الموضوع: أيهما تفضل: شراء سيارة من التوكيل ام شرائها من معرض سيارات؟

يفضل طبعا التوكيل
لان التوكيل بيبقى ليه سيستم يعنى مش هيضحك عليكى
هيديكى عربيه فعلا مضمونه

لكن اصحاب المعارض ، قبل كده فى اخ زميل لينا فى المنتدى بيقول انه كان شغال فى معرض سيارات معروف وكان بيبع عربيات مرشوشه على انها زيرو ( لكن التوكيل طبعا صعب يحصل فيه حاجة زى كده ) لكن برده مش قاعدة يعنى من الاهوال اللى بيحكيها هنا الشباب عن توكيل غبور
تخلى الواحد يشك فى اى حاجة

وغير طبعا حركات فصل العداد

انتى ناوية تشترى عربيه نوعها ايه؟

وهل ياترى فيه فرق فى السعر بين التوكيل والمعرض؟

وهل هتنتظرى وقت كبير للاستلام العربيه من التوكيل؟

لو الاجابه بلا على السؤالين اللى فاتوا يبقى اشترى من التوكيل وريحى دماغك

ومبروك مقدما

نسيت اقلك على حاجة
معظم العروض الترويجية اللى بتعملها المعارض فى الجرايد
اغلبها وهمى
والاسعار اللى بيحطها اسعار مش حقيقية (جر رجل الزبون مش اكتر )

ذي ما الأخ الفاضل كاسبر تفضل و قال بالظبط .....شوفي أنهي توكيل و أنهي معرض و قارني بينهم فيه توكيلات محترمة تستاهل الواحد يشتري منهم حتى لو استني على العربية شوية .....و فيه معارض محترمة و بتعمل تخفيضات حقيقية على عربيات مضمونة
من الناحية التانية في توكيلات و معارض تبعدي عنهم خالص
ربنا يوفقك إن شاء الله و نبارك قريب

معلهش ما أخدتش بالي انك رديتي .....معرض الطارق ده سمعته إيه ......و إيه اللي حصل ...مش كانت ٢٠٦ ;)

انا محتارة بين كيا ريو و رينو لوجان
بس من كام يوم شفت الريو عند معرض الطارق ب 81000 و ف التوكيل كانت ب 86000 مانيوال
اما الرينو نفس السعر
بالنسبة للحجز انا كنت هدفع و استنى شوية من شهر 9 لشهر 2 كده

يمكن تفاوت الاسعار للريو بسسب مشاكل التوكيل ، بس فرق السعر الكبير ده فيه سبب
يعنى هل فعلا نفس المواصفات
لان مكن اللى فى المعرض تكون مفهاش نفس الاوبشن الموجودة فى التوكيل وبالتالى فيه فرق فى السعر

وعلشان الرينو توكيل قوى طلع مفيش اختلاف فى السعر

و بجد شكرا على ردك اخيرا حد عبرني

لا شكر على واجب واكيد معظم الاعضاء هيردوا عليكى لما يشوفوا الموضوع ان شاء الله

وابقى فرحينا لما تحجزى العربيه