يا باشا أخ كبير و متعود منك على كده.
شكراً لمتابعتك و لأهتمامك هوا ده العشم .
عرض للطباعة
أستاذ أسامة الف سلامة على الحرق ... انت اية حكايتك فى العربيات :)) المهم انا لو منك ولا يهمنى المعاملة والايجار والونش والافلام دى ... المهم النتيجة
يافرحتى بمركز وتوكيل صيانة بيضحك فى وشى وعاملنى حقل تجارب للعمال بتوعة
ويارب يكونوا بيقروا الكلام دة .... بصراحة و متذعلش منى ولا الاعضاء يذعلوا منى ... اللى بيحصل معاك دة هجس
ياراجل ياطيب كل ده هجس
يعني مدير التوكيل يتصل بالعميل للاطمئنان علي العربيه و انه وصل دهب بالسلامه و العربيه ماعملتش معاه اي فصل بايخ و ان المهندس المتابع المشكله يتصل بصفه شخصيه للسؤال علي الراحل اللي ماشي في طريق مقطوع و يلاقي ان المشكله زي ماهيا و التوكيل لما يقدر عميل و يبعتله ونش مكان عمله تقديرا لطروف شغله لايقل تكلفة الونش انهارده مسافه زي دي رايح جاي 1000 جنيه و ايجار عربيه علي حساب التوكيل علشان التوكيل مقتنع اقتناع تااااااااام انه مقصر في حق الراجل ده و معطله عن شغله دا غير حرقة الدم ان العربيه زي ماهيا
كل ده و تقولي هجس غريب جدا علي فكره اسلوب حضرتك في تقييم الموضوع
حضرتك المهم النتيجة ... الراجل من نهاية رمضان فى مشكلة و التصليح مش نافع و سافر بيها و عطلت بية تانى و بردوا لسة متصلحتش .... تفتكر بعد كل حيهمنى المعاملة ولا التليفونات ... دة كفاية حرقة دمة و قلقة و هو معاة اسرتة ع طريق سفر و الإربية بايظة و المفروض انهم صلحوها ... يعنى لو وقفت بية فى الظروف اللى البلد فيها كتن حينفعة الايتيكيت .... يبقى مين اللى غريب
معلش داخل من الموبايل
ياباشا العربيه ولا وقفت بيه زي ماحضرتك بتقول ولا حاجه العربيه بتسخن بس و هو زي ماكاتب انه كان بيقف يزودها ميه للأطمنان بس و المشكله ماتكبرش دا اولا
ثانيا وهو الاهم التوكيل متفهم للمشكله و بعت اخد العربيه علشان مايعطلوش و ايجار عربيه تانيه علي حسابهم توكيل محترم و يحسب لهم الحركه دي بدل ماكان يقوله ابقي هات العربيه لما ترجع ان شاء الله و كان سابه عاش مع العربيه فتره سفره دي
في فرق مابين توكيل باقي علي العميل بتاعه و توكيل مش فارق معاه العميل اصلا الاهم من العميل الفلوس اللي اشتري بيها العربيه و خلاص علي كده
ربنا يعينك ياعم اسامه علي المشكله بتاعتك و ان شاء الله تتحل علي خير
و ياريت تبلغنا بالتطورات اول باول
الطبيعي ان و العربيه بارده الصبح تلاقي الميه عند علامة max و لو سخنتها هتلائيها فوق الماكس ب 2-3 سم كده و بعدين لما بتبرد بترجع للماكس تاني و ده عندي و العربيه عامله 8000 كيلو بس و بخصوص الحراره المفروض تبقى تحت النص بشرطه لا تطلع و لا تنزل الا اذا كان في هوا في دورة الميه بيطلع و حضرتك بتزودها الصبح مره على الماكس و بعد كده بتزبط او ما زال العيب موجود و بيكون فيه تسريب كبس من البساتم الي دورة التبريد و ده بيبان على السرعات العاليه فوق ال 120 و يا سلام لو فاتح تكيف بيحصل انك كل اما تزود سرعتك الحراره تزيد و اما تهدي الحراره تنزل و متقلقش قول بس للمهندس محمد عمر جربها على طريق سريع مش يدورها و هي واقفه
و شكرا
ربنا يعينك والله ... انا بس اللى مخلينى اتعصب حبتيين ... ان الموضوع اللى عندة مش كبيير و الحاج احمد الميكانيكى حيفهمها من اول بصة .... ياجماعة والله حرام يبقى دافعيين الاف الجنيهات فوق تمن العربية بخلاف تمن الصيانات اللى كل كام شهر عشان لما يكون فى مشكلة تتحل بسلاسة وسرعة على اساس انك عميل يعنى
وفى الأخر تتمنى انك تاخدها لأى صنايعى برة يخلصهالك فى يومين بالكتير وبالدلع !
