منين أجيب الدواسات الاصليه للعربيه ؟

**mahmoud_afifi** · 09-09-2011 02:31 AM

المشاركة الأصلية كتبت بواسطة Ayman-Ahmed

الف شكر لثقتك يا افندم.

ومبيفصلوش وده اللى فهمته لما كلمته فى التيلفون ولكن كلامه معايا كان ان ممكن المصنع يقدر يقص من اللى موجود عندهم ويوفق على المقاسات اللى عنده واللى عندك فى العربية.

النهاردة لفيت لفة فى التوفيقية ولقيت دواسات اشكال وانواع واغلاهم ب 85 جنيه وخامة جلد محترمة جدا.

سالت على حاجة مقصوصة لهيونداى او اى عربية وملقتش وسالت ممكن حد يفصل قالوا لا لان المكنة بتطلع خط كامل ولكن السروجى ممكن يعملك جلد عادى وطبعا يقصد جلد فرش للارضية.

الخلاصة بعد لف وسوال كذا واحد فى شارع دمشق و التوفيقية ان اللى على النت المتفصل للعربية صعب تلاقيه هنا.

اللى انا عملته وريحت نفسى بعد اللف اننى قيست الارضية او المساحة اللى محتاجها تتغطى وجبت دواسة على مقاسها ب 75 جنيه.

ولو حابب ابعتلك على الخاص تيلفون مارسو وتسالهم براحتك وبتفاصيل اكتر.

شارع بورسعيد قريب من كوبرى القبة او غمرة.لو تعرف توصل للمكانين دول.

اولا ألف مبروك على الدواسات الجديده وإن شاء الله تكون الي في بالك :)

أنا عندي دواسات الى حد ما قريبه من المقاسات بس مش متظبطه عليها عشان فيها حوض و واخده شكل مستطيل في حين ان الارضيه فيها بروزات ! وعشان كده كنت بدور على زي الي بنشوفه على النت

وللأسف كده مش هحتاج أروح مارسو, احتمال اخلي حد معرفه يشوفهالي من السعوديه ولا حاجه. أو احتمال اشوفهم من على النت بس هتقف عليا غاليه

أنا متأسف جدااااااا على تعبك معايا أستاذ أيمن. جزاك الله كل خير :)

**Ayman-Ahmed** · 09-09-2011 04:29 PM

المشاركة الأصلية كتبت بواسطة mahmoud_afifi

اولا ألف مبروك على الدواسات الجديده وإن شاء الله تكون الي في بالك :)

أنا عندي دواسات الى حد ما قريبه من المقاسات بس مش متظبطه عليها عشان فيها حوض و واخده شكل مستطيل في حين ان الارضيه فيها بروزات ! وعشان كده كنت بدور على زي الي بنشوفه على النت

وللأسف كده مش هحتاج أروح مارسو, احتمال اخلي حد معرفه يشوفهالي من السعوديه ولا حاجه. أو احتمال اشوفهم من على النت بس هتقف عليا غاليه

أنا متأسف جدااااااا على تعبك معايا أستاذ أيمن. جزاك الله كل خير :)

ولا تعب ولا حاجة يا استاذ محمود.ومعلش كان نفسى اساعدك اكتر من كدة.وفعلا الدواسات هتقف عليك من برة غالية حبتين.

ولو العملية لقيتها صعبة اوى يبقى اعمل زى ما عملت.انزل بالمتر وقيس المساحة فى العربية وانزل اشترى اقرب حاجة للعربية ويستحسن اكبر من المساحة اللى عندك عشان تقص فيها براحتك.

