يا جماعة انا حجزت الفيرنا 2012 انهارده عند سمير ريان
وإن شاء الله هاستلم بكره
ادعولي استلم علي خير
وعايز رأي الهيوندايوية اللي معاهم العربية بس ياريت 2010 و2011
اخبارها ايه عالية ولا واطية زي ما هي لأن حمايا معاه2008 كانت واطية شوية انا حاسس ان 2012 اعلي شوية من 2008 ولا ايه!
وسحبها عامل ايه وفي السفر اخبارها ايه تكيييفها وموتورها ناعم ولا صوته عالي
ومشكووورين علي ردودكم مقدما
اولا يا صديقي ألف ألف ألف مبروك
احب اهنيك على الاختيار دا
هو مش الاختيار الأفضل ولكنه خيار جيد جدا ومش هتندم عليه باذن الله
بالنسبة للفيرنا بداية من 2010 وما يليها اللي هي 2011 و 2012 علوا العربية فعلا ورفعوا الشكمان بتاعها وبقت في المطبات احسن كتير جدااااااااااااااااااا
انا ببقا شايل فيها 6 افراد وباخد المطبات عادي -بس بالراحة طبعا - ولو المطب عالي اوي بديها سمبوكسة بميل وباخد المطب بدون ماسمع اي صوت حكة الحمد لله
بس طبعا هتاخد وقت على ما تعرف ازاي تعدي بالعربية صح من المطب
العربية بكل امانة عليها سحب ممتاز
ضغطة البنزين بحساب
انت راكب تيربو تقريبا
موتور غبي بمعنى الكلمة لما بيتغابى وتكبس بنزين لازم الطريق قدامك يبقا فاضي لأنمك هتنطلق :d
التكييف كويس جدا في الزحمة وعلى الطريق السريع مش هتقدر تخليه اكتر من الدرجة الاولى واتنين لو معاك ناس كتير في العربية
صوت الموتور هيبقا عالي شوية في الاول لحد ما تلين وتخلص اول 5000 كم وبعد كدة مش هتحس بصوت موتور العربية اساسا-بس للأسف الحلو ميكملش العزل بتاع الصوت سيء فهتحس بصوت الموتور على السرعات العالية بعد 150 هتسمع احلى صوت للموتور
شوف ا صديقي:
شوية احتياطات بالنسبة للعربية في أول ألف كم:-
*بالرغم من عدم ذكر التكييف في فترة التليين لا بالسوء او الخير ولكن يفضل عدم تشغيل التكييف في اول ألف كم وذلك للحفاظ على الموتور
*لا تقم بترك السيارة في وضع الانتظار فترة طويلة -يعني لو انت مضطر تقف في الزحمة فترة طويلة يفضل انك تطفي العربية ومتسبهاش كدة كتير-
*متحرقش على الغيار ومتنقلش بدري يعني ادي الغيار حقه وخليه متشبع وبعدها انقل
*لا تتجاوز سرعة 90 كم في الساعة لأول ألف كم
*متحملش عدد كبير داخل العربية واياك انك تفكر انك تجر عربية تانية او اي شيء ذو وزن تقيل
*لاحظ ان صوت الموتور ومعدل استهلاك البنزين سيكون مرتفع قليلا ومش هيتظبط غير بعد 5000 كم
*يفضل انك تفضي الكاوتش بتاعك وتعبيه نيتروجين واظبطه على 31 صيف وشتاء
معتقدش ان فيه حاجة تانية مهمة انك تعرفها حاليا
بس لو احتجت اي شيء انا في الخدمة
فيرنا 2010 30100 كم :d
ألف مبروك
و يا رب تستلم علي خير و تجد فيها كل ما تتمناه
بالتوفيق
يا باشا ربنا يبارك فيكاقتباس:
المشاركة الأصلية كتبت بواسطة Ashraf_Ibrahim
ايه الرد الوافي ده ,جزاك الله خيراً:tumb::tumb::tumb:
