عايز اجيب زينون و اركبو بنفسى ! ازاى ؟ وايه انضف ارخص نوع ؟

**ahmad‎_luca** · 07-09-2011 07:24 PM

دلوقتى يا جماعه انا جديد نوفيى فى موضوع الزينون دا

مبقليش بتاع ساعتين على النت بدور فيه ( و لاقيت حبه معلومات لابأس بها )

دلوقتى العربيه النتر 2007

و دورت لاقيت
فيه لمبه عالى h1
و لمبه واطى h11b
واللمبتين 55 وات على فيوز واحد 10 امبير

فعندى كام سؤال ملقتلهمش اجابه فى مواضيع كتير

اولا التركيب! ( محدش بيتكلم عنو خالص يا ريت لو فيه مواضيع عن التركيب وانا مخدتش بالى تحطولى اللينكات)

ودا اهم حاجه لانى عايز اركبهم بنفسى
حد جرب يركب بنفسه ؟ انا تقريبا عايز اعرف نقطتتين بس
الجهاز بتاع الزينون دا بيتثبت فى ايه و ازاى ؟ (فل الناحيتين )
و التوصيل دلوقتى سهل توصيل الارضى والبور

لكن ازاى اوصولو بكهربت دراع النور ؟ عشان اشغلو ؟

وهل فيه نصايح فل التركيب ؟ فى ناس بتقول بيتأثر بالكاسيت ؟

ثانيا لاقيت ناس بتتكلم فى نقطه تجريح و تقطيع اسلاك ؟ و توسيع فمكان اللمبه اللى فل الفانوس ؟
هو مش بيركب من غير ما ألعب فى كهربت العربيه و الفانوس ولا ايه ؟

و دلوقتى انا عايز اركب عالى وواطى ؟ يعنى لمبتين
كده لازم اربع اجهزه زينون ولا ايه ؟
و اهم نقطه الاسعار مش عايز يعدى ال 500 جندى
فهل دول يجيبو زينون عالى وواطى ولا اجيب عالى بس او واطى بس ؟
ومش عايز اعرف الانواع (لانى قريت عن انواع كتير والكلام نظرى )
انا عايز حد يقولى هات النوع الفولانى
بوش الصينى مثلا و يكون مجربو وشغال تمام

وغالبا هنزل التوفيقيه
لو فيه حد كويس اجيب من عندو يبقى احسن بدل ما ادور و يتضحك عليا عشان لسه زبون جديد فل الموضوع

ملخص الكلام عايززززز اركب زييييينون بنفسى إن امكن طبعا

واسف جداااا على الاطاله

وشكرا مقدما للجميع

**ahmad--ezzat** · 07-09-2011 07:34 PM

بص
انا جبته
وركبته عند الكهربائى بتاعى ب 20 جنيه :)
احسن مادوش دماغى
استنى برضه راى الاعضاء المحترمين

**ahmad‎_luca** · 07-09-2011 08:14 PM

المشاركة الأصلية كتبت بواسطة ahmed_nubira

بص
انا جبته
وركبته عند الكهربائى بتاعى ب 20 جنيه :)
احسن مادوش دماغى
استنى برضه راى الاعضاء المحترمين

تمام تمن التركيب مش غالى دى حاجه و حلو 20 جنيه دى انا كنت فاكر انو اكتر من كده
غير كده حتى لو 50 جنيه مثلا مش كتير بالنسبه ل 500جنيه تمنو

بس بردو مش دى النقطه اللى مخليانى عايز اركبو بنفسى

الفكره انى معرفش صانيعى او كهربائى عدل
الكام مره اللى روحت فيهم لصنايعه اتعقدت وكرهونى فى اى حد يشتغلى فل العربيه

فخايف اروح لحد يقولى دى عايزه ضفيره كهربا و عايزه نفتح فل الفانوس و يعملى مل البحر طحينه وخصوصا انى جديد فل الموضوع ويقعد يقطعلى فى اسلاك و يكسرلى فى كلبسات و يلعب فى كهربت العربيه و يبهدلها ( و يخلص يقولى ياباشا الليله دى ب 90 جنيه اصل دا انا لقيت عفريت طلعلى من الفانوس وانا بفك اللمبه
وتمن شريط اللحام و تمن المفكات والعده
و الاسلاك )

فاحسن حاجه لو حد مجرب هيساعدنى كتير خصوصا ان الموضوع مش صعب
و انا عملت حاجات كتير فل العربيه بمساعده الناس على النت و الشغل بيطلع نضيف جدا ( وخصوصا اما بجمع معلومات كامله عن الموضوع )

مقلتليش بردو يا افندم جيبتو بكام وعالى وواطى ولا لا ؟ ونوعو ايه ؟ و ايه اخبارو معاك ؟

**ahmad--ezzat** · 07-09-2011 08:18 PM

جبت hid الصينى
واخده من ابن خالتى تخليص حق :)
هو سعره 500 او 550 مثلا
بس شغال حلو بس عيبه ان اللمضه بتاخد وقت عشان تسخن
عالى وواطى