**mahmoud_afifi** · 09-09-2011 07:11 PM

المشاركة الأصلية كتبت بواسطة bisoolover

ايه رايك فى الطقم ده يمشى موكيت ويمشى دوااسة كاوتش ؟؟ ايه رايك ؟

هو حلو بس هحتاج أقص منه الجزء الي على الشمال فوق عشان في جزء بلاستيك بارز.
ولو قصيت منه هيبوظ شكلها

**mahmoud_afifi** · 09-09-2011 07:23 PM

المشاركة الأصلية كتبت بواسطة Ayman-Ahmed

ولا تعب ولا حاجة يا استاذ محمود.ومعلش كان نفسى اساعدك اكتر من كدة.وفعلا الدواسات هتقف عليك من برة غالية حبتين.

ولو العملية لقيتها صعبة اوى يبقى اعمل زى ما عملت.انزل بالمتر وقيس المساحة فى العربية وانزل اشترى اقرب حاجة للعربية ويستحسن اكبر من المساحة اللى عندك عشان تقص فيها براحتك.

ألف شكر لذوق حضرتك :)
اصل الفكره اني اخاف اجيب دواسات وبعد لما أقصها يطلع شكلها وحش ويبقى رميت الفلوس في الارض.
وكمان مش أكيده حكاية اني اجيبها من بره. الناس تضحك عليا

هدور تاني وربنا يسهل ان شاء الله

**mahmoud_afifi** · 10-09-2011 01:13 AM

المشاركة الأصلية كتبت بواسطة zocor742

الدواسات دى على فكرة مش متوافرة اوى
لو حد لية قريب او صديق فى الخليج وخصوصا السعودية هيلاقيهم
لسة كنا بنكلم فى الموضوع دة انبارح انا وواحد صاحبى لسة نازل اجازة من السعودية
عندهم بيفصلوا الموكيت اللى بيبقى على التابلوة اللى بنشوفة فى العربيات الجمرك وغالبا التويوتا واللى بيعمل الحاجات دى بقى سروجية مصريين بيبقوا شغالين تبع محل اسكسسوار او موزع بيفصلوا دواسات بالموديلات بمكنة وياخد المقاس ويشيل الزيادة . او شغل الاصلى توكيلات
انبارح كنت نزلت عزبة سعد عندنا فى الاسكندرية زى الاماكن اللىعندكم زى التوفيقية كدة
عجابنى طقم دواسات حوض جديدة بفكرة جميلة جدا الحوض العادى بيبقى القطار بتاعة حوالين الدواسة كلها
الجديدة الحوض فى المنطقة اللى بتحط فيها رجليك والباقى بيبقى مفرود عادى ب3رسومات وهم الدواسة نفسها سودا وخامة جيدة جدا جدا . الحوض بيقى تحت رجلك فى مجال تحريك رجلك يعنى الحوض واخد ثلث الدواسة والباقى من قدام الرسمة بحفر فى الدواسة عاملة 150ج بس كا فكرة جديدة وخامة تستاهل .
شوفت حاجة زى اللى بتتكلموا عاليها بقى جلد وتحت رجلك موكيت وعليها لوجو تويوتا وتحتية كورولا اللون بيج , وواحدة تانية كانت نفس النظام بس لوجو هوندا وتحية سيفيك لونها رصاصى بس الصراحة ما اخدتش بالى من ابعادهم مختلفة على يعنى متفصلة قد رسمة الارضية ولا تفصيلة واحدة ولوجوهات والوان مختلفة بس .
انا معايا طقم دواسات الاصلى جاى مع العربية لما اخدتها من الجمرك كان جاى فبريكة بتفصيل الارضية بالظبت 2 دواسة قدام وواحدة طويلة ورا بالعرض مش المشكلة انها موكيت ومكتوب عاليها نوبيرا فا لو استخدمتها هتتبهدل هتتبهدل فا بحط فوقيها دواسات جلد بس شايل اللى ناحية السواق عشان الدوستين مع بعض بيعلوا والدبرياج مش بيجى للأخر بس بحث انى الارضية عندى طرية ومريحة الصراحة وهما فوق بعض .

