الموضوع: اللي عايز تقسيط غير ربوي يروح المعرض ده( خلاصه الكلام)

المشاركة الأصلية كتبت بواسطة ahmedmohamedkamel

كان ليا تعليقين تلاتة الاول كدا وبعدين ندخل فى الموضوع على طول .......
1) أستاذ Renamr الاية الكريمة بتقول اية فأسلوب الرد على الجهلاء ....وكلمة جهلاء ديت مش سبة فالقران أبدا لم يكن كلام سباب ولا فحش القول لكن كلام منزل من رب العزة تعالى وجل شائنه وتنزه عن كل نواقص المخلوقات فالجهل صفة كل من لا يعلم ....... تصف الاية عباد الرحمن بأنهم من يردوا على من لا يعلم بأن يقولوا سلاما ... سيدى الفاضل أعتقد انك والبعض أيضا من الاخوه فى المنتدى رد بقسوة شديدة وبلهجة لا تتضمن شئ من السلام ....اذا كان القرآن بيذكرنا لما نجادل المخالفين لنا فى الدين بالتى هيا أحسن يبقى هوا ده اسلوبنا فالرد على ابناء عقيدتنا ......بعتذر ل أ.سعداوى عن أى كلام وأى ايحاءات ومش هطلب منه أى اعتذار لانه ببساطة مش عارف .....وبدل منتريق ونرد بشده نعرفه لان ذنبه فرقبتنا كلنا .....وخيركم من تعلم العلم وعلمه ............

حضرتك إعتبرتنا إحنا علماء وهو"ببساطة مش عارف" ولذلك لم تطلب منه الإعتذار وطلبت منا نحن الإعتذار بالرغم من أسلوبه في اختيار الألفاظ "مهلباوي .. بتنجاااان " وهو يتحدث في شئ يمس الدين !! .. ولا يوجد أدنى شبه بين تصرف الأعرابي في المسجد وبين الموضوع الذي نحن بصدده فالأعرابي لا يعلم حكم ما فعله ولم يجادل في شئ لا يعلمه أما أخونا سعداوي قرأ كلام العلماء في الموضوع وعلم الحكم وتهكم على الجميع وعلى كلام شيوخنا الأفاضل سواء بقصد أو بدون قصد فالله أعلم بنيته .. وحضرتك ترى أن يعتذر الجميع له لأنه بدأ المشاركة بالتهكم عليهم مرتين !!!!! ..
عذرا يا أخي فكلامك ليس له علاقه بالمجادلة بالتي هي أحسن .. بل أرى أنه منتهى الوهن في الرد على من يتهكم ويسخر في أمور الدين .. أنا أرى أنه لم يرد عليه أحد بقسوة كما تقول حضرتك .. هذا هو رأيي .
وفي نفس الوقت نحن لم ندعي العلم ولم نتحدث أو نفتي بعقولنا نحن ولكن ما نتحدث فيه هو من الأمور التي يجب أن يكون المسلم ملم بها وهي من أين يكتسب ماله وفيما ينفقه .. وإن لم يكن يعلم فنقول له إن كنا نعلم .. ولكن الأخ سعداوي إدعى أنه يعلم وتحدث بعقله ورأيه بالرغم من قراءته لأقوال أهل العلم ..
وأخيرا .. لتعلم أخي الفاضل أنه من حقنا أن نرد على من يتهكم علينا ونحن نحاول الإلتزام بحكم من أحكام الدين ..
ندعو الله أن ينير بصيرتنا وبصيرة الأخ سعداوي للخير ..

أخيرا موضوع قبض السلعة .......يعنى الحيازة المادية للسلعة لدى البنك.......هوا البنك المذكور أول مبدأ بالفعل كانت له مخازن خاصة ومتعدده بيحتفظ فيها بكل بالسلع بس مع الوقت ظهرت مجموعة مشاكل :
1)حجم عمليات البنك كبرت وتنوعت جدا ........ده تاجر عايز يستورد لحوم فمحتاجين له تلاجات وده عيذ عربية فمحتاجين جراجات وده حبوب وهكذا ....
2)تكلفه التخزين عاليه جدا لانك بتبنى أو بتاجر مخازن بأحجام كبيره وده مش سهل وعرفين العقارات فى تكلفتها بتزيد مع الوقت ...
3)نتيجه ارتفاع تكلفه التخزين فالبنك هيضطر لرفع عائد المرابحة ومن ثم موقفه من المنافسة فى السوق هيضعف جدا وبدل مالبنك الاسلامى يجذب الناس هيطفشهم .
4)معنى وجود مخازن أن البنك أصبح محدد بحجم معين فى تعاملاته مساوى لسعه المخازن ديت ومدى توافر مساحات شاغره للتخزين فيها وبرضوا يأثر على موقفه فى المنافسه..
5)المخازن ديت من وجهت نظر الاستثمار دى أموال معطلة ...مش مستثمرة..
6)وجود المخازن ديت بيشجع بعض العملاء الناصحين انهم يسيبوا البضاعة فى مخازن البنك وميستلمهاش.....يكسب وقت لحد ميكمل هوا صفقة بيعها ..فتزيد التكلفة...
اما بالنسبة للحظر بالبيع فالزملاء سبق وضحوا ان مفهوش حاجة ......وطبعا نسخة مفتاح ديت موضة طلعت فترة وبطلت وعلى فكرة معروفة عن المعارض مش البنوك .....
غرامات التاخير فى دفع الاقساط المفروض بتتحسب فعلى لتكلفة المحامى ومصريف رد الشيك وغيره ده للملئ لكن الغلبان أكيييد هى مش ناقصة ...
أتمنى أكون افدتكم باللى أعرفه وسامحونى لو أخطات أو سهوت ...
وشكرا