كام سؤال عن الزيت

**OlaOsman** · 12-05-2008 10:00 PM

عندي كام سؤال كده عن زيت العربية و محتاجة إجابات شافية.. و شوية صبر عشان انا لسه مبتدئة :o

1- الزيت اللي لازم يتشيك عليه كل مرة ده - اللي هو بندخل له العصاية ده - زيت المحرك و لا زيت الفرامل؟

2- ماذا لو قست مستوى الزيت لقيته قالل اوي و كمان مسود اوي؟

3- فيه ناس قالوا لي إني ممكن اروح البنزينة أقول لهم يحطوا لي زيت، طيب أروح بالعربية و لا أجيب منهم جركن زيت و احطه انا؟ على اساس يعني ان العربية ما ينفعش تمشي و الزيت قالل اوي كده. على فكرة المحطة مش بعيدة عني، يعني تتمشي بسهولة.

4- محطة البنزين اللي المفروض هاحط منها زيت هي موبيل و كنت عايزة اعرف لو أقول له على نوع زيت معين؟ و لا همه عشان موبيل فهايحطوا موبيل باي ديفولت؟

5- لو حد عنده أي نصائح أخرى بخصوص الزيت أو آخد بالي من ايه و انا في البنزينة اوي اي حاجة من دي، اكون سعيدة لسماعها :)

ملحوظة هامة.. عربيتي 127 :)

**SEATLOVER** · 12-05-2008 10:17 PM

1- الزيت اللى بيتشيك علية دة اسمة زيت الموتور ... ودة بيتشيك علية كل اسبوعين او قبل سفرية طويلة ..دة لو كل الامور طبيعية و مابيحصلش مشاكل (نقص مفاجىء - سخونية فى العربية - زيادة -تغيير لون سريع -....)

وبيكون فى علامة max , min و مستوى طبيعى ... فياريت يكون دايماً عند علامة الطبيعى ...ولو كان ناقص (بس بعد مدة طويلة من اخر مرة حطيتى فيها زيت جديد) ممكن تزودية من جركن يكون معاكى من نفس النوع ... ودة عن طريق فتحة الزيت اللى جنب العصاية ..تفتحيها و تزودى شوية ...وترجعى تقيسى تانى وهكذا

2-لو مستوى الزيت قالل اوى ,,, يبقى تشوفى اخر مرة حطيتى فيها زيت امتى و مشيتى بية كام كم ... لان دة ممكن يقلق
لكن لو بقالك كتير ماتعرفيش حاجة عن الزيت تبتدى تحسبيلة

- لو مسود اوى ...يبقى لازم يتغير ... دة اضمن لو مش عارفة اخر مرة امتى او مشيتى كام كم بية

3- البنزين بيتغير فى المحطة و على حسب الاتواع اللى عندهم ترضى بنوع او ترفضى و تشوفى محطة تانية

الانواع ممكن تاخدى جولة فى القسم التعليمى هنا هاتعرفى اية اللى ممكن ترتاحيلة المهم ...تحسبى امتى اتحط ومشيتى بية اد اية ...لان كل زيت لة عدد كم معين لازم يتغير عندة

- ملحوظة فى تغيير الزيت يفضل انك تغيرى فلتر الزيت كل ما تغيرى الزيت نفسة و دة بيتجاب من اى حد بتاع قطع غيار فيات . او اسألى الميكانيكى بتاعك فلتر الزيت الاحسن ليكى نوعة اية و منين

**ramyayash** · 12-05-2008 10:24 PM

كل بنزينه بتبيع زيت خاص بشركتها
موبيل بتبيع موبيل
شل بتبيع شل
توتال بتبيع توتال
التعاون بتبيع تعاون
انتي تختاري الزيت الي تحبي تستخدميه
مش علشان بنزينه موبيل جنبك يبقي تحطي موبيل
شوفي احتياجاتك
وبعدين في محلات تغيير زيت
بيبقي عنده كل الانواع
والفلاتر
وفلاتر الهوا
وزيت الفرامل والدبرياج
والمعطرات
وكل اللوازم
الافضل تتعودي علي محل تروحيله يغيرلك الزيت والفلتر وينضفلك المكنه وكده
انا شخصيا بعمل كده

