الموضوع: عاوز اركب بلوتوث للعربيه اوكتافيا a5 ؟

يا جماعة اجيبوا منين وبكام

شوف يا باشا عشان تشغل اغانى على سماعات العربيه قدامك حل من اتنين
تجيب جهاز صغنون خالص بيشتغل على ولاعه العربيه وبيتحط فيه ميمورى زى بتاعت الموبيل وهو بيبعتها على تردد معين انت بتظبطه وتستقبله على الراديو بتاع الكاست وده اسمهFM Transmiter or modulator ,وفيه منه نوعيات فيها ففتحه زى بتاعت السماعات ممكن توصل عليه اى جهاز بيشغل اغانى وهو يبعتها على الراديو

الحل الثانى فى شريط بسلك الشريط ده بيدخل مكان الشريط العادى فى الكاست اللى عندك والسلك ده بيطلع منه وتوصله على MP3 player او اى جهاز تانى بيشغل اغانى مكان السماعه وده بيدى صوت انقى واحسن من الحل الاول

الموضوعات دى هتفيدك
http://www.nilemotors.net/Nile/showt...ht=transmitter
http://www.nilemotors.net/Nile/showt...ht=transmitter
http://www.nilemotors.net/Nile/showt...ht=transmitter
http://www.nilemotors.net/Nile/showt...ht=transmitter
http://www.nilemotors.net/Nile/showt...ht=transmitter

المشاركة الأصلية كتبت بواسطة mmolazem

انت اشتريته فعلا ولا لسه .
ومن فضلك السعر كام.
مع الشكر

اه إشتريته من زمان وأكيد رخص دلوقتى
كان ب 1350 من ابلاينس فى سيتى ستارز

وشغال كويس قوى
اول حاجة ضبطته مع الموبايل
بعد كده أول ماأفتح السنتر أسمع كلمة Power ON
وبعدين Connected
بس هو مش متوصل بالكاسيت هو معاه مايك وسماعات
هو كان فيه حاجة غبية جدا انه بيقول رقم الطالب رقم رقم
لقيتلها حل فى الموبيال نفسه - يرد بعد 5 ثوانى لو متوصل على بلوتوث كيت

بس لما تيجى مكالمة بعمل mute لو الكاسيت عالى وهو بيرد اوتوماتيك وتتكلم عادى
وهتللاقى ناس باصة عليك بتضحك على العبيط اللى بيكلم نفسه ده :)

بالنسبةة للسينسور الميزة فيه انه صوت و مسافة بيقوللك المسافة اللى بينك وبين اللى وراك فتقدر تضبط العربية بالضبط

المشاركة الأصلية كتبت بواسطة mmolazem

- هو مكتوب ان الـ Distance indicator الرنج بتاعه من 0.4 الى 1.6 متر فى الخلف والأجناب الخلفيه ، لو المسافه الخلفيه اقل من 40سم بيكون السينسور شغال برضه.
مع خا لص الشكر .

شوف يا باشا انا مش عارف انت بتتكلم على انهى نوع
فى نوع بيديك صوت متردد بيزيد التردد كل ما تقرب من حاجة لغايه ما يبقى صوت متصل وفى نوعيات بتكتبلك المسافه

معنى ان اخره 40 سم يعنى لو المسافه 40 او اقل هيديك الصوت المتصل او هيكتبلك 40 سم مش هتختلف مهما قلت المسافه عن 40 سم
فى مصر احنا محتاجين 2 سم مش 40 سم

المشاركة الأصلية كتبت بواسطة mmolazem

- مكتوب انه معاه عدد 2 سينسور + وصلات ، هل الاتنين بيتركبو ولا منهم واحد احتياطى.
مع خا لص الشكر .

الاتنين بيتربكوا واحد فى الاقصدام الخلفى يمين شوية والتانى فى شمال شوية عشان يديك تغطية كامله للمنطقه خلف السيارة
وفى نوعيات بتقولك الاشاره دى جاية من السنسور اليمين ولا الشمال عشان تعرف ان فى حاجة وراك نحية اليمين ولا الشمال ولا فى النص

وفى نوعيات بتنزل 3 سنسور مش 2 بتدى تغطية للمنطقه الخلفيه احسن

المشاركة الأصلية كتبت بواسطة mmolazem

- المرايه بيكون الرؤيه فيها واضحه ولا ظهور البيانات عليها بيعمل تشويش ، والبيانات بتكون واضحه ليلا او نهارا ؟؟.
مع خا لص الشكر .

دى محتاجة واحد مجرب انا مش مجرب النوع ده اللى بمرايا
انا جربت النوع اللى بشاشه منفصله

المشاركة الأصلية كتبت بواسطة mmolazem

- التوصيلات والأسلاك بتحتاج مهاره فى تركيبها وبتكون مخفيه ولا بيكون فيها وصلات كتير ظاهره .
مع خا لص الشكر .

هتحتاج مهارة فى التركيب لو هى مش لاسلكى عشان هتمد سلك من الخلف للامام واكيد هتحب يكون مخفى مش ظاهر

المشاركة الأصلية كتبت بواسطة mmolazem

معذره انا تقلت عليك ... لكن كرم اخلاقك هوا اللى طمعنى فيك.
مع خا لص الشكر .

طبعا الكلام ده مش ليا بس انا قولت افيد باللى اعرفه وشكرا ليك