وقتها كان معايا الأوبل أيه

والسواقه كنت عارفها نظريا (يعنى طريقه الغيارات وكده )

دفعت الفلوس كامله وخدت أول حصه

لقيت الراجل بيرمينى بالعربيه فى شارع جامعه الدول وسليمان أباظه

طبعا عربيه 128 وفيها بوش يجيى كيلو فى الدركسيون

المهم العربيه بطلت منى مرتين بس

ولما كنت ببص فى المرايات لقيته بيقولى الكلام ده لسه بدرى عليه قوى

خنقنى طبعا

تانى يوم صحيت الفجر والشوارع فاضيه

خدت عربيتى وعلى الدائرى ومنه للتجمع الخامس

طول اليوم فى الصب واى رايح جاى

وبعدين روحت

تانى يوم قولت لمراتى تعالوا بقى نتفسح شويه ومعانا حنين

طبعا خافت

بصتلها زى رأفت الهجان وقولتلها بتثقى فيا

قالتلى طبعا

قولتها توكلنا على الله

وخدنا بعضنا وهوب على الصحراوى

كل شويه تقوللى رايحين فين

أقولها كارفور

طبعا متعرفش مكانه

لغايه لما لقت يافطه أسكندريه 50 كيلو ههههههه

وقعدنا شويه فى سان إستيفانوا وإتصورنا بالموبايل ورجعنا

حمايا بيتصل بيا : أنتوا فين

أقوله بنتفسح

فين ؟

فى أسكندريه

والعربيه ؟؟؟؟

معايا

طب والعيال ؟؟؟؟؟؟؟؟؟؟؟!!!!!!!!

برضه معايا

إزاى )$*%&&%$&%^$#^@

وفضل مش مصدق لحد مروحنا ووريته الصور وكان فاكرنى بشتغله

طبعا كله قاللى أنى مجنون ومصدقوش

بس بجد كانت أحلى فسحه

ههههههههههههه اسكندرية رايح جاى Day use جامد اخر حاجة وخصوصا انه مش متخططاله خالص بس فكرة لذيذة والله وجت صدفة بس مخدتش بالك من يافطة داندى مول على يمينك او خدت بالك انك عديت محطة الرسوم؟ ولا شوفتهم فعلا ونفضت و قولت يلا بينا نشد على اسكندرية؟؟

المشاركة الأصلية كتبت بواسطة Ghost2

انا اول ما اتعلمت كان عندي 15 سنه .. عربية جدي بيجو 504 كان جايبها من الزيرو .. وسنة 2000 كانت شركة جوه وبره ..فابريكة بجد .. قمت واخد المفتاح ونازل تحت البيت وكنت عارف نظري برده .. اول ما دوست كانت دوسة جامدة شوية قعدت تجري في الشارع والحمد لله كان فاضي ودوست فرامل مره واحده لبست في الطارة و اتعورت تعويره خفيفه في وشي .. وبعد كده والدي عرف .. وقالي لو عايز تتعلم قول ... المهم ركبني عربيته هو .. طبعا اوتوماتيك وضخمه بالنسبالي لانها كانت مرسيدس .. المهم هما يومين .. وبقى مفتح العربية ده بالماديليه مربوط في بنطلوني علطول .كنت بروح بيها الدروس كمان .. بدأ بقه اصدقاء السود يعلموني اللعب .. وبعد كده بقيت الحمد لله بسوق كويس .. وزاد عشقي للعربيات الالماني .. وبجهز لاوتو كروس كمان ان شاء الله في اول السنة

ههههههههه فعلا يا ghost اغلبية الناس اتعلمت بنفس الطريقة وعن طريق المغامرة دى
ومعاك حق العربيات الالمانية مفيش خلاف عليها BMW و Mercedes تكنولوجيا عالية وكفاءة وستايل
وربنا يوفقك فى الاوتوكروس السنة الجاية ان شاء الله وبجد لو عندك معلومات عن كيفية الاشتراك والشروط ياريت تفيدنا

طيب انا هحكيلهم عن بدايتى فى السواقة
بس هقسمها على كذا مرة عشان القصة طويييييلة :