ولا يهمك استاذ اسامه وفي انتظار ما تسفر عنه الامور ان شاء الله
ردا على بعض الاعضاء عن التوكيل .. ان مش مهم الافلام دى وصوروا خدمة واهتمام التوكيل للعميل انه عادى ومحدش يصدق الكلام ده ولا يدخل ببصلة فى زمته ..
لا بصراحة .. بالنسبالى وبالنسبة لكل اعضاء نيسان بالذات وعملاء نيسان يهمهم الكلام ده جدا .. والمعاملة تكون كدا من التوكيل بتعنا .. وعلى قد ما فى سلبيات عندنا تبع توكيل نيسان الا وانه بيجبر مراكز الخدمة المعتمدة اللى بتتعامل معاه على الاهتمام بالعميل فور وقوع اى مشكلة او شكوة .. وخالى بالكم اغلب التوكيلات الاخرى ليها مركز صيانتها على طول .. مش ليها مراكز خدمة بتتعامل معاه زى نيسان .. ومع ذلك بتهتم جدا بعملائها عن طريق الشكاوى .. والشكاوى مش بتتركن ومش بيعبروا الناس زى اى توكيل سيارات اخر
دى نقطة
النقطة التانية .. كفاية ان احد المراكز الخدمة ومعانا عضو كريم بدون ذكر اسماء .. كانوا بيهتموا بصحته عشان وصلهم خبر ان فى المستشفى وبيتعب من اى مشكلة بيحسها فى العربية وبياخد الامور على اعصابه .. واى حاجة بيطلبها فى العربية .. حتى لو مكنتش عاملة مشكلة .. وبالنسبالة فى وسوسة فيها بتتغير علىا لفور وبيرضوه جدا وبيراضوا كل الناس
النقطة التالتة : بردوا بلاش نسخن فى الرد ونقول ده هجس وده مجس وده وده ولازم نعمل فيهم ولازم نسوى .. وكل ده بنسخن على سماع المشكلة من بوق العميل وممكن يكون العميل شخص غلط .. زى بردوا اعضاء ذكرت ان عندها مشكلة وقالبوا الدنيا وقال حيفكوا الماتور .. وحيعملوا فيه .. وطلع فى الاخر ان مفيش جاحة وهو شخص غلط ..
نقطة اخيرة .. اما موضوع اسامة ان شاء الله خير .. وباذن الله اذا مكنش فى حاجة مستخبية عشان السخونية .. ممكن يطلع بسبب انه فتح القربة وزود ميه ودخل هوا سخن .. والعربية سخنت مثلا بسبب كدا .. ويطلع مفيش حاجة وان العيب القديم اتصلح ومفيش مشكلة .. ووارد ان يكون فى عيب جامد وكبير
والناس شغالة بصراحة ومش بيقصروا .. وبردوا حاجة تحسبلهم انهم بعتوا ونش جاب العربية من دهب الى القاهرة على حسابهم
وتخيلوا بقا لو مكنش فى حاجة من الاساس مثلا
بصراحة احمد الميكانيكى اللى عاوزنا نروح عنده ياريت تدونا عنوانه .. عشان محتاجينه بصراحة
يا جماعة .. بصراحة على قد ما التوكيل فى سلبيات بس فى ايجابيات كبيرة .. والحمد لله على كل شى
وانا لو شايف ان فى مشكلة كبيرة هما قصروا فيها مش حسكت .. قبل صاحب الموضوع .. لان بسعى لمصالح الاعضاء .. وعمرى انا كاحمد مصطفى استفدت حاجة فى عربيتى او اتعمل حاجة ببلاش الحمد لله .. ولا باخد حاجة من حد
انا كلامى ده بس عشان محدش بيقول ان بدافع عن حد
انا يهمنى اسامة فى الاول والاخر او صاحب اى مشكلة ... بقدر اساعده
ولو شوفت ان المكان ده قصر مش بسكت .. وردى بيكون بره المنتدى مش جوة
تحياتى
