4- محمد حسين
على فكرة مدير الفرع اسمه الأستاذ شعبان و هو أتصل بأخويا و قاله انه ظبط العقد مع الشيخ على السالوس فعلاً الكلام ده كان امبارح و ربنا يجزيه خير:embarrassed2:
ناويين تروحوا إمتى بإذن الله؟؟؟؟
أ / شعبان حافظ ..
بس هو مش قريبى على فكره ...
خدوا بالكم من النقط اللى قلتها وخصوصا موضوع التأمين
الراجل ده محترم جدا ... بس اهم حاجه هى سياسه البنك
والله انا اتمنى انى الاقى مكان مفيهوش اى شبهات
انا بس حبيت انقل خبرتى علشان الناس تروح تتكلم فى كل النقاط
وربنا يهدى ويصلح الحال لنا جميعا
1-محمد عيسى
2-عمرو عمارة
3-محمود عبد العظيم
4-محمد حسين
5-؟؟؟؟؟؟؟؟؟؟
وانا معاكم.
* التأمين تبع بيت التأمين المصري السعودي أو الجمعية المصرية للتأمين التعاوني
* خلو بالكم ان البنك مابيدفعش الشيك للمعرض غير لما تمضي انت كل الاوراق ومبعدين يروح يستلم العربية من المعرض وانت معاه ويسلمهالك هناك... يعني بيبيع ما لا يملك وما بيحوزحوش فعلا عنده........ اتاكدو من النقط دي.... واسألو كويس
محمد
الشيخ افاد انه عارف كل تفاصيل التعاقد بتاعة الفرع بتاع عباس العقاد و انها حلااااال
وانا احسب الشيخ على خير و مش ممكن يحلل حاجة حرام
انا سألت على النقطة دي و الاخ افادني ان المرابحة ان البنك يدخل معاك كشريك في العربية بباقي التمن اللي انت مش قادر تدفعه
يعني مثلا العربية ب 100 الف ونت مش معاك غير 40 الف
ال 60 الف الباقيين هيتحسبوا 82500 عشان انت هتدفع بالاجل يعني كان العربية بـ 122500 على 5 سنين انت هتدفع منهم 40000 و البنك هيدفع 82500 و تدخلو شركة في العربية و كل شهر انت بتدفع جزء من نصيب البنك في العربية لغاية لما تخلص نصيب البنك كله و العربية تبقى بتاعتك لوحدك
هو دا نظام المرابحة اللي ماشي بيه بنك فيصل فرع عباس العقاد