الموضوع: نصب ده ولا بجد ؟؟!!

حضرتك بالنسبه لاول عربيه هو بيقول ان العربيه استيراد يعنى العربيه نصين مش ملحومه ...... يعنى حضرتك هتاخد منه العربيه متقطعه و علشان العربيه كابورليه فالقطع بيكون من ارضيه العربيه فى النص .... و العربيه التانيه هو يبقول انها 330 ومعدله m3 فممكن لو هو مغير الموتور و مخليه m3 فعلا فممكن يكون جايب موتور موديل 2005 بالفتيس ال smg وجاى معاه الدريكسيون بتاع الشيفتينج .... اتمنى ان حضرتك تكون فهمتى قصدى و لو فيه حاجه فى كلامى غلط الاخوه فى المنتدى ممكن يكون ليهم راى اخر و شكرا

أولا شكرك علي ردك.
ثاني حاجة في عربيات كتير جدا بيبقي مكتوب في اعلان بيعها "استيراد" أو "استيراد الخارج" وتبقي واحدة من 3 حالات :
1- صاحبها جايبها من بره ودافع جماركها.
2- كانت جاية استيراد لمعوق.
3- نصين.
ولا أعتقد انه هيبيع الـ 330 بـ 95 ألف نصين لأن تمنها حوالي 60 ألف لو نصين فعلا .. الي جانب انه قايل فابريكة بره وجوه فلو نصين ماكانش هيركز قوي ع الحتة دي d:
وبالنسبة للـ m3 , ممكن فعلا يكون ده قصده
وشكرا جزيلا لك,,,

بالنسبه لموضوع ال m3 e92 إلى عند منيب انا اشك انها اصليه ..... يعنى دى 316 و متحوله M بالكامل عند حاتم فى الحرفيين لكذا سبب
1- بصوا على الصور فى الاعلان كويس هتلاقوا ان السقف مش كاربون فايبر
2- الاكصدام الامامى بتاع المواصفات الامريكي والعدادات بالميل
3- الفانوس الخلفى بتاع الفيس ليفت و العربيه مش فيس ليفت دى موديل 2010
4- و ده الاهم شوفوا الصور دى من جراج حاتم


و اعتقد ان دى العربيه إلى فالنص
و احب اوضح معلومه تانيه .... انا سألت على موضوع تحويل العربيه من 316 لM .... و الكلام إلى اتقال لى هات 316 كوبيه e92 و عليهم 250 ألف جنيه و تعالى كمان 3 اسابيع خدها M3 بالكامل و طبعا الكلام إلى سمعته من الناس انه بيلعب فى حاجه فى العربيه تبوظ علشان كل شويه تروحله و ده انا شفته بعينى لانى بنزل الحرفيين كتير و دايما الاقى واحده من إلى عاملها واقفه هناك وبالذات إلى لونها ابيض

العربيه تمنها 1,300,000 جنيه تقريبا من التوكيل و 1,950,000 للكابورليه
العربيه متحوله بتتكلف 500,000 يعنى 220,000 تمن 316 مستعمله و 250,000 لحاتم