رجاء أفيدونى عن مراكز صيانة ميتسوبيشى

**moataz59** · 04-09-2011 11:21 PM

السلام عليكم جميعا
ياريت حد من الأخوة الأفاضل يفيدنى عن مراكز صيانة ميتسوبيشى
معايا لانسر شارك اشتريتها مستعملة (وكيل) وعايز أعمل صيانة ال30000كم وهى خارج الضمان حاليا
فهل مراكز الصيانة التى تتبع التوكيل القديم (المصرية والرواس) لازالت تخدم سيارات ميتسوبيشى
وألا أروح لمركز خدمة التوكيل الجديد فى أبو رواش - وألا ليهم فروع أخرى؟
على فكرة أخوكم من بورسعيد - وكنت عايز أختصر المشوار......
ألف شكر

**IronHead** · 05-09-2011 12:33 AM

بدام العربية مش فالضمان فاعمل الصيانة فى اى مركز محترم عندوكو فى بورسعيد عشان صيانة ال 30000 مفيهاش غير تغيير زيت بالفلتر وتربيط عفشة, وهيتكشف على التيل الامامى ويتغير ان لزم

فى نقطة مهمة احب اوضحها بخصوص الضمان, اغلب التوكيلات بتخلى الضمان سارى على اول مالك بس, يعنى لو العربية لسا فى الضمان والرخصة اتغيرت باسم حد تانى تخرج من الضمان :(

**moataz59** · 05-09-2011 12:50 AM

المشاركة الأصلية كتبت بواسطة ironhead

بدام العربية مش فالضمان فاعمل الصيانة فى اى مركز محترم عندوكو فى بورسعيد عشان صيانة ال 30000 مفيهاش غير تغيير زيت بالفلتر وتربيط عفشة, وهيتكشف على التيل الامامى ويتغير ان لزم

فى نقطة مهمة احب اوضحها بخصوص الضمان, اغلب التوكيلات بتخلى الضمان سارى على اول مالك بس, يعنى لو العربية لسا فى الضمان والرخصة اتغيرت باسم حد تانى تخرج من الضمان :(

ألف شكر على مشاركتك معايا
للأسف مفيش فى بورسعيد مركزصيانة بشكل عام - فيه محطة بنزين كانت تتبع زمان إسو
وكنت بأغير فيها الزيت - وفيها تربيط عفشة - وضبط زوايا وترصيص - لكن مافيهاش شغل ميكانيكا - كمان بالنسبة للكشف عن فلتر الهواء أو تنظيفه ؟؟؟؟
يعنى رأيك أروح لميكانيكى عادى ينظف الفلتر ويكشف على التيل ؟
كمان مش متأكد من موضوع فلتر الزيت إذا كنت هالاقى هنا الأصلى وألا لا .....
ياترى اللى موجود فى التوكيل بيكون أصلى - زى اللى راكب فى العربية
شكرا