سؤال سريع من ضيف مزداوي

**mando_07** · 07-09-2011 07:40 PM

أنا عايز أعرف موتور طرمبه البنزين عندكوا بكام ؟ عشان عايز اغيرو لعربيتي mazda 3 وسمعت أن نفس الموتور وانتوا عارفين أن قطع غيار المازدا حراقة حبتين

**Samooh_2003** · 07-09-2011 07:57 PM

اعتقد ان السعر هايكون متقارب لو القطع اصلي من التوكيل الميزة في الانسر ان انتشار قطع غيارها برة اكثر من المازدا والتجاري في قطع الغيار اكتر كمان والناس الشغالة فيها اكتر كمان بس خليك في الاصلي ولو لقيت الفرق كلام بسيط خليك في اللي تبعها احسن وربنا يوفقك واعذرني على المداخلة لو ماكنتش مفيدة وانشالله فيه حد هايفيدك في السعر قريبا

**punisher** · 08-09-2011 12:03 AM

لو حضرتك قصدك طلمبة البنزين فا كان عندى مشكلة عشان التانك دخلوا مياه ولما سألت عليها سمعت رقم كبير كده 1500 جنيه وقالى مش موجوده كمان .

البديل هو طلمبة بنزين فيرنا ... ثمنها 170 جنيه ... ركبتها والعربية ماشية

**mando_07** · 08-09-2011 02:42 AM

المشاركة الأصلية كتبت بواسطة Samooh_2003

اعتقد ان السعر هايكون متقارب لو القطع اصلي من التوكيل الميزة في الانسر ان انتشار قطع غيارها برة اكثر من المازدا والتجاري في قطع الغيار اكتر كمان والناس الشغالة فيها اكتر كمان بس خليك في الاصلي ولو لقيت الفرق كلام بسيط خليك في اللي تبعها احسن وربنا يوفقك واعذرني على المداخلة لو ماكنتش مفيدة وانشالله فيه حد هايفيدك في السعر قريبا

كلامك صح يا باشا بس أنا طرمبة البنزين الاصلي عندي بحوالي 2500 جنيه وسمعت أن هي هي بتاعت الانسر وأنا عارف أن الانسر لها قطع غيارها حنينة شوية عن المازدا

المشاركة الأصلية كتبت بواسطة punisher

لو حضرتك قصدك طلمبة البنزين فا كان عندى مشكلة عشان التانك دخلوا مياه ولما سألت عليها سمعت رقم كبير كده 1500 جنيه وقالى مش موجوده كمان .

البديل هو طلمبة بنزين فيرنا ... ثمنها 170 جنيه ... ركبتها والعربية ماشية

ماشية زي الاول ولا فيه اختلاف في السحب أو استهلاك البنزين ومعلش سؤال ساذج تاني سعة التنك صغر عندك ؟ هو أنا عايز أغير الموتور بس يا ريت يطلع هو هو بتاع الفيرنا تبقى مصلحة

**punisher** · 08-09-2011 04:05 AM

انا عندى مشكلة فى السحب عشان لازم أغير فلتر البنزين والهواء ومش لاقى الأصلى خالص فمش هقدر أحكم هل السحب اتأثر ولا لأ غير لما أغيرهم

بس صاحب المحل بيقولى ان طلمبة الفيرنا بتركب فى عربيات شيروكى وماشية زى الفل !!!