وتبارلكي تاني لما استلم وارخص ان شاء الله
وانا والله قولت للواد بتاع المعرض دي اعلي من 2008 قالي لأ
ولو في حاجة انا خلاص عرفت هاسأل فين
:tumb:احلي منتدي سيارات واجدع اعضاء:tumb:
ربنا يبارك فيكاقتباس:
المشاركة الأصلية كتبت بواسطة hossam99
اللهم آمين
اللي واقفين في المعارض للأسف مبيبقوش على دراية بكل الخواص الفنية للعربيات !اقتباس:
المشاركة الأصلية كتبت بواسطة ahmaid
لذلك لو حابب تعرف اكتر عن العربية يفضل انك تروح التوكيل عشان تعرف الخواص الفنية بتاعتها او حد من ملاك العربية نفسهم
باذن الله اباركلك لما ترخص وتستلم باذن الله
وزي ما قلتلك انا تحت امرك في اي شيء خاص بالعربية ومعاك في اي استشارة باذن الله
انت اشترتها على كام
انا جبت الفيرنا قبل رمضان بكام يوم.....وبشغل التكيف عادي جدا من اول يوم وسيبك من من موضوع التليين ده خالص
بص لما تستلم العربيه هتلاقي العتب البويا بتعته مش مظبوطه خشنه يعني...الفوانيس اللي قدام مرحله عن الاكصدام الفانوس اللي ورا شمال في نقره مش باينه اوي وممكن تلاقيه فارق عن الاكصدام....متقلقش العربيه بتنزل كده اصلا ...بص علي التكسيات والعربيات ال 2011 هتلقيهم كلهم كده...ولو ملقتش كده يبقي خير وبركه
69750 جنية كاااااشاقتباس:
المشاركة الأصلية كتبت بواسطة menshawy
تمام يا باشا 69750 كاشاقتباس:
المشاركة الأصلية كتبت بواسطة menshawy
ولما كنت بستلم امبارح العربية زادت الف جنيه واحنا قاعدين من غبور
جزاك الله خيراًاقتباس:
المشاركة الأصلية كتبت بواسطة loshabih
بس البويا في العتب الراجل قالي هي كده ده مش عيب وفعلا العربيات كلها كده والفوانيس اللي قدام انا بصيت عليها كذا مرة عشان في فرق فعلاً بس برده كلهم كده بس مخدتش بالي من الفانوس اللي ورا
بكره ان شاء الله ابص عليه واتاكد و يا رب يطلع مفيهوش حاجة
جزاك الله خيراًاقتباس:
المشاركة الأصلية كتبت بواسطة Ashraf_Ibrahim
مبروك يابو حميد استلام العربية
ألف مبروك ....
كل دي عيوب طبعا انت بتشتري عربيه زيرو خارجه من مصنع مش بتشتري عربيه مرشوشه عند بقال....هتلي عربيه غير الفيرنا او موديل قديم من الفرنا فيه الحجات دي...بص بعد الفيرنا 2007 كله تقفيله زبااااااااااااااااالة ومنه لله...اه حاجه تانيه نسيت مؤشر الحراره هتلقيه بيقف علي النقظه اللي فوق متقلقش الاخ اللي مركب العدادات مركبه غلط واوعه تقلهم علي حاجه في التوكيل ولا هيعملوا حاجه ولو مش مصدق هات اي عربيه تانيه مؤشر الحراره بيقف بين النقتطين وبطل العربيه وشوف مؤشر الحراره بينزل لحد فيين وشوف عندك هتلقيه طالع فوق شويه فتعود عليه كدهاقتباس:
المشاركة الأصلية كتبت بواسطة ahmaid
بالنسبة لمؤشر الحرارة انا عندي مؤشر الحرارة بين النقطتين بالظبط
ولما بطفي العربية بينزل للعلامة الدنيا -الشرطة اللي تحت !
