طب يا ترى الجيتا الجديدة نازلة زي امريكا torsion beam ولا اية؟؟ و لو كدا في حد ممكن يشتريها!!؟؟
طب يا ترى الجيتا الجديدة نازلة زي امريكا torsion beam ولا اية؟؟ و لو كدا في حد ممكن يشتريها!!؟؟
لو حد يعرف ثبات الفلوينس و الميجان II ........ أحب أقولك ..... كنت راكب عربية بـ Beam Axle ورا
يعني تعليق غير مستقل Dependent suspension
في رعاية الله
أحترم الجميع فى النقاش الهادئ والمحترم
وبناء على تجربه فعلا الكورى غير الألمانى كنت راكب بولو
ونزلت ركبت النترا 2006 الشكل اللى قبل القديم حاليا مع ان العربيه دى محترمه جدا ويقال عنها مرسيدس الهيونداى بس فى فرق ميحسوش غير اللى جرب
وفى النهايه كل واحد ليه وجهة نظر وبحى احترام الرأى والرأى الأخر
حضرتك مشاكل شركة كيا استمرت اكتر من 10 سنين من اواخر التسعينيات (تقريبا 98 او 99) لحد 2008 او 2009 ومع ذلك في الفترة دي كان في مبيعات للكيا اسبكترا 2002 - 2006 تقريبا وكان في مبيعات للكيا ريو وكان في مبيعات للكيا برايد السيدان واخيرا الكيا سيراتو 1 و 2
هتقولي قطع غيار ؟؟؟؟؟؟؟؟
ياباشا الناس اتخبلت لما شافت النيو سيراتو بوشها الرياضي الجرئ (بس تقريبا ماشافوش ظهرها الي بيفكرني بالحيطة او الميكروباص) شكلها من ورا وحش اوي ومفهوش اي تصميم كأنها كانت هاتشباك وحد كملها اي عك او المصمم مات وكملها ابنه (فيلم حليم)
والله المستعان
،
،
طيب و فين البديل لو الناس مش هتشتري الكوري
أنا عايز حضرتك تدينا رأيك في الفيديو ده و تبحث لنا عن سيرة الأسطي بيتر مصمم السيراتو و تدينا تقييم لتصميماته
Kia Forte Design Concept, Peter Schreyer - YouTube
اولا المقارنه ظالمه من البدايه بين كوري والماني وغير منصفه
مش معقول حاطين السيراتو والالنترا ::: مقارنه مع البي ام والاسكودا والفورد ::: الخ
احنا كده المصريين نحب نمجد في صناعة غيرنا وندافع عنها في حين هما عادي جدا
زي الموبايلات عاملينها لينا مش ليهم ::: والله بشوف اجانب كتير معاهم لسه موبايلت عاديه تتكسف تشيلها
تسأله ليه كده :: يرد ويقول مش بيقول الوه خلاص: ربنا يرحمنا
انا كمان سعيد بالحوار معاك
بس حضرتك يبدو فهمتني غلط
اكيد لكل قاعدة شواذ، اكيد فيات بالرغم ان هي اوروبي الا انها عملت عربيات مش حلوة (انا شخصيا مش بحب البونتو او السينا) لكن التمبرا ممتازة بكل المقاييس
ثانيا
انا شخصيا لو معايا 65000 مش هحطهم في فيرنا ابدا زيرو هحطهم في اوبل فيكترا 2002 تحفة او هحطهم في اوكتافيا 2004 او هحطهم في بي ام 97 او بورا 2002 او جولف 4
الكوري عيبه قلة الجودة بتاعته لأني مقتنع 100% اني لو عملت حادثة علي سرعة قليلة مش هموت سواء في بي ام او في فيرنا ولو عملت حادثة علي سرعة عالية هموت سواء راكب بي ام او فيرنا وكل حاجة بأيد ربنا في الأول والأخر لكن الفيصل هنا لما تعمل حادثة بعربية وتلاقي العربية نفسها حافظت علي الي جواها وحافظت علي نفسها يعني صحيح في المثال الأول مش هموت بس ممكن يحصلي كسر والعربية يمكن تضيع لكن عن تجربة بعربيتي الأوروبي انا راشق في سور الكوبري والعربية بفضل الله الخسائر فيها ملمومة هي صحيح غالية بس ملمومة وانا نزلت سليم بفضل الله مفيش اي حاجة لدرجة اني عرفت ان حزام الأمان عندي علي اير باج والأير باج ضرب من قوة الصدمة عشان مايشنقنيش او يسببلي الام في صدري والعربية بفضل الله قوايم سليمة وسقف سليم بربريز سليم والأبواب بتفتح وتقفل عادي جدا والخسائر لم تتعدي الكبوت (صحيح هو كل حاجة في الكبوت باظت بس لم تتعدي الكبوت) ولما تبص علي تصميم العربية لأمتصاص الصدمة بجد تقتنع بكلامي وربنا يارب يكفيك الشر
كقطع غيار الأوروبي اغلي قطع غيار بس احيانا الياباني بيفوقه وبيبقي اغلي منه
لكن كعمر افتراضي اعتقد الأوروبي بيعيش اكتر
انا وحضرتك وكل الناس مقتنعة ان احسن صناعة في الدنيا الصناعة الأوروبي، سيبك من العربيات خالص لو حضرتك نازل تشتري موتور مياة ولقيت الأتي (كوري - ماليزي - صيني - فرنساوي - ايطالي - الماني) بالله عليك هتختار ايه ؟؟؟؟؟
انا شخصيا هشتري الأيطالي (لكون ايطاليا مشهورة بمواتير المياة لكن اكيد الألماني هيبقي افضل لو في اساسا)
انا عارف حضرتك هتقولي ايه، بس انا رديت في المثال قبل السابق
هتقولي القيمة مقابل السعر
واني هدفع مبلغ معين هاخد قصاده حاجة معينة وانا رديت علي حضرتك اني لو معايا 65 هشتري بي ام او ....