أنا والدي في السعوديه واحتمال أروحله و أجيبها من هناك و ليا صحابي كمان هناك ممكن أطلبها من حد منهم. بس اول مره اسمع موضوع السروجيه الي بيفصلوها دي ! موجوده في كل مدن المملكه ولا العاصمه والمدن الكبيره بس ؟

وعلى فكره انا عندي طقم الدواسات الحوض الي حضرتك بتتكلم عليها كنت جايبها من سبير كار السنه الي فاتت. هي عمليه وحلوه بس عيبها ان المقاس مش مظبوط بالظبط ولو قصيت منها هيبقى شكلها وحش.

متشكر على رد حضرتك :)

**mahmoud_afifi** · 10-09-2011 02:57 AM

المشاركة الأصلية كتبت بواسطة zocor742

طيب ماشاء الله مش محتاج ان حد يجبهوملك بس من المكان الفولانى
طيب سيبنى لبكرة اجبلك فين الاماكن على فكرة صحبى دة كان شغال فى مجال ال accessories
بالزات تخصصة تقفيل عدد ساونت سيستم العربية بتدخلة وبيشوف صاحبها هيسقط عدة اية مثلا وبعد كدة بيقل العدة والصراحة الواد ماشاء الله بيطلع من تحت ايدة عدد شديدة واشتغل فى السعودية فى عربيات عالية وبيركب زينون وحاجات تانية تقريبا مكانة الدمام او الرياض تقريبا بكرة هتأكد ولما ارجع هقولك .

بجد والله دة انا اول مرة اشوفها الصراحة بفتكرة شغل جديد لسة نازل هيا فعلا تحث ان الدواسات اللى قدام طوااال شوية مش كدة انا مشوفتش شكل بقية الطقم كان فى المشمع بتاعة وسعرة 150 او 160 حضرتك كنت جايبة بكام واية رأيك اجيبهم وهما شكلهم عملى وشكلهم حلو بس احساسى انهم طوال
هو الحلو اللى عندى ان الارضية مفهاش منحنيات كتير ممكن بس تحت السائق سنتر الشنطة والتانك وكدة .
خلاص بكرة ان شاء الله هجبلك العناوين ويارب يكونوا قريبين منك او من اللى هيجبهملك عشان عارف المشوار هناك من بلد لبلد كتيييير اوى .

الف شكر يا باشا
بالنسبه للدواسات هما حجمهم حلو و كبير يعني يملا مساحة الارضيه ومايبقاش في فراغات تسمح للتراب يقع فيها. يعني هي عملية أكتر من أنها شياكه. وفعلا هما طوال وده ميزه مش عيب علشان لو واحد طويل شوية وفارد رجله ماتجيش على موكيت العربيه. وسعرهم كان 150 وخدتهم تقريبا على 140 او 130 مش فاكر بالظبط. وطالما عند حضرتك ومفيش منحنيات كتير يبقى هتظبط ان شاء الله. سعرها يستاهل كل جنيه يتدفع فيها.

وياريت والله يبقى كتر الف خيرك لو تدلني على الاماكن في السعوديه الي ممكن اجيب منها الدواسات دي سواء المنطقه الشرقيه او الرياض او حتى جده عشان دايخ عليها بعيد عنك

-

-

-

الموضوع: منين أجيب الدواسات الاصليه للعربيه ؟

LinkBack

أدوات الموضوع

عرض

-

المواضيع المتشابهه

عاوز أجيب غطا للعربيه؟بكام؟

منين اشترى عدسات للعربيه

اجيب منين فوجات الفيرنا الاصليه

منين أجيب فرش و أركبه عند حد فهمان و اه أحسن أنواع و اشكال الدواسات ياهووووو

استفسار بخصوص التابلوهات ؟ ينفع أجيب أي تابلوه للعربيه ولا لا ؟

الكلمات الدلالية لهذا الموضوع

المفضلات

المفضلات

ضوابط المشاركة