وبرجاء الهدوء وعدم تسخين صاحب اى مشكلة .. الا لما نسمع ونشوف التوكيل وصل معاه للايه
ونسمع من كل الاتجاهات ونشوف كمان ايه الاخر وصلوا فيه مع العميل .. عشان اللى ليه حق ياخده
تحياتى واسف على الاطالة
وباذن الله المشكلة تتحل على خير يا اوس اوس
هو انت جى تخبط فيا انا وتقولى محدش يسخن هههههههههههههههههههههه
ماهو مفيش غيرى انا اللى رد وقال كدة !!! بس دى اراء و مش حتعرف تمشى كلة على رأيك :) هى الدنيا كدة
انا مصمم ان اللى انا محتاجة من توكيل ومركز خدمة هو الصيانة الصحيحة السريعة = عندك اية عندى كذا و كذا = اتفضل اقعد فى الاستراحة = بعد ساعتين زمن استلم العربية فلة شمعة منورة والتوكيل ياخد فلوسة وانا اروح مبسوط
لا عاوز اطمئنان و لا تليفونات و ولا مجاملات ولا الحاجاات دى خااالص ... اصل بينك وبين العميل الشغل المظبوط هو مش حيصاحبنى !! 1+1=2
شاكرين ليك يا احمد تدخلك وان لله عبادا اختصهم بقضاء حوائج الناس
ربنا يجعلنا منهم
شهدي :انا مؤيد تماما كلامك
بس مشفق عليك :-)
لانك طلعت من نقرة وقعت في حفرة :-)
من هيونداي لكيا يا قلبي لا تحزن :-)
وربنا يكملها معاك بالستر
معلش اصلي قديم في المنطقة دي وعارف اللي بيحصل فيها كويس
وعارف ان اللي قدموة نيسان هنا ممتاز لغاية دلوقتي ومستني النتيجة النهائية
احمد يا مصطفي
روووووووستخ :-)
ربنا مايجيب توكيل و تصليخ انا ناقص ربنا يستر دى قطمت وسطى
ما هو ده يا كريم .. اللي بنوصله للاعضاء .. ان توكيل نيسان .. محترم جدا عن باقى التوكيلات .. واننا كملاك لسيارات نيسان بنشوف منهم الكويس .. ووارد ان يكون فى مشاكل عندهم حتى لو بنسبة 30% او 40% بس بتتحل المشكلة وبيرضوا العميل كمان على عكس التوكيلات الاخرى اللى فيها مشاكل بنسبة 60% على الاقل او اكتر كمان ومش بيحلوا حاجة ولا مشكلة ولا ارضاء عميل .. وبيخلوا صاحب المشكلة ممكن يتجنن .. ويلف حوالين نفسه ..
وعمرى ما حمشى راي على حد ابدا .. وكلامى مش لفرد واحد .. انا كلامى لكل الاعضاء اللى فى القسم عندى .. فاهمين التوكيل .. واللى منهم ليه مشكلة بنوضحله وبنفهمه ايه اللى بيحصل معاه وبنطمنه .. وده بناء على وجودى فى قسم نيسان وكمنسق للقسم بيحل المشاكل جوة وبره القسم .. وبدورى لازم اهدى الامور .. واحل مشاكل الاعضاء بهدوء .. لان قسمنا القسم الوحيد اللى بيحل مشاكل الاعضاء فى التوكيل ولو بنسبة 50% .. ومن الاقسام اللى اصبحت خدمية .. ومينفعش اقول هجس .. وفى بعض الاعضاء بتقول دول ناس مثلا بهايم .. او ربنا ينتقم منهم .. او دول حرامية .. او او كلام من هذا القبيل .. وده بيكون كلام بعض الاعضاء فى نقد اى مشكلة عند طرحها .. او من الاعضاء اللى بيتعاطفوا مع صاحب المشكلة فى ردودهم .. ووالكل بيدخل يرخ الكلام بالطريقة دى سواء فى قسمنا .. وده مش من سياسة المنتدى ولا قوانينه .. وكمان مش من سياسة قسم نيسان .. وقسم نيسان جزء من نايل وقوانينه طبعا ..