وانا لحد النهاردة مش مقتنع بالعربيات الصيني ولو دفعولي عليها فلوس والله ماهشتريها لأني مقتنع ان الي غشني - عذراً - في الشوز مش هيكون معايا أمين وهو بيعملي عربية لأني جربت مرة شوز شكله تحفة بس صيني وطبعا طول عمرنا مجربين المصري والأيطالي والله ولو ان خسارة فيهم القسم الشوز ماكمل معايا شهر ونص وكان نصين
انا اساسا مش مقتنع بالسعر القليل مقابل جودة قليلة او علي قد فلوسه وخصوصا لو اساسا حاجة معمرة والأصول انها تعيش سنين وسنين الكلام دة لو ولاعة ولا قلم جاف لكن عربية لا
العربية من السلع المعمرة وبيتعملها عمرة وتصليح وصيانة والمفروض تعيش علي الأقل زي ال128 والمرسيدس والبيتل يعني مش اقل من 40 سنة
انا سعيد اني اتعرفت عليك استاذ توت عنخ امون
م/ محمد سيد
والله المستعان
،
،
الله عليك يا محمد يا حبيبي
عامل ايه ؟؟
انت لو مكنتش دخلت انا كنت هدعوك للمشاركة لأبداء الرأي لعلمي بولعك وادمانك للبولو والوفولكس بوجه عام
طب اهو الراجل دة قال كل الي انتوا كنتوا بتتناقشوا فيه
نزل من بولو وركب سبحان الله النترا الشيب الي كان نزل منه خليجي بدون ضمان ونزل منه تاكسي Cairo Cab
يعني فعلا اكتر النترا عملت صيت للهيونداي وبالتحديد الألنترا بعد ظلم لكل موديلات الألنترا الي قبلها
وعلي فكرة الشيب بتاعه بيقال عليه انه محتفظ بثباته لحد 180 وعن تجربة بس بعد تغيير الجنوط ل15 195
شكرا محمد بيه
والله المستعان
،
،
اهي دي الزتونة
دي مشكلتنا كلنا
كل واحد هنا في المنتدي نفسه يركب Volvo S80 بس منين ؟؟؟
مش المنتدي بس
دي مصر كلها
بس المشكلة ان احنا مش معانا غير نركب كوري
وعلي فكرة امريكا نفسها عندها المشكلة دي بس الفرق بينا وبينهم ان هما الي بيركب كوري لو قارنته بمثيله في مصر مش هتلاقيه حتي يقدر يركب اوتوبيس النقل العام
يعني تعلم حضرتك ان الأمريكي لو مش معاه يركب امريكاني او الماني (اغلي عربيتين في امريكا) بيتضطر يلجأ للبديل (الياباني والكوري) ودة كان مدخل اليابان لأمريكا وحضرتك تعلم عداء امريكا لليابان ومنتجاتها زي لما عملوللهم المنتجات بتاعة بايونير ميكسيكي بسبب رفض امريكا للمنتج البيونير الياباني ودخول السيارات الهوندا لأمريكا بسبب ازمة البنزين في السبعينيات
معلش يا باشا
الكوري عرف يلعب علي الوتر الحساس عند كل الناس وهو تحقيقه لحلم اقتناء سيارة علي الزيرو بمبلغ في متناول الأيد
والله المستعان
،
،