تنصحونى بإيه لعلاج الخبطة دى

**mabdelaziz** · 19-10-2011 12:50 PM

يارب تكونوا بخير جميعاً
آخر التطورات فى الموضوع ده إنى رحت لسمكرى وبتاع دوكو, وقدروا التكلفة فى حدود 450 جنيه. المشكلة إن بتاع الدوكو قال لازم الرفرف كله يترش عشان يطلع لون واحد, وأنا بصراحة مستخسر أقشر البوية الفبريكة عشان حتة صغيرة.
وبالنسبة للتوكيل سألت فى صفحتهم على فيس بوك, وكانت التكلفة 550 جنيه تمن رفرف جديد, و500 جنيه مصنعية الرش.
مش عارف مصنعية الرش دى لا تشمل تمن البوية ولا إيه, سألتهم تانى بس مفيش رد.

دعواتكم ربنا يقوينى كده وألاقى وقت عشان أخلص من الموال ده.

**mostafablidy** · 20-10-2011 01:19 PM

تغير الرفرف هو الحل الانسب

**mabdelaziz** · 26-10-2011 12:23 AM

أخيراً وبعد طول تفكير وحيرة
وكمان الأيام دى الإيد القصيرة
قررت ألم الموضوع وأقفل ع السيرة

بصراحة مش طالبة تغيير رفرف ورش ومصاريف ودوشة اليومين دول, وزى ما زميل فاضل قال قبل كده, يام العربية حتتخبط, ربنا يحفظ عربياتنا جميعاً.
المهم رحت للسمكرى وقلت له أنا عاوز ألم الموضوع على قد ماتقدر, وكانت هى دى النتيجة:

الشكل ده مش هو النهائى, الراجل كمان كتر خيره جاب شوية بوية وغطى الصاج المكشوف بقطنة, بس البوية كانت سودا وباين فرق اللون, ماعرفتش أصورها عشان الدنيا ضلمت.

ها إيه رأيكم كده؟

كمان أنا رايح بإذن الله صيانة ال 10000 قريب, تفتكروا ممكن يرشوها فى التوكيل وتطلع مظبوطة؟