الفيرنا 2012 عالية فعلا عن الأرض , وكمان العفشة بتاعتها احسن
الله يبارك فيك يا حاج اشرف انا كمان رخصت خلاص وقريب هارفع صورها بس اول ما افضياقتباس:
المشاركة الأصلية كتبت بواسطة ashraf_ibrahim
معلش يا جماعة اعذروني علي التأخير في الرد بس انا دخولي كان متقطع عشان ظروف الشغل
الله يبارك فيكاقتباس:
المشاركة الأصلية كتبت بواسطة ghosts
اعذرني علي التاخير في الرد
باشا الحمد لله مؤشر الحرارة عندي بيقف في النص بين النقطتين عادي ولما بافصل العربية بينزل تحتاقتباس:
المشاركة الأصلية كتبت بواسطة loshabih
الحمد لله زي عندي تماماقتباس:
المشاركة الأصلية كتبت بواسطة ashraf_ibrahim
فعلاً انا لما سوقت حسيت انها اعلي من 2008 بتاعت حمايااقتباس:
المشاركة الأصلية كتبت بواسطة mm_champion
اية رأيك يا باشا فى نظام الصوت بتعها؟؟ انا حاسس انو تعبان جداً حتى بالكاسيت ال usb
انا عندي مؤشر الحرارة بيقف عند النقطة اللي فوق من اول ما جبتها ده طبيعي ولا ايه ؟؟ 2012 بردو
اه طبيعي مش مشكلهاقتباس:
المشاركة الأصلية كتبت بواسطة mpop
هو المفروض يقف بين النقطتين
لما تروح تعمل الصيانة بلغهم وهما هيفكوا العداد ويعدلوا وضع الابرة لا تقلق!
كلام سليم جدا و أهم فترة هي فترة التليين الأولياقتباس:
المشاركة الأصلية كتبت بواسطة Ashraf_Ibrahim
بس لي تعليق بسيط علي السرعة
- المفروض أن السرعة المقصود بيها عدد لفات الموتور يعني تكون مابين (2000 - 4000) لفة / دقيقة أو حسب تعليمات الصانع بالكتالوج
- الحاجة التانية المهمة : عدم السير بسرعات ثابتة لفترات طويلة يعني و لا بشويش و لابسرعة لمدد كبيرة
- عدم السير علي السرعة الدنيا (ideal) لمدة تزيد عن ال 3 دقائق
- عدم القرص علي المحرك أو زيادة عدد لفاته بشكل فجائي
- عدم أستخدام الفرامل بشكل حاد و فجائي ألا في حالات الطوارئ و عند الضرورة القصوي
أما التكييف فلا يوجد مايمنع من تشغيله بشكل صريح لكنه يفضل عدم تشغيله خوفا من الحمل الزائد علي المحرك
لكن رأيي الشخصي .. طالما انك ملتزم بسرعات التليين و عدد لفات المحرك منخفضة فلاضرر أطلاقا من تشغيل التكييف
و ألف مبروك مقدما و ربنا يكفيك شرها و شر الطريق و يعطيك خيرها و تكون وش السعد عليك
مع خالص تحياتي
م/ سمير الشهاوي
ربنا يديك خيرها ويكفيك شرها
بسم الله ما شاء الله
الف مبروك عليكم يجماعه
لو امكن تقرير عن كماليات السيارات يعنى هل فيها اربع زجاج كهربي ووحدات رفع وباقي الكماليات ايه من فضلكم
والاهم هل بتحك فى المطبات خصوصا وانتوا محملين 3 افراد مثلا فى الخلف ولا حلوا هذه المشكله ؟
وربنا يديلكم خيرها ويكفيكم شرها يارب
وشكرا جزيلا
معلش نسيت اباركلك على العربية اهتميت بمشاكلي :D
ربنا يباركل فيها يارب ويكفيك شرها ويديك خيرها
@wael6
رديت هناك في الموضوع التاني
ألف مبروك
mabrooooooooook