اول حاجة خالص قدمت فى مدرسة تعليم القيادة اللى موجودة فى مساكن الشيراتون واول يوم تدريب لاقيت المدرب الى هيدربنى واقف قدام عربية نص نقل ايسوزو موديل 2003 بالتحديد وبيقولى يلا عشان نبدأ التدريب اتخضيت من الفكرة قولتله وانا مستغرب تدريب ايه بس انا لسه بقول ياهادى وبتدرب سواقة ابتدى على عربية نص نقل وبالحجم ده؟
قاللى هو ده اللى متوفر طبعا اللهجة معجبتنيش بس انا قولت لازم اتعلم برضه
اول حاجة قالى اتقدم لقدام بالعربية وارجع لورا كانت مشكلة العربية دى انها قوية قوى وعزمها جامد ممكن من غير ماتدوس بنزين وبمجرد من انك تشيل رجلك من على الدبرياج تلاقى العربية ماشى معاك كانك دايس بنزين وده السبب فى انى اول مرة مقدرتش احكم رجلى على الفرامل بسرعة بحيث اقف فالعربية طلعت على الرصيف اللى قدامى وكان رصيف واطى جدا الحمد لله ومحصلش اى حاجة للعربية بس الراجل طلع بة العربية وزعق فيا جامد وكده فاكرنى بهرج فهديته وقولتله ياعم انا لسه بتعلم وان شاء اليه ميحصلش حاجة تاني والامور هتمشى تمام والحمد لله شوية شوية اتعلمت واختبرت ونجحت الحمد لله بعد شهر من التدريب ودى كانت اول مرحلة

تانى مرحلة بقى ودى اهم :
قعدت سنة كاملة مبسوقش ولابجرب حتى بس بصراحة قولت كده مينفعش فقولت لبابا اخد عربيته القديمة ال 127 واتعلم عليها طبعا برضه خاف بالرغم ان معايا رخصة بس هو عارف انى ممارستش السواقة كفاية فكلملى سواق تاكسى معرفة خدنى حوالى كام يوم اتعلم سواقة وكانت فترة عجيبة بس بصراحة الواحد طلع بفوايد كتير وخبرة مش وحشة فى السواقة والركن وفضلت اسوقها فترة كبيرة وكده لغايت ما الحمد لله بقى معايا الهوندا حاليا

المشاركة الأصلية كتبت بواسطة tarekzein

أما تعليم السواقه نفسه برضه قصه عجب

روحت مدرسه تعليم لأنى كنت عايز أجرب نفسى

وقتها كان معايا الأوبل أيه

والسواقه كنت عارفها نظريا (يعنى طريقه الغيارات وكده )

دفعت الفلوس كامله وخدت أول حصه

لقيت الراجل بيرمينى بالعربيه فى شارع جامعه الدول وسليمان أباظه

طبعا عربيه 128 وفيها بوش يجيى كيلو فى الدركسيون

المهم العربيه بطلت منى مرتين بس

ولما كنت ببص فى المرايات لقيته بيقولى الكلام ده لسه بدرى عليه قوى

خنقنى طبعا

تانى يوم صحيت الفجر والشوارع فاضيه

خدت عربيتى وعلى الدائرى ومنه للتجمع الخامس

طول اليوم فى الصب واى رايح جاى

وبعدين روحت

تانى يوم قولت لمراتى تعالوا بقى نتفسح شويه ومعانا حنين

طبعا خافت

بصتلها زى رأفت الهجان وقولتلها بتثقى فيا

قالتلى طبعا

قولتها توكلنا على الله

وخدنا بعضنا وهوب على الصحراوى

كل شويه تقوللى رايحين فين

أقولها كارفور

طبعا متعرفش مكانه

لغايه لما لقت يافطه أسكندريه 50 كيلو ههههههه

وقعدنا شويه فى سان إستيفانوا وإتصورنا بالموبايل ورجعنا

حمايا بيتصل بيا : أنتوا فين

أقوله بنتفسح

فين ؟

فى أسكندريه

والعربيه ؟؟؟؟

معايا

طب والعيال ؟؟؟؟؟؟؟؟؟؟؟!!!!!!!!

برضه معايا

إزاى )$*%&&%$&%^$#^@

وفضل مش مصدق لحد مروحنا ووريته الصور وكان فاكرنى بشتغله

طبعا كله قاللى أنى مجنون ومصدقوش

بس بجد كانت أحلى فسحه

استااااااااااااااااااذ ورئيس قسم............