**ahmad‎_luca** · 07-09-2011 08:28 PM

المشاركة الأصلية كتبت بواسطة ahmed_nubira

جبت hid الصينى
واخده من ابن خالتى تخليص حق :)

Loooooooooool

هو سعره 500 او 550 مثلا
بس شغال حلو بس عيبه ان اللمضه بتاخد وقت عشان تسخن
عالى وواطى

الف شكر يا باشا على التوضيح

تمتم اوى
هوا دا السعر اللى انا بتكلم فيه
ان شاء الله اجيبو بقا على كده
بس هو دا Hid plus ‎‏ !
يعنى اسمو بالظبط عشان اجيبو
و هوا بيجى معاه كل حاجتو مش كده ؟
يعنى لما جيت تركبو احتجت تجيب حاجه تانيه ؟

و بعدين ما هو كل الانواع بتقعد وقت ولا فى انواع مبتقعدش وقت تسخن

معلش تعبك معايا

**ahmad‎_luca** · 07-09-2011 08:50 PM

يا جماعه انا الحمد لله عرفت طريقه التركيب خلاص
ناقص باقى الاستفسارات

**HeMa_LanCeR** · 07-09-2011 08:54 PM

ماتركبوش بنفسك :)
انا مش بقولك كده علشان احبطك
بس انا عموما بركب كل حاجه بنفسي إلا الكهربا لأن الغلطه فيها بضياع
وربنا يسترها علينا وعليك
لو ممكن تكون مكانك فين وحد يرشحلك كهربائي كويس جمبك

**ahmad--ezzat** · 07-09-2011 09:40 PM

المشاركة الأصلية كتبت بواسطة ahmad_290

الف شكر يا باشا على التوضيح

تمتم اوى
هوا دا السعر اللى انا بتكلم فيه
ان شاء الله اجيبو بقا على كده
بس هو دا Hid plus ‎‏ !
يعنى اسمو بالظبط عشان اجيبو
و هوا بيجى معاه كل حاجتو مش كده ؟
يعنى لما جيت تركبو احتجت تجيب حاجه تانيه ؟

و بعدين ما هو كل الانواع بتقعد وقت ولا فى انواع مبتقعدش وقت تسخن

معلش تعبك معايا

هو مكتوب عليه الموديليتور HID مش فاكر فى plus ولا لا هههههه
عموما هو made in china
كان عباره عن 2 موديليتور و2 لمض h4
مكنش فى اى حاجه تانيه
الراجل اظن جاب سلكه بس حاجه متكملش 2 جنيه

الناس بتقول ان الفيليبس الاصلى بيسخن بسرعه...واعتقد كده كده لازم وقت لانه مش مجرد لمض...دة جهاز والله اعلم

**MuhamedNabil** · 08-09-2011 02:08 AM

الالنترا هنا فى مصر H7 الواطى , ال h11b بينزل فى امريكا و اسيا انما هنا h7 يعنى لو جايب المعلومة دى من فورم مش مصرى يبقى عشان كده بيقولوا H11b و ممكن لو بصيت على اللمبة بنفسك تتأكد , و الكشاف نفسه مكتوب عليه

**ahmad‎_luca** · 08-09-2011 02:23 AM

المشاركة الأصلية كتبت بواسطة hema_lancer

ماتركبوش بنفسك :)
انا مش بقولك كده علشان احبطك
بس انا عموما بركب كل حاجه بنفسي إلا الكهربا لأن الغلطه فيها بضياع
وربنا يسترها علينا وعليك
لو ممكن تكون مكانك فين وحد يرشحلك كهربائي كويس جمبك

شكرا على النصيحه يا باشا

انا مل المقطم ( بس هى مش مشكله المكان يعنى قشطه
مدينه نصر
او مصر الجديده و شارع دمشق
او التوفيقيه و وسط البلد
او جامعه الدول و الدقى (مش هيفرق اوى المكان لانى هروحها اكنها فسحه يعنى)

وانت تنصحنى اجيبو منين طيب انا عايز اجيب من التوفيقيه لانها ارخص حاجه

ولو تعرف حد كويس اجيب و اركب عندو ويكون شغله كويس يبقى احسن

الموضوع: عايز اجيب زينون و اركبو بنفسى ! ازاى ؟ وايه انضف ارخص نوع ؟

LinkBack

أدوات الموضوع

عرض

عايز اجيب زينون و اركبو بنفسى ! ازاى ؟ وايه انضف ارخص نوع ؟ - انشر الموضوع فى :

-

-

-

-

-

-

-

-

المواضيع المتشابهه

عايز اجيب زينون من التوفيقيه

عايز اجيب فوجات و زينون منين و بكام لالنترا 2009 ؟؟

عايز اعرف ازاى اضبط الخلوص غى البوجيهات وايه علاقة الخلوص باداء العربيه

عايز اجيب شارك كويتى اللى فيها زينون وصب

عايز اجيب زينون ومش عاارف هاايركب ولا لا يااريت الافادة

الكلمات الدلالية لهذا الموضوع

المفضلات

المفضلات

ضوابط المشاركة