سؤال فني وعايز حد يكون بيفهم في التركيب

**sharpen** · 06-09-2011 12:58 AM

المشاركة الأصلية كتبت بواسطة hema_lancer

بالظبط كده
الكاسيت بيبقي ليه 2 كهربا
واحد احمر من الكونتاكت
و واحد برتقالي بيوصل علي طول بالبطارية

بس سؤال بقي
انت عندك ساعه في الكاسيت؟ وهل لما بتطفي وتشغل بتفضل مظبوطه ولا بترجع من الأول هي كمان؟

انا فاهم قصدك من حكاية الساعة بس برضة حتى لو الاتنين الموجب موصلين وبيفصلوا مع الكونتاكت هتفضل الساعة مضبوطة لان فى معظم الدى فى دى الحديثة فى بطارية صغيرة زى بتاعة المازربورد وهتحفظ الساعة حوالى من يوم الى 3 ايام حسب الموديل

**Boshy911** · 06-09-2011 03:27 AM

الله أنا مش عارف أشكركم إذاي ,,, بس أنا فعلاً عاندي الساعه و محطات الراديو و الإعدادات بتاعة الأيكوليزر والديفيدي كلها بتفضل مظبوطه حتي مع غلق الجهاز .... ورحت النهارده للتوكيل بتاع الكاسيت قالي إن العربيه مفيهاش كونتكت يعني بيتوصل أوتوماتك بفيشه علي فيشة العربيه علي طول من غير لعب و توصيل الأسلاك يدوي ...

عموماً هو موديل الجهاز ca3652g ... ممكن يكون عيب في السوفت وير بتاع الجهاز ,,, بس ياترا حد ممكن يلاقي ليه تحديث أو حاجه تحل المشكله دي لأني فعلاً كرهت الكاست بسبب العيب المتخلف ده ,,,, ودي عيب اللي يجيب حاجه صيني رغم كثرة إمكانياته

**Boshy911** · 07-09-2011 03:42 AM

محدش عنده حل للمشكله دي ؟؟؟

**sharpen** · 07-09-2011 04:26 AM

معايا سوفت وير لجهازك

**Boshy911** · 07-09-2011 01:02 PM

المشاركة الأصلية كتبت بواسطة sharpen

معايا سوفت وير لجهازك

طيب إلحقني بيه الله يخليك ,,, وقولي طريقة تنزيله علي الجهاز

**sharpen** · 07-09-2011 01:51 PM

بيتحط على الفلاشة وتشغل الكاسيت على وضع الجى بى اس وهو يبدا فى التحديث

**ahmedaglan** · 07-09-2011 02:47 PM

انا عندى نفس المشكلة
انا عندى dvd بايونير 4350 وعملة مع الكونتاكت وكل مفصل واشغل بيرجع من الاول وخايف الجهاز يجرالو حاجة

**Boshy911** · 07-09-2011 04:32 PM

المشاركة الأصلية كتبت بواسطة sharpen

بيتحط على الفلاشة وتشغل الكاسيت على وضع الجى بى اس وهو يبدا فى التحديث

طيب قولي أجيبه منين وأخده منك إذاي ,,, أرجو الرد لو سمحت وعلي وجه السرعه

**alzelafy** · 08-09-2011 03:39 PM

ايوا يا باشا زى ما الاعضاء قالولك انا بوصل و عارف السلك الاصفر دة اسمو سلك ال>اكرة و بياخد مباشر من البطاريه عشان الميمورة تفضل مستمرة مع استمرار الكهرباء روح لاى كهربائى و قولو على انو يوصلك السلك الاصفر مباشر كهرباء و بس

**samehelrewesh** · 08-09-2011 03:57 PM

المشاركة الأصلية كتبت بواسطة ahmedaglan

انا عندى نفس المشكلة
انا عندى dvd بايونير 4350 وعملة مع الكونتاكت وكل مفصل واشغل بيرجع من الاول وخايف الجهاز يجرالو حاجة

فى سلك اصفر دا لازم ياخد كهربا دايركت متفصلش غير لو شلت كبل البطارية دا بتاع الميمورى
والاحمر دا هتوصله ع الكونتاكت عشان ميشغلش الكاسيت غير وانت فاتح او مدور العربية

بس فى نقطة فى اجهزة حتى لو انت موصله دايركت ع البطارية من غير كونتاكت بيفصل وانت بتدور ودا بيكون حاجة كدة زى امان عشان الكهربا بتاعت العربية بتتغير وانت بتدور
فا احسن حل انك تكون طافى الكاسيت وانت بتدور