البوما ع الصحراوي

**nice_bird** · 03-09-2011 09:56 PM

العيد دا قولت انزل الغردقة اقضيلي فيها يومين قبل الجيش وكدا وقولت اسافر العربية هوا انا من سوهاج وبسافر بالعربية اسيوط كتير لان كليتي كانت هناك وكدا بس المره دي السفر كان صحراوي ولاحظت حاجة في العربية ومش عارف دي مشكلة ولا دا طبيعي

وانا رايح كان الصبح بدري استلاك البنزين كان 30 لتر / 360 كم متوسط السرعة 130و كان صوت الموتور عادي بدون تكييف وكانت العملية تمام التمام والعربية بتشد لحد 180 وتجيب اكتر بس الطريق مش مضمون

وانا راجع بالعربية بقي بدا المشكلة رجعن بعد يومين بس اتحركت بالعربية من هناك الساعة 2 الظهر وفولت من هناك بنزين 90 وبدات الطريق بالتكييف المشكلة اني حاسس العربية متكتفة وصوت الموتور عالي والكيك داون ضغييييفة و كان اخر تجميعا ال 140 لدرجة اني كنت بشد مع كريستالة عالطريق عدت مني وبعدها افيو فضل السحب كدا حوالي 50 كم قولت اطفي التكييف شوية واشوف العربية بدات تجري وتجيب ال 160 بس طبعا الحر والهوا خلاني اشغل التكييف ورجع السحب ضغيف وصوت الموتور يعلي تاني لحد ما وصلت الحمد لله ومش عارف ايه المشكلة دي !!!!!!! و كان راكب معايا واحد صحبي بيقولي انو ركب لانسر كتيير قبل كدا مبيحلصش حاجة مع التكييف زي اللي بيحصل عندي ومش عارف المشكلة فين ياريت اللي تفيدوني في الكلام دا

**nice_bird** · 03-09-2011 09:58 PM

انا مغير بوجيهات من 5000 كم بس وجايب الاصليين ب 150 ج
ومغير فلتر هوا من 10000 كم ومنظف باقي الفلاتر ما عدا فلتر البنزين هل ممكن يكون هوا السبب !

**PoweRPassioN** · 03-09-2011 10:43 PM

أنا مش راكب لانسر
بس عموما الصبح كنت مش مشغل التكييف + الجو لطيف يعني درجه حرارته منخفضه نوعا وبالتالي كثافه الاوكسجين الداخل للمحرك أعلى وبالتالي السحب أعلى والاستهلاك أقل ف البنزين

وأنت راجع مشغل تكييف مسخن حوض العربيه وعامل حمل على الموتور والجو أسخن
يبقى طبيعي تلاقي المحرك مخنوق ومش بحالته

**إبراهيم المصرى** · 03-09-2011 11:41 PM

البومه الله اكبر عليها انا بحترمها جداً ولسه جاى من الاسكندريه من يومين ومعايا اوبل استرا على الصحراوى بشد لحد 160 و 170 البومه بتعدى براحه وانا اعرف ان التكيف مبيأثرش عليها بالاخص ال 1600 سى سى اكيد فيه سبب وغالباً البنزين بص على فلتر البنزين وحط 92 من بنزينه كويسه ومنظف الانجكشن وممكن اوكتين وجرب وان شاء الله خير

**limo** · 04-09-2011 03:08 AM

المشاركة الأصلية كتبت بواسطة powerpassion

أنا مش راكب لانسر
بس عموما الصبح كنت مش مشغل التكييف + الجو لطيف يعني درجه حرارته منخفضه نوعا وبالتالي كثافه الاوكسجين الداخل للمحرك أعلى وبالتالي السحب أعلى والاستهلاك أقل ف البنزين

وأنت راجع مشغل تكييف مسخن حوض العربيه وعامل حمل على الموتور والجو أسخن
يبقى طبيعي تلاقي المحرك مخنوق ومش بحالته

الكلام ده بيحصل معايا بالضبط
انا معايا بومه 1600 اوتو وبسافر بيها كتير فى اوقات مختلفه
الملاحظ ان التكيف بيحمل على العربيه اكتر يعنى المتور صوته بيعلى والتجميع اقل
لما بسوق فى الفجر العربيه بتكون رايقه جدا سواء مشغل التكيف ولا لأ لانى الصبح بكون مشغل التكيف على 1 وبيتلج العربيه
لما بسافر الظهر او العصر العربيه مبتكنش زى الصبح خالص بحس ان العربيه بتجاهد شويه بعد 140 بس معقوله برضو بالتكيف وكويسه اوى بدون تكيف
خلى بالك كمان عنصر الهواء معاك او ضدك ده عامل مهم اوى -- ابعد كل البعد عن البنزين ال80 لانى مره حطيه والعربيه كانت بتوصل لل140 بصعوبه جدا

**Xander2010_Evo** · 04-09-2011 07:46 AM

من إمتي البومة بتمشي ببنزين 90؟؟ طول عمرها حضرتك من اول ما نزلت وكل إللي أعرفهم بما فيهم العبد لله ماشيين ببنزين 92..حاول تخليها تمشي بال92 وهتحس بالفرق

**Abdo_Eldesokey** · 04-09-2011 10:33 AM

الحاجة الوحيدة الي اتغيرت في العربية بين مشوار الذهاب والرجوع هي ( البنزين )
يبقى غالباً المشكلة في البنزين الي حطيته وانت راجع

**mido51eg** · 04-09-2011 11:31 AM

واحتمال ان البنزين اللي حطيته وانت راجع مغشوش. استنى لما يخلص وحط بنزين 92 من محطة بنزين مضمونة وبإذن الله العربية هتتظبط.

**mohammedabdallh** · 04-09-2011 11:54 AM

البنزين عامل مؤثر جدا
+ الجو وانت مسافر الصبح غير وانت جاى الظهر انا مجرب الطريق فى الحالتين فى الحر العربيه بتبقى زباله وطبعا لازم تغشغل التكييف فده بياثر عليها اكتر وبيخنها اكتر وبالتالى العزم والشد بيتاخر

**Ali_Abo_Amr** · 04-09-2011 12:09 PM

1-البنزين
2-اتجاه الرياح
3-درجة حرارة الجو ... ودى حاجة مهمة جدا كتير مننا مش بياخد باله منها ... انا شخصيا باحس بفرق جامد جدا فى النهار عن الليل

الموضوع: البوما ع الصحراوي

LinkBack

أدوات الموضوع

عرض

البوما ع الصحراوي - انشر الموضوع فى :

-

-

-

-

-

-

-

المواضيع المتشابهه

هجنط البوما 17 :)

سحب البوما

عدادات البوما

عزل البوما

تظبيط البوما

الكلمات الدلالية لهذا الموضوع

المفضلات

المفضلات

ضوابط المشاركة