الموضوع: ركبت امبارح لمبات أوسرام ألماني في دمشق

مساء الخير على احلى شباب
ربنا يجمعنا دايماً في الخير ويصلح حال البلد دي بقى عشان بجد كفاية كده بقى نفسي نخلص والثورة تنهي اللي بدأته متنتهيش زي مالناس التانيه عايزة
انا بجد كنت زهقت من لمبات الجيتس لأن فعلاً كنت بمشي احسس في الضلمة ومكنتش ببقى شايف حاجة على الطريق ، زاد الطين بله أمبارح ولمبه من لمبات الفانوس الأمامي أتحرقت وبالتالي انا كنت ماشي متنرفز جداً لأني فعلاً مكنتش شايف اي حاجة عالدائري اللي طبعاً معظم العواميد فيه منورة بالنهار ومطفية بالليل ، المهم نزلت على شارع دمشق وطبعاً كل ده كان قبل القلق اللي حصل في الماتش، وروحت على محل كنت قريت أسمه قبل كده هنا في الموقع أسمه المدينة اللي عند البنزينة ده ، هو بالمناسبة أسمه المدينة بس مش المدينة المنورة عشان حد كان كاتب ان اسمه المدينة المنورة المهم جبت من عنده لمبتين أوسرام نايت بريكر ، وبجد فرقت معايا بشكل مبالغ فيه ، انا عالنور الواطي وكاشف أجناب الطريق والعالي بجد بدون مبالغة مافيش حد كان بيتجرأ يضرب النور العالي في وشى زي زمان....!!!! هما تمنهم 125 جنيه والنور عالعالي لونه ابيض وفعلاً نقى جداً ( هما ألماني) مش صيني بس فعلاً ممتازين انا حبيت انقل للشباب عشان الفايدة تعم ، وربنا يجزيكم جميعاً خير عن أي معلومة بتتقدم هنا .

المشاركة الأصلية كتبت بواسطة ahmed_nubira

مبرووووووك وعقبال الفوجات

الف شكر يا جميل ، قريباً أن شاء الله ندخل عالفوجات سمعت ان فيه فوجات بوش بحوالي 500 جنيه ، بس هلى دي محتاجة تعديل في كهربة العربية ولا ببتوصل مباشر ، انا بيني وبينك بحب اركب الحاجة من غير تعديل

الف مليون مبروك وربنا يستر طريقك

المشاركة الأصلية كتبت بواسطة ahmedaglan

الف مليون مبروك وربنا يستر طريقك

الله يبارك فيك يا باشا وربنا يستر طريقنا جميعاً ويصلح الحال ان شاء الله

الف مبروك يا باشا وعاوز اعرف هي كام وات وكام كلفن وهل الاضاءة فعلا ابيض عشان الموضوع ده يهمني اوي والواطي والعالي في نفس اللمبة يعني h4