الموضوع: اللي عايز تقسيط غير ربوي يروح المعرض ده( خلاصه الكلام)

المشاركة الأصلية كتبت بواسطة ahmedae

السلام عليكم جميعا

يا استاذ sa3dawy لو سمحت تختار ما تقول او تحرمنا من مشاركاتك وارائك وتحتفظ بيها لنفسك ونصيحة والله خالصة انك تزود معلوماتك الضحلة عن دينك علشان تعرف قيمة دينك ده وانه اروع واعظم حاجة في الدنيا وفعلا الاسلام هو النور الوحيد اللي فاضل للبشر دلوقتي وتعرف يعني ايه الحمد لله علي نعمة الاسلام وكفي بها نعمة.
احنا غرقنا وشبعنا من اللي بيتكلم في الدين ويقول انا رايي وانا شايف وان المنطق وان وان وان ...والله ان اكبر الائمة والعلماء ليهاب الفتوي وهم علي درجة كبيرة من العلم ولا يجروؤن علي الكلام في الدين بلسان حالهم بقول انا رأيي ولكن يقول انا دليلي كذا وكذا.
انت ما سألتش نفسك ليه الناس دي كلها بتعمل كده في حين انه واضح جدا ان الطريق اللي بيدوروا عليه اصعب واطول واغلي في الفلوس , ياريت تحاول تدور علي اجابة
قال رسول الله صلي الله عليه وسلم
يأتي على الناس زمان ، الصابر فيهم على دينه ، كالقابض على الجمر
الراوي: أنس بن مالك - خلاصة الدرجة: صحيح بمجموع طرقه - المحدث: الألباني - المصدر: السلسلة الصحيحة - الصفحة أو الرقم: 957


سبحانك اللهم وبحمدك اشهد ان لا اله الا انت استغفرك واتوب اليك

جزاك الله خيراً رديت و كفيت و الله المستعان

فعلا أبو جهل موجود بكثرة في زماننا .. مشكلة أبو جهل في كل زمان إنه بيتنرفز لما يشوف الناس بتمشي ورا الحق .. فتلاقيه بيتطوع لمحاولة الأخذ بأيديهم ........ إلى الباطل !! .. على إعتبار إنه بطل جه ينقذهم !!

ممكن تكون ماشي في شارع فيه طينه فتحاول تبعد عن الطينه علشان هدومك مش ناقصه !! فتلاقي واحد طلعلك مش عارف منين يسخر منك وينط في الطينه ويقول لك خايف على إيه .. لبس الهدوم النضيفه دي موضه قديمه .. ماهدومك اتوسخت واللي كان كان .. طينها واتطين على عينك وواكب العصر اللي الموضه فيه لبس المقطع والجربان !!!

بس نصيحة من واحد مسكين .. ما تجادلش مع أبو جهل كتير لو اتأكدت فعلا إنه أبو جهل .. أصلك مش هاتوصل لحاجه .. لو كان فيه الرجا زي ما بيقولوا وبيجادل للوصول للحق هايسيبك ويروح يسأل شيخ علشان يتأكد من كلامك صح ولا غلط ومش هايضيع وقته معاك ، ولو نيته خالصه لوجه الله ربنا هايهديه لشيخ مخلص يدله على الحق ..

طبعا أنا مش باتهم حد بإنه أبو جهل .. لأنك ببساطة ممكن تلاقي واحد لبس طاقية أبو جهل من غير ما ياخد باله وبعدها ربنا أنار بصيرته .. ربنا يعافينا ويعافيكم جميعا من شر طاقية أبو جهل ومن اللي بيصابوا بيها .

وفي النهاية أرجو المعذرة لخروجي عن الموضوع .. وأدعو الله لي وللجميع بأن ينير بصيرتنا ويهدينا لفعل ما يرضيه عنا

السلام عليكم ورحمة الله

الحمد لله الذي بفضلة تتم الصالحات

انا بعت ميل لشركة كونتاكت وجاني رد عليه النهاردة والرد هو

السلام عليكم ورحمة الله وبركاته

شكرا لاهتمامك بعروض شركة كونتكت لتجارة السيارات اما بخصوص العقد الشرعى فا ان الاداره العليا لم تحدد بعد تفعيل العقد الشرعى لدى الشركة فنحن لم نتعامل بعد بهذا العقد و شكرا

نسرين صالح خدمة العملاء

شركة كونتكت لتجارة السيارات – 1 ش العزيز عثمان – الزمالك

27361234-02

وطبعا لا تعليق


سبحانك اللهم وبحمدك اشهد ان لا اله الا انت استغفرك واتوب اليك

نفس الرد بالحرف وصلني لما أرسلت لهم ميل من أكثر من أسبوع ومن نفس الإسم .. الواضح إن في ناس كتير بتسألهم والرد واحد .. ولا أريد أن أسبق الأحداث .. لكن المتوقع إن الأمر لن يتغير .. واللي تتعجب له هو لماذا تمت إستشارة أهل العلم من الشيوخ ثم تم عمل العقد ثم توقف .. طبعا الرد والله أعلم إن موضوع التوكيل بتاع الشهر العقاري اللي تم الإعتراض عليه بعد استشارة الشيوخ هو السبب ..