لو ناويه تخلى العربيه معاكى اكثر من 5 سنين انصحك بالرينو لو اقل انصحك بالفانتازيا
عرض للطباعة
لو ناويه تخلى العربيه معاكى اكثر من 5 سنين انصحك بالرينو لو اقل انصحك بالفانتازيا
الاوكتافيا طبعا لكن الرينو سعرها بيقل جامد عند البيع كمان لو عرفتى تبيعيها مش كل الناس بتحبها لكن الاوكتافيا معروفة وكل الناس بتحبها ومش بينزل من سعرها كتير زى الرينو وكمان متنسيش التكنولوجيا الالمانى
لو مكانك هاشتري السكودا و اصبر شوية ....
شخصيا باحسها أقيم من الرينو -ولا اقلل من شأنها- بس من جوة الفانتازيا مالهاش حل أفخم شوية من الرينو و العفشة من كلام أحد معارفي أفضل بكثير لإن كان قدامه اختيار لشراء واحدة من الاثنين من 6 شهور و اشترى الفانتازيا ...
وعموما بما انك مهتمة بإعادة البيع انا شخصيا شايف ان سوق الأوكتافيا أكثر استقرار و جذب من سوق الرينو ولو ان الحكم ده مش نهائي لإن العربيتين مابقالهومش كتير فالسوق و مابانتش و ما انتشرتش مشاكل كل واحدة فيهم بشكل واضح ...
صلي صلاة استخارة و توكلي على الله و الله الموفق ...
الاوكتافيا افضل لان فتيسها 6 سرعات و الفلوانس 4 سرعات
الشنطة فى الاوكتافيا اوسع 560 لتر فى الفلوانس 530 لتر
الشنطة فى الاوكتافيا فيها ميزة الهاتشباك و شكل السيدان والعربية واخدة احسن عربية عائلية صغيرة فى انجلترا وفقا لتقييم carbuyer
الفانتازيا سرعتها القصوى افضل من الفلوانس 184 مقابل 180 مع اعتبار ان الفانتازيا بتجيب 205 لكن الفلوانس صعب بسبب الفتيس 4 سرعات
العفشة فى الفانتازيا افضل لانها مالتى لينك
الفانتازيا فيها ايرباج الراكب الامامى يمكن غلقها بعكس الفلوانس
الفانتازيا اعاده البيع فيها افضل
الفانتازيا بيشتغل فبها ناس كتير بره التوكيل زى محمد سمير وهانى فى شارع العشرين فى جسر السويس وقطاع الغيار فى كل حتة استيراد وجديدة ومش غالية
فانوس الفانتازيا الخلفى قطعه واحدة الفلوانس قطعتين يعنى لقدر الله الخبطة بتوجع فى الثمن زى الجيتا كده
الفانتازيا فيها Corner Foglight الفلوانس لا
الفانتازيا فيها تعتيم للمريات ووحدات رفع لغلق وفتح الزجاج من الريموت بالاضافة الى تنك البنزين
الفانتازيا فئة الجيتا الفلوانس فئة التويوتا كورولاو الهوندا سيفيك والهيونداى النترا
الفلوانس توكيلها افضل مليون مره من توكيل سكودا
الفلوانس فيها Start /stop بعكس المفتاح العادى فى الفانتزيا
الفلوانس فيها ستائر جانبية وخلفية الفانتازيا لا
الفلوانس الفئة اللى ب 142 و اللى ب 150 افضل الفئات المبلغ مقابل القيمة وارخص 30 الى 22 الف على التوالى من الفانتازيا
سمعه الفانتازيا افضل من الفلوانس
كفاية كده ولا لسة محتاجة مساعدة
استنى 2012 احسن بكتير يبقى ركبتى عربية موديل السنة مش عدى عليها سنة و ينزل من سعرها ع الاقل 20-30
الف اول م تركبى النمر
ثانيا انصحك بالفانتازيا
طبعا مفيش شك ان الاوكتافيا تعتبر افضل شوية من الفلوانس و لو كان معايا ال 40 الف الفرق بينها وبين فئة الفلونس اللي معايا عشان تبقى نفس الاكماليات مكنتش هتردد و اجيب الاوكتافيا بس الفوانس فعلا عربية تستاهل كل قرش اندفع فيها و هي اوسع من الاوكتافيا من جوه و ركوبتها و فخامتها قريبة جدا من الاوكتافيا بحكم اني سقت الاتنين
لو مستعدة تدفعي الفرق و تجيبي اعلى فئة للاوكتافيا فانا بكل ثقة ارشحهالك .. لكن لو عايزة عربية اوروبية فخمة فيها من الكماليات اللي تقدر تقف بيه قدام الاوكتافيا و بفرق سعري كبير يبقى الفلوانس من غير شك