الاقى فين واحد يتاع دهانات بالكمبيوتر؟

**aymanshebl** · 07-09-2011 01:11 PM

بسم الله الرحمن الرحيم

انا كنت عاوز اسال على واحد يكون بتاع دهانات بواسطة الكمبيوتر يكون فى عنده انواع محترمة من الدهانات و هل ينفع اديله رقم كود اللون (مثلا 9w) و هو يعمله و لا لازم فى الحالة ديه اجيبله العربية و هل بيطلع نفس درجة اللون و لا مش نفس الدرجة ؟ و شكرا

و السلام عليكم ور حمة الله و بركاته

**aymanshebl** · 07-09-2011 08:34 PM

الحمد لله يا جماعة اقدرت اعمل سوال محدش عرف يجاوبه

**mmans** · 08-09-2011 01:29 AM

من المنصورة ولا منين حدد مكان سكنك الاول لو انت م المنصورة ف واحد ف عبد السلام عارف الشارع الى قبل منصور شفروليه على طول امشى فيه هتلاقى محل يافططو زرقا قبل الحته الواسعه على طول على اليمين و عمتا خد العربيه معاك احسن عشان يطلع نفس اللون بالظبط

لو انت مش م المنصور معرفش بقه الامكنه الحلوة فين

**Ayman-Ahmed** · 08-09-2011 08:51 PM

اى محل دهانات هيعملك اللون بالكود اللى انت عاوزه ولكن لازم وانصحك تاخد العربية معاك.لان مع الوقت ومع انك مبتقدرش تشوفه ببساطة ولكن الشمس بتغير لون العربية.عشان كدة بيضرب اللون بالكود عشان يبقى ده Base اللون ولكن بيظبط الدرجة بعد كدة بعينه.

ممكن اعرف انت عاوز اللون عشان هترش العربية ولا هتعمل مقدار بسيط عشان الخدوش؟

لانه لو للخدوش يبقى لاوم تجيب حاجة تلمع اللى هتعمله لان اللون مبيبقاش لميع وعشان كدة بيترش ورنيش بعد رش العربية.

**aymanshebl** · 08-09-2011 11:04 PM

المشاركة الأصلية كتبت بواسطة ayman-ahmed

اى محل دهانات هيعملك اللون بالكود اللى انت عاوزه ولكن لازم وانصحك تاخد العربية معاك.لان مع الوقت ومع انك مبتقدرش تشوفه ببساطة ولكن الشمس بتغير لون العربية.عشان كدة بيضرب اللون بالكود عشان يبقى ده base اللون ولكن بيظبط الدرجة بعد كدة بعينه.

ممكن اعرف انت عاوز اللون عشان هترش العربية ولا هتعمل مقدار بسيط عشان الخدوش؟

لانه لو للخدوش يبقى لاوم تجيب حاجة تلمع اللى هتعمله لان اللون مبيبقاش لميع وعشان كدة بيترش ورنيش بعد رش العربية.

شكرا لرد حضرتك انا هعالج الخدوش فقط و فعلا انا جبت اللون و الورنيش كمان و العربية لسه زيرو فبيتهيالى لسه لونها متغيرش من الشمس ولا ايه؟ و شكرا

**Ayman-Ahmed** · 08-09-2011 11:16 PM

المشاركة الأصلية كتبت بواسطة aymanshebl

شكرا لرد حضرتك انا هعالج الخدوش فقط و فعلا انا جبت اللون و الورنيش كمان و العربية لسه زيرو فبيتهيالى لسه لونها متغيرش من الشمس ولا ايه؟ و شكرا

لا شكر على واجب.

وطالما العربية وقفت فى الشمس يبقى لونها غير وحتى لو بسيط وانصحك تجرب اللون الاول ومعاك حتة قطنة فيها تنر.

المهم التجربة تكون والشمس طالعة وقوية عشان تشوف اللون كويس.

تنضف بمياه بسيطة الاول وليكن القايم اللى ورا من فوق من مكان ما الشمس بتضرب فيه كتير وتنشفها كويس وبعدين بفرشة الوان رفيعة تاخد لحسة من علبة اللون وتعمل خط بسيط فى نص القايم وتشوف اللون ماشى ولا لا.وتمسح علطول بالتنر خفيف عشان متضيعش اللمعة.