متشكر ليكم جميعا علي النصائح الغاليه
شكلي هفكر تاني في الموضوع
عرض للطباعة
متشكر ليكم جميعا علي النصائح الغاليه
شكلي هفكر تاني في الموضوع
بالنسبة للسعر انا معنديش فكرة .
بس خلي بالك من حاجة ممكن الخبطة تكون عملت حاجات تانية مش باينة . يعني مثلا ضفيرة الكهربا اتقطع منها اجزاء . التكيف والسربنتينة . حط في اعتبارك حاجات كتير . والحاجات دي عشان ترجع زي الاول هاتحتاج مصاريف كتير .
ولو الصنايعي شاطر الي شغال فيها وصاحب العربية بيدفع عشان يرجعها تاني . هاترجع تمام
ليا واحد صاحبي كان عربيتة اتخبطت وغير ربع وسدر وعشان بيحبها اوي صرف عليها وغير حاجات كتير فيها .
بس ماشاء الله رجعت زي الفل . (بس استوي عشان يشدها من المصاريف)
يعني باختصار الي هايحكم علي العربية الشغل بتاع الصنايعية والسعر الي هاتدفعة فيها
انا مع الناس اللي بتقولك ابعد عنها
أنا معايا ياريس صاحبتها طلعت بيها بس فوق رصيف بالعجل الامامي وكل شوية تعملي صوت جديد وعايزة فيها حاجات تتغير
غيرتلها 3 جنوط والقنطرة عايزة تتغير والله أعلم إيه تاني
صلي صلاة استخارة
ابعد عنها
انا على حد علمى ان ال 99 اصلا دى عربية كلها كورى و الناس اصلا بتحب العربيات دى.
و دى عربيتك وانت فاهم فيها اية تمام واية مش تمام و يوم لما تحب تصلحها بسهولة هتقدر لانك عارف لها.
لكن بقى اللى عاملة حادثة دى وجع دماغ يا باشا و اصلا 40 كتيير كمان.
والله اعلم
عربيتك لو موديل 90 وسلمية افضل من 2008 طالعة من حادثة
انا عربيتي 99 بس فيها شوية برومه والبارح نقيت حتيت كانو في العتب عند الرفارف كده وكله تمام مفيش غير كام حته صغيره في الأبواب وحته حوالين القزاز اللي ورا ناحية السقف لازم اشيل القزاز عشان اعملها
بس عموما العربيه حالتها حلوه قوي وسفر كوتيش وبطاريه وريداتير جداد ومفيش مصاريف نهائي
الحاجه الوحيده اللي قارفاني في عيشتي هي التكييف ولسه من شهر عامله وصارف 450 جنيه ومكملش شهر وباظ تاني
مش عارف بقي بتاع التكييف اللي مش كويس ولا لآ بس ده تاني واحد وكل مره تطلع حاجه شكل
بس اخر مره غيرت خرطوم والناس ركبت علي طول من غير ماتكشف
شكلي هغير الراجل ده واشوف حد تاني بقي
يعنى علشان تكييف تلبس فى الحيطة .
تكلفة التكييف الجديد اول عن اخر - دا ف اسواء الحالات اصلا - هتبقى 3000 جنية
ابعد عنها يا ريس العربيات اللى عاملة حوادث حلوة للتاكسى
اظن ان اللى اتقال محدش هايقول اكتر منه
ابعد عن العربيه دى
بص يا باشا خد عربية مخبوطة من الخلف او مقلوبة لو عايز تركب حوادث لكن اياك تاخد عربية مخبوطة من الامام