حادثة جوة التوكيل فرع المقطم بتاريخ 6-9-2011

**HOSSAM99** · 07-09-2011 03:40 AM

أولا الحمد لله علي كل حال
و قدر الله و ما شاء فعل
بخصوص أدب و إحترام ممثل التوكيل فده هو مطر له لتلافي أكبر الجزاءات و الخسائر التي من الأكيد ستقع عليه لو حضرتك أخذت حقق بشكل رسمي
للعلم حق حضرتك يتمثل في العربية علي حالتها عند التسليم و لو تعذر علي من تسلمها تسليمها في ذات الحالة و الشكل و القيمة و نضع تحت القيمة ألف خط يصبح الحل تسليم مثيلتها (نفس الموديل و الحالة قبل التبديد أو الهلاك ) أو دفع قيمتها السوقية

و نقول تاني قدر الله و ما شاء فعل
و اللي حصل حصل لكن ناخد حقنا علي قد ما نقدر يبقي لازم العربيه تتعمل و ترجع زي الزيرو مفيش دهان مفارق لون أو باين الرش و مفيش باب بيرزع أو مبيقفلش و مفيش غلطه في العربيه
دقق جدا معاهم و كل الكلام اللي حصل و اللي هايحصل يتثبت في محضر بالواقعه و في النهاية تستلم إعتذار من المسئول
ليه علشان لو ظهر شئ في العربيه له علاقة بالحادثه يبقي العربيه بتاعتهم

**kisho55555** · 07-09-2011 04:15 AM

الحمد لله على كل شئ .. قدر الله ما شاء فعل ...

**Ahmed A Rahman** · 07-09-2011 04:26 AM

الف مبروك متخليش حاجه تضايقك

واحمد ربنا فعلا انها اتخبطت جوا التوكيل (المحترم)

العربية لو كانت اتخبطت قبلها ب 20 متر وانت لسه في صلاح سالم وكان اي ميكروباص دخل فيها وحصل نفس اللي حصل مكناش حناخد حاجه وكنا حنصلحها على حسابنا

وعلى فكرة في احد المرات فيه مهندس طلع يجرب العربية ووقع بالعربية من فوق الجبل وتوفى وفي خلال ثواني تم تسليم العميل سيارة جديدة

الواقعة دي قديمة بس بتوضح اد ايه استجابة التوكيل لان كلنا عارفين في مصر لما حد من التوكيلات بيحب يستعبط بيعرف يستعبط

**yasserelsayad** · 07-09-2011 09:10 AM

الحمد لله على كل شئ وان شاء الله العربية ترجع زى الاول.
ودى اقل حاجة التوكيل لازم يعملها لانك معاك ورقة الاستلام مثبوت فيها حالة العربية وممكن تاخد حقق واكتر شوية غير وجع الدماغ والشوشرة لو فضوا التصليح وانت رفعت عليهم قضية تعويض او قدمت شكوى لجهاز حماية المستهلك.

ومتنساش تاخد منهم ورقة مثبوت فيها اللى حصل وايه اللى اتغير ويكون عليها إمضاء مدير الفرع وختم الشركة.

**a_nbm** · 07-09-2011 04:59 PM

المشاركة الأصلية كتبت بواسطة ramyali_1982

واللة عندك حق دة لو الكلام دة حصل فى غبور كانوا دفعوة تمن تصليح الونش اللى اتخبط وتمن طوب جديد بدل اللى اتكسر على عربيتة
اةةةةةةة
ماشاء الله لا قوة الا باللة بصراحة يابخت ملاك الرينو على التوكيل دة
منك لله ياغبور اشوفك وانت مفضوح فضيحة المطاهر يوم طلوعة على المعاش

+1111111111111