وكلامى ده كله مش بقصد بيه واحد .. عشان محدش يقولى انا مقولتش كل ده .. وان ده بيحصل فى المنتدى عادى .. لان النقد اللى بالاسلوب ده وفيه كلام بالطريقة دى .. مش مظبوط ابدا .. واحنا مش بنمنع اى شخص ينقد وينقل تجربته ويقول رائيه .. ولكن بدون تجريح او استهزاء لحد
وحتى اى انسان بيحصل معاه مشكلة .. بنقوله اهدا وكل الامور حتتحل بالهدوء لانك معاك ربنا سبحانه وتعالى ومعاك نيسان وكمان معاك ضمان ومعاك حق ومعاك نايل موتورز ومعاك اعضائه ..
وبخصوص المشكلة الحالية لاخونا وصديقى العزيز اسامة .. ان حبيت اوضح ان فى توكيلات اخرى مش بيهتموا بالعميل ابدا حتى لو هو صاحب حق والعميل بيدخل معاهم فى مناهدات ومماطلات .. عشان يثبت حقه .. وده الحمد لله مش موجود فى نيسان .. وكل بياخد حقه .. حتى لو اخدت وقت
ولو فى مشكلة عدت من ايد توكيل نيسان .. بيعترفوا بالخطا .. وبيحلوا وبيرضوا العميل .. وحتى كمان بيعوضوه باى تعوضيات ان كان فى خطا كبير جدا
وانا معاكم ان المفروض ان الواحد يروح المكان الفلانى ويتعمل ليه كل حاجة بالمظبوط جداااا .... لكن فى مصر .. صعب جدا انه يتحقق .. ومش فى مجالات السيارات بس .. فى اى مجال
وفى اعضاء فى القسم وافدين جدد .. احيانا ممكن يشخصوا مشكلتهم غلط .. بهاجس الوسواس .. والعربية مفهاش حاجة .. والكل يدخل ويتعاطف مع العضو ويقوله اعمل شكوى واعمل قضية .. ويطلع العربية مفهاش حاجة ابدا .. وكلامى ده بناء على موضوعات فى القسم وتجارب .. مش على مشكلة اسامة تحديدا ..
وعشان كدا بنبه وبنعرف الاعضاء القدامى اللى فى اقسام اخرى .. ان وارد قبل ما ندخل ونتعاطف ان ممكن ميكنش فى حاجة .. عشان منقلقش صاحب المشكلة
هل بقا اللى بيدخل القسم بيقلب فى موضوعاته وعارف اللى بقوله !! مفيش غير الاعضاء القسم اللى متابعينه فقط .. فلازم نعرف الاعضاء بكدا
وقسم نيسان من الاقسام .. اللى الحمد لله بقا ليها سمعة طيبة مع توكيل نيسان .. وغير كدا متداخلين معاهم جدا فى حل اغلب المشاكل للاعضاء عن اى قسم اخر .. فمتداخلين فى الصورة .. ولينا عيون فى التوكيل .. بنقدر نحس ونعرف كل شى على الحقيقة وعلى الطبيعة وبنعرف الامور ماشية ازاى
وحضرتكم .. دوروا ورايا فى القسم كويس وتتاكدوا من كلامى ده ..
والحمد لله الواحد بيجرى ورا مصالح الناس لوجه الله .. وبتكلم بناء على اللى بشوفه من هنا وهناك ومن دخولى جوة الاماكن دى .. وده كان كلامى اللى نابع من وجودى الدائم فى القسم مع مشاكل الاعضاء ووجودى معاهم فى التوكيل
وبندور على المصلحة فى النهاية للاعضاء .. وان الامور تتحل على خير ويسر
ويا اسامة باشا انا اللى اجبلك العربية لغاية عندك فى دهب .. وفرصة اشوفك ونقعد مع بعض .. ولا نسيت وعدك !
