يشتري عربيه دلوقتي ولا ميشتريش

**رزق** · 04-09-2011 10:58 PM

ماينفعش يتعلم أو يبتدي على عربية جديدة حيتعب قوي لو حصلها حاجة

الصنايعية مقرفين جداً جداً وهيشتغلوه !! والمستعمل مش مضمون خاااااااااااااالص !!

ياخد معاه حد فاهم كويس وهو رايح

**خالد** · 04-09-2011 11:25 PM

الزيرو زيرو ياباشا
عربية خارجة من المصنع عليه عدل
مش هيتعب مع الصنايعية خااااااااالص خاصة أنه قليل الخبرة
لو مستعمل صدقنى هيكره العربيات كلها من قرف الصنايعية ، كل الصنايعية عندنا أما معدومى الضمير أما فهلوية وبيفتوا وخلاص وهوة مش غرمان حاجة ، أما مقرف ويقعدك جنبه بالساعات ، أو بيفهم وشاطر بس حراق جدأ فى الفلوس يعنى عطل لايستحق المبلغ المدفوع فيه !!
كلهم متعبين جداً جداً إلا من رحم ربى
العربيات المستعملة غالباً كلها مشاكل وتحتاج مصاريف
نصيحة متجربة زيرو وأشترى دماغك
وربنا يوفق الجميع

**Mohamed_Nafie** · 05-09-2011 01:37 AM

المشاركة الأصلية كتبت بواسطة خالد

كلام مظبوط 100*100
الصنايعية مقرفين جداً جداً وهيشتغلوه !! والمستعمل مش مضمون خاااااااااااااالص !!
بس أعتقد أن السؤال الأصلى : يشترى دلوقتى ولا يستنى شوية خوفاً من السرقة ؟
لأنى حاسس أن دفة الموضوع أتغيرت شوية ! بين الجديد والمستعمل !
أنا رأيى لو طريقه محور ودائرى وطرق سريعة يبقى يستنى شوية علشان المخاطرة هتكون كبيرة
إنما لو داخل المدينة ومنطقة غير مطرفة ، يتوكل على الله ويجيب زيرو ، ويآخد شوية إحتياطات يعنى لازم جراج عند البيت وعند شغله ، وتركيب جهاز تتبع للعربية ( بسمع عنه ولكن ماعرفش عنه أى تفاصيل !!!)
والأهم من ده كله دعاء حفظ السيارة : يامن لاتضيع ودائعه ، اللهم إنى أستودعك نفسى وأمانتى ، اللهم أحفظها لى من كل سوء
أو أى دعاء يفتح الله عليك به
والأكثر أهمية هو صلاة الإستخارة
وربنا يوفق الجميع

و الله يا أستاذ خالد هو يعني خايف من الي بيحصل و زي محضرتك قلت كده "يشترى دلوقتى ولا يستنى شوية خوفاً من السرقة" و البلطجه الي فكل حته هو ده الي أنا فعلن عايز أوصله..

طريقه كله الدقي, 6 أكتوبر, مصر الجديده, مفبش محور أو دائرى الحمد الله...

أنا نصحته بصلاه الأستخارة و خيره فيما أختاره الله له.. و عمتن هو مكنش مقتنع بالمستعمل بس كان بيكلم معايا بيقول ان الحراميه بينشُنوا علي العربيات الجديدة فا فكر شويه في المستعمل بعد ما قاله الأستاذ رزق.

و شكرا جدا علي النصيحة من الأستاد رزق و الأستاذ خالد... :)

**Mohamed_Nafie** · 05-09-2011 04:18 AM

اه بالنسبه ل 6 أكتوبر .. أنا أقصد كوبري 6 أكتوبر
أما بالنسبه للطرق السريعه فا أكيد هايبقى في صلاح سالم و الاوتوستراد.

أنا هأقوله يأجل شويه لشهر فبراير كدا .. لعل و عسي تكون الدنيا هديد شويه ...

و الله المستعان ...

**elhelwany188** · 05-09-2011 01:33 PM

السلام عليكم ورحمة الله وبركاته
اخى الكريم نصيحة لوجه الله تعالى خليه يحاول يستنى شوية دلوقتى سواء زيرو او مستعمل
وهو كده كده مش متعود على ركوب العربية فبالتالى مش هتبقى مشكلة بس فعلا الدنيا مش امان
انا حصل موقف قدامى فى رمضان واحدة نزلت من العربية علشان تجيب حاجة من السوبر ماركت وكان موجود فيها ابنها والدادة وواحد دخل العربية ونزل الطفل والدادة وطلع بالعربية فى ثوانى قبل ما اى حد يفهم ايه اللى بيحصل والكلام ده كان الساعة اثنين الظهر

**Mohamed_Nafie** · 05-09-2011 02:01 PM

السلام عليكم ورحمة الله وبركاته

شكرا على مشاركتك و أنا فعلا أقنعته أنه يستني لحد ما نشوف البلد دي مشايه أزاي

بالنسبه للزيرو او مستعمل و كان بيفكر أنه مش هيلفت الحراميه أوي زي الجديد .. مش أكتر..

و أن شاء الله خير...

**fineart607** · 05-09-2011 02:08 PM

يتوكل على الله ويشترى جديد ويتمتع بيه

وكل ما يركبها يقول فالله خير حافظا وهو ارحم الراحمين

والمهم ميوقفشى لاى حد على الطريق حتى لو مين؟؟؟؟؟؟؟؟؟؟

**bentrewsha** · 08-09-2011 04:49 AM

فيه مستعمل حالته كويسه حدا

**mado83** · 08-09-2011 11:39 AM

ربنا الحافظ وماحدش هيقدر يمنع القدر المهم انه يبقى حريص شويتين
انزار وغطا
وعلى اد مايقدر الركنات تكون فى جراج
هيتعب شويه فى الاول بس لحد لما الدنيا تبقى اكتر امانا

**رزق** · 08-09-2011 11:42 AM

المشاركة الأصلية كتبت بواسطة mado83

ربنا الحافظ وماحدش هيقدر يمنع القدر المهم انه يبقى حريص شويتين
انزار وغطا
وعلى اد مايقدر الركنات تكون فى جراج
هيتعب شويه فى الاول بس لحد لما الدنيا تبقى اكتر امانا

معاك
ممكن يجيبها بعد تحسن الحالة الامنية وتتسرق
هو يتوكل على الله يحاول يحافظ عليه بقدر الامكان