ما أنا قولت على ميعاد قبل كدة ومحدش عبرني بكلمة لأ حتى!!!....مش مشكلة أنا هاروح لوحدي بكرة إن شاء الله
ربنا يباركلك يا أستاذ محمد على الوصف
لا حول و لا قوة إلا بالله!
طب خلينا نقول بكرة الساعة 11 أمام البنك إن شاء الله و اللى ظروفه تسمح يروح و الله المستعان،،
مدير البنك أسمه الأستاذ شعبان
و على فكره أخويا قاللى ان البنك بقه بيجيب العربيه و يسلمهالك عند البنك لضمان ملكية و حيازة البنك للسيارة و الله أعلم
بس ربنا يكرمك ماتبخلشى علينا فى التفاصيل و ربنا يجعله فى ميزان حسناتك:biggrin2:
يا جماعة الأستاذ عمرو عمارة رايح دلوقتى البنك ياريت ندعو الله أن يوفقه و يجعله فى ميزان حسناته بعد تقاعس الجميع عن الذهاب معه و أنا أولكم :banghead:،،،
ربنا يوفقه و يجعله فى ميزان حسناته أأميييييييييييين
السلام عليكم
الحمد لله روحت بنك فيصل فرع عباس العقاد ولسة جاي حالاً
دخلت البنك وسئلت على قسم الإتمان وقابلني موظف من القسم ( طبعاً ماقدرتش أخش لمدير البنك عشان أنا لوحدي)...ودة الحوار الي دار بيني وبين موظف القسم:
س: أنا عايز أسأل علي نظام تقسيط السيارات
ج: في عندك ورقة معلقة فيها كل الأوراق المطلوبة
س: لأ أنا عايز أسأل علي بنود العقد وكيفية تنفيذ الشراء
ج: والله يا باشا لازم تعرف إن إحنا علينا رقابة من الجمعية الشرعية الخاصة بالبنك ولازم تثق في ذلك...
ج(أنا): يا سيدي ما أنا عارف بس الواحد لازم يبقى فاهم برده الدنيا ماشية إزاي
س: أنا عايز أعرف إجراءات شراء السيارة وهل بتمتلكوها الأول وبعدين تبيعهالي؟
ج: بص يا باشا بالعقل كدة ماينفعش أخليك ماشي بعربية بإسم البنك وبعد إنتهاء مدة القسط أقولك روح الشهر العقاري وإدفع ألف جنيه تسجيل:eek_yello:....إحنا بنشتري العربية وبنكتبها بإسمك ونعمل عليها حظر بيع....( طبعاً أنا ماردتش أخش معا في حوار إنك لازم تمتلك السلعة قبل بيعها عشان أنا عارف الرد هايكون إحنا في جمعية شرعية وهي أجازت هذه المعاملة )
س: طيب كنت عايز أسأل على بند غرامة التأخير
ج: بص يا باشا الناس بتيجي البنوك الإسلامية وفاكرين إن البنك دة عبيط ومش هايقدر يعمل غرامات تأخير فيتقاعص في السداد برحته بحجة إنه متعسر...وهو أصلاً بيكون مثلاً قاعد بيصف بسلامته في مارينا وبعدين يجي يقول أنا مزنوق ومتعسر....وخد بالك أنا أقدر أخد حقي كويس جداً منه وأبهدله
س: يعني إنتوا حاطين غرامات تأخير؟
ج: هي مصاغة بإسلوب مختلف....يعني مثلاً أنا باشوف ظروف المتعسر دة هل هي ظروف قهرية فعلاً منعاه من الدفع زي مرض مثلاً ولا هو بيدلع.....( أنا فاكر في واحد هنا في المنتدى ذكر بند غرامة التأخير الي موجود في عقد بنك فيصل بيقول " بما ان البنك لا يتعامل بالفوائد الربوية وحيث انه اذا تاخر العميل عن سداد الأقساط فان زلك يؤدى الى خسارة البنك وبالتالى وفقا للقاعدة الشرعية لا ضرر ولا ضرار فان البنك يقوم بفرض رسوم على العميل تعادل ما خسره البنك بسبب تاخر العميل عن السداد..." )
س: طيب هل في إمكانية إني أشوف العقد ؟
ج: لأ
س: طيب الأوراق المطلوبة إيه ؟
ج: الورقة الي على الحائط فيها كل المطلوب ....( وسابني ومشي :no4:....وأنا عايز أقولكم إن الحوار دة كله دار وإحنا واقفين أمام الغرفة بتاعته حتى ماهنش عليه يقولي إتفضل إستريح ونتكلم بإستفاضة!!....دة أنا كنت باشحت منه الكلام والله )
الشروط كالأتي:
- 35% مقدم السيارة
- 0.1% مصاريف إدارية
- تأمين شامل على السيارة .....2% سنوياً
- ضامن ( الأخ - الأخت - الزوج - الزوجة )
- حظر بيع على السيارة
الأوراق المطلوبة:
- مفرادات مرتب معتمد من جهة العمل ( HR Letter )
- جواب من جهة العمل بتحويل الراتب الي بنك فيصل ( البند دة 95% من الشركات بترفض تعمله )
- إيصال نور - غاز - تليفون
- صورة بطاقة الموظف والضامن
سبحانك اللهم وبحمدك أستغفرك وأتوب إليك
اهو ده اللى كنت خايف منه واتكلمت عليه
للاسف فى موظفين كتير غير متعاونين بالمره
والله لو حد فكر مره يروح لمدير الفرع للتفاهم انا مستعد اكون معاكم على الساعه 1 ظهرا لظروف شغلى ..
اهم حاجة تكون واثق من الكلام دا عشان ما تشيلش ذنب حد
جزاكم الله خيراا