وبخصوص ان محدش قالك مثلا متفتحش وتزود المية وتعمل ايه .. انا عن نفسى ماشى بقاعدة .. مفتحش الكابوت طالما العربية فى الضمان .. ولو حصل حاجة غلط .. يبقا هما اللى يتصرفوا طالما العربية فى الضمان .. وبكون ماشى حاطط فى بطنى بطيخة صيفى .. ولما الضمان يخلص .. ابتدى افتح وابص واتعامل
ويمكن حصل ده معاك لان كان فى مشكلة قديمة .. خلتك حبيت تتطمن فكنت قلقان .. فعملت الحكاية دى بسلامة نية .. ولو كنت مكانك بنفس تجربتك كنت حعمل كدا بتلقائية
وقدر الله ما شاء فعل .. وان شاء الله خير .. وباذن الله لو عايز اخد العربية اجربها بنفسى مفيش مشكلة .. انا عيونى ليك يا حبى .. عشان تكون مطمن .. واجرب بنفسى كمان عشان المصدقية
ومنورنا حقيقى والله يا شهدى باشا .. فى قسم نيسان .. وعايزينك معانا على طول ويارب يبقا معاك نيسان جوك جوهرة نيسان القادمة بقوة
تحياتى للجميع
طيب يا جماعه انا كنت اقراء فى منتدى الكيا
ولقيت ان الناس اشتكت من توكيل السبع
انا دلوقتى مش فاهم هل هو كويس ولا وحش ولا ايه بالضبط؟
ومن الواضح كده ان مفيش فعلا توكيل كويس فى مصر
فيريت حد يوضح الموضوع ده
ولا هو التوكيل حلو فى الحجات الخفيفه ذى الصيانات الدوريه ووحش فى المشاكل الكبيره اللى فيها سمكره و دوكو؟
عموما اعتقد ان السمكرة والدوكو بتكون افضل بره اى توكيل بشرط يتوافر الصنايعى الكويس وكمان بتكون بسعر اقل من التوكيل .
اعتقد ان الفرق بين السبع كمركز خدمة معتمد لكيا لسه فى بدايتة فلازم يكون فيه سلبيات , ولازم يتدارك الاخطاء دى علشان يقدر ينافس ويجذب العملاء .
وعموما هوعنده ميزة نسبية بسبب سمعته الكويسة مع نيسان
اسامه باشا انا سئلت انهارده على العربيه بتاعتك المهندس محمد عمر و المهندس محمد عبد المنعم و قعد فيها محمد عبد المنعم و محمد عمر و اتخن سواق في الشركه و اتنين كمان و جربوها على طريق السخنه و الدائري لحد 160-180 و مسخنتش و هما قالولي ان حضرتك زودت العربيه على الطريق من الردياتير و ده غلط لانه بيدخل هوا لدورة الميه و بيعمل الاعراض الي حضرتك بتحكي عليها و بخصوص الميه الي كانت ناقصه طبيعي لان لما الهوا بيخش الميه بتخرج و بتعلى و تخرج من الاربه و بعدين كمان شويه تلاقيها نقصت تاني
انت اقرب اجازة نازلها امتى يا اسامة .. لو تحب اروح مع حد من اقاربك هنا فى مصر ونستلمها وادهالك لغاية البيت مفيش مشكلة
لان حرام توديها على ونش
كلمنى فى التليفون وانسق معاك
وفعلا زى ما احمد قالك .. انهم جربوها من فترة وكله تمام ومعلش انشغلت فى موضوع المقابلة ونسيت ابلغك
شوف ناوى تعمل ايه وانا تحت امرك
يا باشا أنا حتجنن و مش قادر
الموضوع ده بقاله 3 شهور!!!!
