الموضوع: ميكانيكى فيات انقذ حياه الاوبل :d

السلام عليكم ورحمة الله وبركاته،،

ازيكو يا ابلاويه كل سنه وانتو طيبين ومعلش بقى متأخره لانى لسه راجع من السفر
كنت مستمتع ب اسبوع جميل فى رأس البر جت العربيه نكدت عليا قبل ما اسافر بيوم والاقى الدركسيون تقل اوى فى ايدى وابص تحت العربيه الاقى خط زيت وكتله زيت بور تحت العربيه

طبعاً قلبى وقع تحت العجل لاقيت ميكانيكى فيات بقولو بص عليها صدمنى صدمه عمرى وقالى الكستره ضربت زيت يعنى اشيل علبه دركسيون وقصه وانا غريب فى البلد اتصلت بالمنقظ الى بيلحقنى كل مره طنانى حبيب قلبى وادانى رقم فادى لانو من دمياط بصراحه اول ما سمعت صوتك انا اطمنت جداً رغم انى كنت محتاس بالعربيه،، فضل معايا محاولات بالاتصال بالميكانيكى وبعد تحديد معاد مع الميكانيكى كان مسافر ومعاه شغل المهم لاقيت فادى كلمنى تانى وقالى على حتت دين فكره انى اشيل الخرطوم من الكستره و اطببو بمسمار مثلاً واحط زيت فى الخزان كده ماكينه الباور شغاله معاها زيت بس الدريكسيون معايا عادى مش باور قولت اشطه لما بفكرتها فيها لاقيتها نظرياً صح 100% وهو كلم طنانى واكد بالموافقه سئلت الميكانيكى قالى لا كده انت قفلت الدوره وممكن تضرب منك يا طلمبه الباور يا الخراطيم السؤال هنا بقى ليها هو مشوار التزيت بدل ما هايروح على علبه الدركسيون ويرجع تانى طيب هاشيل خرطوم الداخل والخارج واقفل الدوره بدرى شويه قبل علبه الدركسيون بردو قالى لاء
مقتنعتش بكلام الميكانيكى بصراحه روحت ل ميكانيكى الفيات ده بتاع الراس البر وقلتلو نفز وربك يسترها بس ابقى حاولت مع الباور انى انقزو ... مهو اصل كده كده انا كنت هارجع بيها كده من غير بارو بس كنت كل شويه احط شويه زيت فى الخزان ولما ارجع ابقى اعمل طقم اصلاح للباور

اللهم لك الحمد الراجل لما نزل تحت العربيه وبص لاقى ان الخرطوم هو الى مقطوع ومغرق الكستره زيت ومكانتش باينه من فوق قطع مكان القطع بالظبت وحط ماسوره قطر 8 نفس فتحه الخرطوم وربطها ب كوليه وجربت تمام والحمد لله رجعت من السفر ومعملتش اى حاجه معايا

وطبعاً فادى باشا مكنش مفارقنى ثانيه بثانيه معايا على التليفون لغايه وانا فى الطريق للرجوع
كتر الف خيرك يا فادى وبجد انا مش مبسوط من العربيه قد ما انا مبسوط بمعرفه عصابه الاوبل