**maka** · 12-05-2008 11:26 PM

انا عربيتى برضة 127 وزيت موبيل انا جربته مش حلو مع الموتور وجربت زيت شل

احسن من موبيل بكتيير

**OlaOsman** · 13-05-2008 07:12 AM

المشاركة الأصلية كتبت بواسطة SEATLOVER

1- الزيت اللى بيتشيك علية دة اسمة زيت الموتور ... ودة بيتشيك علية كل اسبوعين او قبل سفرية طويلة ..دة لو كل الامور طبيعية و مابيحصلش مشاكل (نقص مفاجىء - سخونية فى العربية - زيادة -تغيير لون سريع -....)

وبيكون فى علامة max , min و مستوى طبيعى ... فياريت يكون دايماً عند علامة الطبيعى ...ولو كان ناقص (بس بعد مدة طويلة من اخر مرة حطيتى فيها زيت جديد) ممكن تزودية من جركن يكون معاكى من نفس النوع ... ودة عن طريق فتحة الزيت اللى جنب العصاية ..تفتحيها و تزودى شوية ...وترجعى تقيسى تانى وهكذا

2-لو مستوى الزيت قالل اوى ,,, يبقى تشوفى اخر مرة حطيتى فيها زيت امتى و مشيتى بية كام كم ... لان دة ممكن يقلق
لكن لو بقالك كتير ماتعرفيش حاجة عن الزيت تبتدى تحسبيلة

- لو مسود اوى ...يبقى لازم يتغير ... دة اضمن لو مش عارفة اخر مرة امتى او مشيتى كام كم بية

3- البنزين بيتغير فى المحطة و على حسب الاتواع اللى عندهم ترضى بنوع او ترفضى و تشوفى محطة تانية

الانواع ممكن تاخدى جولة فى القسم التعليمى هنا هاتعرفى اية اللى ممكن ترتاحيلة المهم ...تحسبى امتى اتحط ومشيتى بية اد اية ...لان كل زيت لة عدد كم معين لازم يتغير عندة

- ملحوظة فى تغيير الزيت يفضل انك تغيرى فلتر الزيت كل ما تغيرى الزيت نفسة و دة بيتجاب من اى حد بتاع قطع غيار فيات . او اسألى الميكانيكى بتاعك فلتر الزيت الاحسن ليكى نوعة اية و منين

جزاك الله خيرا يا سيات على الرد الوافي :)

بص انا اللي هاعمله ان شاء الله هو اني هاروح البنزينة و اقول لهم انا عايزة أغير زيت و همه بأه هايكشفوا عليه و يشوفوا هايعملوا ايه و ابدأ احسب حطيته امتى و مشيت بيه أد ايه و كده، ماشي الكلام؟

**Islam_galal** · 13-05-2008 09:36 AM

من مالك سابق لـ 127
(Fast Injection And Turbo F127)

- الزيت طبعا زيت الموتور
-لو الزيت بيسود باستمرار و بسرعه يبقي نغير فلتر كل مرة نغير زيت
- لو الزيت بيقل باستمرار يبقي في أي بنزينة نطلب زيت تقيل (أرخص زيت)
- الأفضل في الزيوت التقيلة عن تجربة كالتكس و شل
- مجس الزيت فيه علامتين مستوي الزيت بيبقي بينهم واحدة لأقل مستوي للزيت (تحته لا تمشي بالسيارة) و الآخر لأعلي مستوي للزيت (فوقة يجب تنزيل شوية زيت من الموتور في البنزينه ،ممكن تشوفي صور لمجس الزيت علي Google صور و تكتبي Car oil level
- مهم جدا تخليهم في البنزينة يبصوا علي الفلفالين (الفاء تنطق V) و ده الإسم التجاري لزيت الجير بوكس لتزويده إذا كان ناقص

لو كان زيت الموتور مش بينقص يبقي حالة الموتور مبدئيا معقولة و بالتالي يفضل عدم تغيير نوع الزيت كتير ، حاولي تثبتي نوع الزيت باستمرار لأن تغيير الأنواع باستمرار قد يؤدي لتراكم رواسب في الموتور
أما لو كان الزيت بينقص باستمرار (الموتور بياكل زيت) يبقي مش حايفرق