ههههههه اية رايكم في كلام المحافظ

**al_manara** · 12-05-2008 07:47 PM

القاهرة -محرر مصراوي- قرر الدكتور عبدالعظيم وزير محافظ القاهرة زيادة تعريفة تاكسى العاصمة إلى 125 قرشا عن كل كيلومتر بدلا من 110 قروش لمواجهة ارتفاع أسعار البنزين مع التأكيد على بقاء قيمة التعريفة الاصلية كما هى ثلاثة جنيهات ونصف شاملة الكيلو الاول وزيادة قيمة ساعة الانتظار إلى10 جنيهات بدلا من 5 جنيهات وتشمل انتظار الراكب أو مدة التوقف بمسار رحلة الراكب وإخطار الشركات العاملة فى مجال تاكسى العاصمة بذلك لاعادة تغيير عدادات السيارات بمعرفة المرور.

وأكد المحافظ أهمية مشروع تاكسى العاصمة ونجاحه فى الفترة الماضية منذ إنشائه فى تحسين الوجه الحضارى للعاصمة لما تتميز به السيارات العاملة فى المشروع من حداثة الموديل وأنها صديقة للبيئة .. حيث تعمل بالغاز الطبيعى ومكيفة ، بالاضافة إلى خصوصية الراكب والسائق من خلال العداد الديجتال المحدد القيمة من خلال إيصال موضح به قيمة الرحلة والمسافة والوقت واسم السائق ورقم المركبة مما يساهم فى توفير الامان الكامل للراكب.

وشدد عبدالعظيم وزير على دعم المحافظة الكامل لمشروع تاكسى العاصمة بإزالة أى معوقات تواجه المشروع وقيام المحافظة بتوفير الترددات الخاصة للشركات للربط مع سياراتها لاحكام السيطرة عليها ، وكذلك توفير مواقف لانتظار سيارتها.

وأضاف أنه تمت الموافقة للشركتين القائمتين بالعمل فى القاهرة على زيادة أعدادها إلى ألف سيارة خلال 2008 .. حيث يعمل حاليا حوالى 420 سيارة فقط ، بالاضافة إلى ما تقرر إحلاله من التاكسى القديم بالتعاون مع الصندوق الاجتماعى والبنك الاهلى ووزارة المالية لمن يرغب من مالكى سيارات التاكسى الابيض والاسود.

واشار الى ان الجهات المقدمة للتاكسى الجديد ستقوم بمساعدة السائق فى تخريد سيارته القديمة وتوفير السيارة الجديدة مجهزة بكافة الاحتياجات "العداد ، اللون الاصفر ،التكييف ، تعمل بالغاز" بنفس مواصفات تاكسى العاصمة وللسائق حرية الاختيار بين العمل منفردا أو تحت مظلة إحدى الشركتين مستفيدا من المزايا الممنوحة لها.

ياريت تقروا الموضوع كويس
غلي التعريفة بتاعت التاكسي عشان البنزين غلي عشان الشركات تواجة الغلاء ؟
طيب ازاي وهو بيقول ان التاكسي بيمشي بالغاز !!!

رابط الموضوع
http://www.masrawy.com/News/Egypt/Ec...airo_tazi.aspx

**MoToRiZeR** · 12-05-2008 07:50 PM

ههههههههههههههههههههههههه
و الله الناس دي زي العسل

**دموع الثلج** · 12-05-2008 07:56 PM

هو اساس تاكسى العاصمه ده مشروع فاشششششششششششششل بكل المقايس

يغلوه اولا يرخصوا التعريفه برضوه اااااااااى مشروع جديد تكون الاداره بتاعته مصريه يبقى مشروع فاششششششششششششششل فاششششششل

فى البدايه قلنا ده مظهر كويس للبلد قدام الاجانب اخيرا بقى فيه تاكسى مكيف ومش مدغدغ وسواق تاكسى مش رغاى ولا عربيه ريحتها وحشه وتراب وغيره

بعد التجربه اول ما اشتغل كان هايل وبعد فتره طلع تاكسى العاصمه عباره عن تاكسى ابيض واسود بس مختفى فى شكل جديد

اول عيب : مفيش احترام للمواعيد نهائى تطلب التاكسى الساعه 10 يوصل 11

السواق ليه ريت محدد لازم يحققه طول الشهر ولو معملش الريت ده يتخصم من مرتبه

ودى عيب خلى السواقين مش بيتخنقوا لو مفيش زباين وبالتالى السواق بينتظر انك تدفع له بقشيش
ولو فيه زيون عادى شاور له وجمبه سائح خليجى بيجرى للخليجى على طول عشان برضوه منتظر البقشيش

فى كلتا الحالات بعد كم سنه هيقلبوه تاكسى ابيض واسود

**SuMo** · 13-05-2008 12:24 AM

hwa da el-zka2 ysh3'lha 3'az w bardo yb2a f tdamn m3 swa2in el-taxi el-2dim
mesh 3arf 22ol eah
mnhom lelah

**elpasha009** · 13-05-2008 12:36 AM

ههههههههههههههههههههههههه ههههههههه
أصلا أنا من كام يوم شوفت تاكسي العاصمة ومركب في الشنطة بتاعته إسطوانة غاز وساعنها إستغربت جداااااااااااااااا وفضلت أدور في كل التاكسيات وفعلا لقيت كلهم شغالين غاز.
والنهاردة قريت الخبر ده الصبح وفضلت أضحك بجد وكنت عاوز أعمل نفس الموضوع هنا بس إنت سبقتني:)
مصر بلد العجائب

**ASD peugeot** · 13-05-2008 01:35 AM

الناس دي في وادي تاني باين عليهم عايشين في بلد تانيه غير مصر

13-05-2008 01:49 AM

المشاركة الأصلية كتبت بواسطة elpasha009

ههههههههههههههههههههههههه ههههههههه
أصلا أنا من كام يوم شوفت تاكسي العاصمة ومركب في الشنطة بتاعته إسطوانة غاز وساعنها إستغربت جداااااااااااااااا وفضلت أدور في كل التاكسيات وفعلا لقيت كلهم شغالين غاز.
والنهاردة قريت الخبر ده الصبح وفضلت أضحك بجد وكنت عاوز أعمل نفس الموضوع هنا بس إنت سبقتني:)
مصر بلد العجائب

ياباشا انت مستغرب ليه ...هو مش الغاز دا بييجى عن طريق عربيات ..والعربيات دى بتمشى بالبنزين
وآدى البنزين غلى. عرفت بقه العلاقه...ومشى حالك كده ومتحبكهاش :D
وعلى رأيك محمد هنيدى...مترككزش عشان متهايسش :D