عارف يعنى ايه لما تكون سايق و كل 30 ثانيه بالكتير تبص على مؤشر الحرارة؟؟؟
لما الوضوع يخلص فى 4,5 سطور طيب أنا المفروض غيرت غطاء ترموستات الكوع "علشان المياه فى القربة بتزيد"
و غيرت غطاء الريداتير و جوان وش سلندر علشان الحرارة
غيرت مياه الريداتر حوالى 16 مرة "بدون مبالغة"
رحت التوكيل 4 مرات و قابلت 3 مهندسين محدش قالى يا جاهل الموضوع فى 4,5 سطور يعنى 15 ثانيه كلام
لما أكون جاهل فى أى شئ يخص حاجة معرفهاش ده مش عيب بس المفروض حد بيفهم يفهم الجاهل ده الصح فيين
غير اللى أنا أتكلفته "مش مهم كام" و العطلة
غير اللى التوكيل أتكلفه لحد دلوقت
مش عارف أقول ايه .... الحمد لله على كل شئ
اسامه باشا انا قصدي الي حصل معاك في اخر سفريه لدهب كان سببه انك زودت ميه من الردياتير و فتحت الغطا بتاعه العربيه سخنه بس اما قبل كده و ده كلام مهندس محمد عمر شخصيا ان الترموستات علق سخنت الميه و ضربت جوان وش السلندر
السلام عليكم : بعد اذنكم عاوزين نعرف اية اللى حصل فى العربية يعنى العيب اية اخبارة وهل تم حلة نهائيا وشكرا لاهتمام الجميع
انا اسف نسيت اسال عن اسم الموديل وسنة الصنع وماشية كام الف وشكرا لسعة صدر الجميع
السلام عليكم و رحمة الله و بركاته
الحمد لله وصلت دهب بسلام
الحمد لله العيب اتصلح
السيارة صنى موديل 2009 ماشيه 90000 كيلو
بكره الصبح تفاصيل علشان دلوقت نوم.....آسف جداً
الف مبروك على التصليح
وف يانتظار التفاصيل
اسامة انا عايز اسال علي حاجه هو مؤشر الحرارة و انت سايق العربية بيتحرك و لا ثابت ؟؟
ما يمكن فعلا و العربية ماشية و دايرة ممكن تكون المياه طبيعي تنقص او تزيد في القربة و ديه متكونش مشكلة خالص .
المهم من غير ما أطول
رحت التوكيل الساعة 10:30 صباحاً قابلت المهندس محمد عبد المنعم طلع معايا نجرب العربية على الدائرى و الحمد لله العربية مفيهاش مشكلة.
طيب المشكلة فيين؟؟؟؟
المشكلة أنى و أنا مسافر المرة اللى فاتت على طريق السويس فى منطقة كده قبل الكوبرى اللى لسه بتعمل ده زى ما يكون الهوا فيها جامد + الساعة 2 ظهراً + الشنط + الأسرة + 130,140= مؤشر الحرارة يوصل لحد الثلاث تربع بين النص و بين الشرطة اللى قبل الـ H فلما المؤشر رفع أنا وقفت على طول و سيبت العربية تبرد
و فعلاً و أنا مسافر المرة دى عند نفس المكان حصل نفس اللى حصل المرة اللى فاتت لكن المرة دى دوست و مسألتش فضل المؤشر ثابت شوية و بعد المنطقة دى نزل تانى تحت النص
و باقى الطريق الحمد لله مفيش مشاكل كل شويه أركب معايا عساكر جيش علشان أجرب التحميل على العربية .
الحمد لله الموضوع خلص على كده
بس طبعاً شكر عميق جداً لكل من:
المهندس محمد عبد المنعم
المهندس محمد عمر
المهندس معتز "خدمة ما بعد البيع"
طبعاً العربية تجارب يوميه على طريق العين السخنة
بنزين بيمونوا 95 "فى ازمة البنزين"
كارته طريق العين السخنه
ونش مخصوص لدهب
كل التكاليف دى .
كل الموضوع علشان التأكيد ان العربية مفيهاش مشكلة
أنا فعلاً أول مرة أشوف كده فى مصر.....:B4_388::B4_388::B4_388:
و طبعاً شكر خاص جداً لأستاذ أحمد مصطفى على وقته و مجهوده و تليفوناته لو فضلت أكتب من هنا لبعد بكره عمرى ما أوفيه حقه.
و أخيراً شكر لكل الاعضاء اللى تابعت الموضوع و شاركت فيه "مع إن ده اللى مطلوب من الاخوات" بس مش مشكلة.:w6266d:w6266d:w6266d
السلام عليكم ورحمة الله وبركاته
يا باشا الحمد لله على سلامتك وسلامة الأسرة الكريمة .....
وربنا يستر طريقك وطريقنا ان شاء الله .... اللهم آآآمين....
من رأيي انه طالما كانت المشكلة الترموستات " الميكانيكي " ده يبقي أفضل خليهم يشيلوه خالص ... وعلى فكرة معظم الناس بتشيله ومش هيفرق معاك لا في التسقيف ولا استهلاك البنزين اطلااااااااااااااااقا ... لأن دورة التبريد منفصله تماما عن دورة الأحتراق بتاع البنزين .....ومش هيفرق معاك خالص الا في التسخين الصبح هتلاقي العربية بتطول حبتين في التسخين لأن بدل ما العربية هتسخن الميه اللي في البلوك بتاع الموتور بس .. هتسخن الميه اللي في دورة التبريد كلها والموضوع ده هيحصل أكتر في الشتاء...
