بعد حيرة و عذاب جبت الماتريكس

**gazzar91** · 07-09-2011 09:28 PM

ربنا يديك خيرها و يكفيك شرها و يديمها عليك و على أهل بيتك نعمة

في رعاية الله

**Ahmed_matrix** · 07-09-2011 11:33 PM

الله يبارك فيكم جميعاً وشكرا على الذوق والاستقبال الرائع ده
وكل كلامكم واللى قولتم عليه هعمله دون تقصير وانا والحمد لله من النوع اللى بيحب يحافظ على حاجته
بس لما رفعت العربية علشان اكشف عليها وده تم فى مركز صيانة أوتو ماجد سرفيس قالولى العربية محتاجه يتغيرلها 4 لينك ميزان (مش عارف ده عبارة عن أيه) وتيل فرامل خلفى و2 طنابير خلفى والتكلفة 2000 جنيه
والعربية دلوقتى عامله 98600 كيلو فهل اعمل الحاجات دى دلوقتى ولا استنه مع صيانة 100000 كم وهل اعملها فى المركز ولا بره .

**Nanona2011** · 09-09-2011 11:09 AM

المشاركة الأصلية كتبت بواسطة Ahmed_matrix

السلام عليكم ورحمة الله وبركاته

قبل اى كلام بتشرف بوجودى كعضو جديد معاكم
النهارده ربنا كرمنى وخلصت فى عربية ماتريكس 2007 فول اوبشن - مانيول - فابريكة بالكامل - وحدات رفع اتوماتيك - بطارية جافة جديدة وكوتش جديد عامله 98000 كم والحالة العامة ممتازة بتقرير التوكيل (85% الماتور) خلصتها على 67000 جنيه
اتمنه الافاده عن السعر عالى ولا تستاهل ، وشوية نصائح لاخوكم الغلبان لانى مش متمكن اوى فى موضوع العربيات ومنكم نستفيد :)

عليكم السلام ورحمة الله وبركاته
اولا الف مبرووك عليك و اهلا وسهلا بيك
انا شايفة السعر مناسب للمواصفات الي حضرتك قايلها
والماتريكس عربية اعتمادية فعلا

اما بالنسبة لتجديد فيها ايه في عضو رد على حضرتك في اول مشاركة
مبروك كمان مرة
ربنا يديك خيرها ويتقيك شرها