حادثة جوة التوكيل فرع المقطم بتاريخ 6-9-2011

**Neo206** · 07-09-2011 09:37 PM

قدر الله وماشاء فعل

ان شاء الله هتكون كويسة

التوكيل بيرجع العربية اكنها مفيهاش حاجة حصلت خالص

لانه بيغير علطول ولا بيسمكر ولا غيره

إن شاء الله خير

**gebreel** · 07-09-2011 10:41 PM

الحمد لله قدر الله و ما شاء فعل و حمد الله على سلامتك

هو ده التصرف الطبيعي اللي المفروض يحصل في اي توكيل بس صعب و كان ممكن احسن حاجة يقلك اتحمل انت مثلا المصنعيات او النص بالنص او اي حاجة من الكلام ده

المهم دلوقتي تثبت محضر بتلفيات العربية زي مالاعضاء قالولك
2- تشطرت على بتوع التوكيل انك عاوز شغل 100 100 يعني ملاقيش العربية واخدة معجون من هنا للسنة الجاية ولا الوان ملخبطة ولا ولا ولا تستلم استلام فبريكة

**asa** · 08-09-2011 03:28 PM

الحمد لله و ربنا يسلمك ان قبلك يوم 4/9 الاحد نفس الكلام حصل معايا بس كان ونش من برة التوكيل يتاع محطة موبيل و السواق موظف عليه و الونش فك و دمر النص الخلفى تماما و السواق قاللى البنزينة هتدفع الاصلاح و هتخصم منى سلمت امر لله و اخدتها اصلحها

**kashtoot** · 08-09-2011 04:38 PM

المشاركة الأصلية كتبت بواسطة moustafa_saad

طيب حيعمل ايه يعنى مفيش حل تانى
وكويس انهم حيصلحوها على حسابهم كلها
لو فى توكيل تانى ممكت يلحقوا جتتهم باى طريقه

كلامك مظبوط بس لازم البيه سواق الونش ياخد جزاؤه علشان يبقى ياخد باله.
و المهندس التعبان اللى بيسأل أنت مأمن عليها و لا لأ؟ كان لازم تديله كلمتين
و أهم حاجه إنك سليم

**hobby10** · 09-09-2011 03:34 AM

قدر الله وما شاء فعل وان شاء الله خير وحضرتك تاخد العرية زى الاول واحسن انشاء الله

المشاركة الأصلية كتبت بواسطة haroun707

ياباشا قدر الله وما شاء فعل

انا اترددت كثر انى اكتبلك الكلام ده

بس انا عاوز اقول لحضرتك ان كده العربيه اتعيبت واترشت وكمان حيكون فيه باب متغير وده حيتعرف من ان الباب راشش جوه

والمفروض ان يكون فى اجراء شكل تانى كا ترضيه لحضرتك

هو حضرتك لو الباب اتغير كله حيبقى راشش جوه ... ياريت توضيح لو سمحت

**HOSSAM99** · 09-09-2011 05:17 PM

المشاركة الأصلية كتبت بواسطة hobby10

هو حضرتك لو الباب اتغير كله حيبقى راشش جوه ... ياريت توضيح لو سمحت

لو الباب جديد لازم يترش لون العربيه طبعا لكن هو ميعتبرش من الأجزاء اللي بيتقال عليها دواخل لأنه جزء منفصل عن شاسيه العربيه ... و فكرة راشش أو مش راشش هي بتبقي للإطمئنان من عدم وجود حوادث أو بارومه ... و الباب جزء منفصل معرض لأنه يتخبط و يتغير و هكذا يعني
لكن فيه ناس بتتحجج و تقول عليه دواخل