وتحياتي وألف مليون مبروك ع العربية وربنا يجعلها آآآآآآآآآآآآآآآخر المشاكل .... ويبعد عنك وعنا كل الشرور ... اللهم آآمين
السلام عليكم و رحمة الله و بركاته
الأثنين 3-10-2011
الساعة 3:55 عصراً
(1)
http://i1117.photobucket.com/albums/...sama_ibr/1.jpg
(2)
http://i1117.photobucket.com/albums/...sama_ibr/2.jpg
(3)
http://i1117.photobucket.com/albums/...sama_ibr/3.jpg
(4)
http://i1117.photobucket.com/albums/...sama_ibr/4.jpg
(5)
http://i1117.photobucket.com/albums/...sama_ibr/5.jpg
(6)
http://i1117.photobucket.com/albums/...sama_ibr/6.jpg
انا عارف بتفكر فى ايه!!!!
مفيش مياه فى العربية
[youtube]http://www.youtube.com/watch?v=dYxju0cLs1U[/youtube]
بدون تعليق!!!!!!!!!!!!!
لا تعليق بس خد الامور بهدوء و روحلهم تاني بالصور دي و خليهم يبصوا على الطرمبه و المراوح
والله ياعم اسامه ماعارف اقولك ايه
بس اكيد في مشكله في العربيه بس مش عارف ايه هيا علشان العربيه مش قدامي
طيب هل جربت ملركز خدمه تاني.
او شوف لو وليد يقدر يبص عليها واكيد هيفيدك
وربنا معاك
السلام عليكم و رحمة الله و بركاته
آخر مستجدات الموضوع
تم تحديد ميعاد مع الأستاذ معتز يوم السبت "لكن لظروف خاصة" مقدرتش أروح السبت لكن رحت الأحد على أساس انى اسلم العربية تتجرب براحتها لحد الأجازة اللى جايه و طبعاً كان معايا عائلتى الصغيرة فى التوكيل بالشنط علشان كنت حاجز ميعاد 2 ظهراً من العباسية
المهم كنت مكلم صديق فى الشغل من فرع المعادى علشان يوصلنى محطة الأتوبيس .
كلمت الاستاذ معتز و كان خارج التوكيل و قال لى سلم العربية للمهندس محمد عمر
كلمت المهندس محمد عمر كان بيجرب عربية على الدائرى و جاى فى الطريق
وصلت الساعة 12:40 و صاحبى قال لى لازم نمشى علشان ميعاد الأتوبيس
قلت أمرى لله أسلم العربية لأى مهندس فى التوكيل لحد ما المهندس محمد عمر يرجع
لسه داخل التوكيل علشان أسلم العربية لقيت المهندس محمد عمر لسه واصل و معاه المهندس عبد المنعم
سلامات و تحيات
أفتح كبوت العربية و دور...............
المهندس محمد عمر بيبص على الريداتير لقى خرم ربع ميلى بينزل نقطه و بعد شويه نقطه تانيه!!!!!!!!!!!!
و بعدين أيه الحل
10 دقايق العربية تدخل الورشة تغيير ريداتير و تسافر بيها!!!!!
و فعلاً العربية دخلت الورشة ربع ساعة و طلعت بريداتير جديد .
سافر يا عم بالعربية
و فعلاً شكرت المهنس محمد عمر و المندس عبد المنعم و صاحبى و حطيت الشنط فى العربية و أنا دلوقت فى دهب
بالنسبة للعربية الحمد لله من ساعت ما طلعت من القاهرة لحد دهب مؤشر الحرارة تحس أنك حاطط عليه أمير مش عايز يتحرك لأ فوق و لا تحت
إن شاء الله أنام و الصبح أبص على المياه فى القربة وصلت لحد فيين
على فكرة أنا حجرب العربية لحد الأجازة اللى جايه علشان أنزل بالنهار و لو "لا قدر الله " فى مشكلة حتلاقوا الموضوع اتنقل لقسم البيع و الشراء
تصبحوا على خير....